Jeremías 16:21 - La'aqtaqa Ñim Lo'onatac 'Enauacna 2013

²¹ Qaq ỹoqo'oye nagui, Aỹem sachaxana da ỹa'añaxac namayepi, yaqto' namayepi ỹaỹaten da ỹe'enaxat da Aỹem Nataxala'.»

Jeremías 16:21 Referans Kwoze

Salmos 9:16

Ñim Nataxala' nachaxan da yaqto' qaỹauatton, souaxat da ỹo'ot na ỹaỹamaqchiguiñi lataxac, qaq na qauemaicpi qalaq tangui aca lqoina maye maiche lo'onata.

Jeremías 33:2

«Aỹem Nataxala' maye ỹo'onata ana 'alhua, qataq so'ot co'ollaxa da lataxac, qataq saỹamaxatchiguiñi co'ollaq sanaña ye lma', 'am shenapega:

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Amós 5:8

Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!

Isaías 43:3

Cha'aye Aỹem Nataxala' maye Aỹem Qui'itta Natamnaxala' na Israel le'ecpi, 'am ñeca'alaxatec qome, Aỹem 'am sesheenaxana, nache sanec ye Egipto, Etiopía qataq ye Sabá da nmenegueta ñaqa'en 'am,

Éxodo 15:3

Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.

Ezequiel 25:14

Sauo'o qome ca ivi' da she'eguelaxateguet ye Edóm chegoqchigui ñaqa'en na ỹalamaxat nhuo' Israel le'ecpi, qaq chegoqchigui qome namayepi da sematalec ye Edóm 'enauac da ỹayeloxo qataq da inogoxonaxac. Qaq huaña qome nache ỹaỹaten da 'eetec da so'ot da ivi'. Qaq 'era da ỹa'aqtac, Aỹem Nataxala'.

Ezequiel 24:27

Qaq que'eca na'a'q, nache huo'oi qome naua 'ara'aqtaqa, nache ishet da 'ana'aqtaxane' qome que'eca 'eltaxaic. Qaq 'am nache 'am laloqnaxanaxat qome na nhuo' le'ecpi, qaq huaña qome nache namayepi ỹaỹaten da Aỹem nachaỹem Nataxala'.»

Ezequiel 24:24

Qaq na Ezequiel, nachena na qaraloqnaxanaxache qome, da yaqto' qaue'enaxachiichigui dam ỹo'ottac. Qaq qom ipacchigui de'era, nache qauaỹachiñi qome da Aỹem nachaỹem Nataxala'.

Ezequiel 6:7

Qaq qom qauauañiichigui da qalota ca ileu shiỹaxauapi da qami' huanguilo, nache qauaỹachiñiita qome da nachaỹem Nataxala'.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.