Jeremías 16:19 - La'aqtaqa Ñim Lo'onatac 'Enauacna 2013

¹⁹ 'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Jeremías 16:19 Referans Kwoze

Isaías 25:4

Cha'aye nache 'am da 'am lle'eguenaxala' na choxoraqpi, qataq 'am lpaqtaxanaxat nam huo'o da lhuenaxanaxa da huo'o da lhuogoxo, qataq 'am ỹe'eguenot da huo'o na lta'araic la'at, qataq 'am lpe'l da huo'o na lta'araic ntap. Qalaxaye naua la'a'che na qauemaic shiỹaxauapi 'eeta'am na lta'araic la'at ye latomaxa,

Nahúm 1:7

Ñim Nataxala' soxoraic, Ñimaye ñe'eguenaxala' da qaivireguet ca nhuogoxo, qataq npaxaalec nam pe'etecot Ñimaye,

Jeremías 17:17

Saishet qome da aỹem 'anlaxatchigui da icolanaxa, cha'aye nache 'am maye 'am ỹe'eguenaxala' naxa da huo'o ye lchec.

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

Jeremías 10:5

Na atamnaxala'pi qalaq 'eeta'am ca ne'enaqtac shiỹaxaua da qoỹaatalec ca nanaxanaqa' maye lma' ana melón, namayepi saishet da detaqa, qataq iuen da qanachesheguem, cha'aye saishet da queuoỹapigui'. Saishet da qañe'eetega namayepi, cha'aye namayepi saishet da huo'o ca qami' ỹo'oteque qauem huo'otaq 'onaxaic.»

Jeremías 2:11

da ca ỹotta'a't shiỹaxauapi maye ỹaqa'a da la'amqaanataxanaxac, da naralaxat co'ollaxa nam natamnaxala'pi. ¡Qaq na'aictaxa da saq'en atamnaxala'pi! Qalaxaye nam ỹalamaxat nhuo' le'ecpi Aỹem ca'ai, aỹem maye Aỹem llo'oxoyec co'ollaxa namayepi, nache Aỹem nmeneguet naqa'en nam atamnaxala'pi maye qaica ca naigui.

Isaías 44:10

Cam ỹacona ca lcat da ỹo'ot ca le'enaqtac, da yaqto' natamnot da 'eeta'am naqa'en ca atamnaxala', nache choche ne'e'n naua na'axa'te da lo'onataxanaxac.

Salmos 86:9

'Am Nataxala', 'enauac na ỹotta'a't shiỹaxauapi maye 'aro'onatacpi, anac qome da 'am natamnot qataq ỹo'oxoreetac da 'are'enaxat.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Habacuc 3:19

Cha'aye Ñim Nataxala', aỹem ỹanem da ỹa'añaxac, qataq sa ilaua'aguelo naqa'en naua ỹapia'ate 'eeta'am aca ñi'imshe, qataq aỹem ỹaviguisheguema yem ỹataqta qaỹoqotcheguema.»

Ezequiel 11:16

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem ñeqateeguesop co'ollaxa ye na'alhua namayepi, nache selagaxat da yaqto' ỹaleeguet nam ỹotta'a't shiỹaxauapi maye hueta'a na ỹaqa'a 'alhuapi, qalaxaye damaye saqaỹauec ñaqa'en. Qalaxaye nagui nachaỹem da sheeta'am aca natamnaxaqui namayepi da hueta'a nam 'alhuapi maye taỹa co'ollaxa.›

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Salmos 62:2

Nacheñita Ñimaye da aỹem mpaxattalec, qataq ica'alaxaqui, qataq ỹe'eguenaxala', nache saishet qome da souañi.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Isaías 62:2

Qaq huaña nache na ỹotta'a't shiỹaxauapi ila'a qome da 'arca'alaxa, qataq 'enauac na nta'alpi ila'a qome da 'ayo'oxoyec. Huaña qome nache dalaxaic ca 'are'enaxat maye maichiñi Ñim Nataxala' 'am ỹanagui qome.

Isaías 32:2

Ñim 'oonolec camayepi qalaq 'eeta'am qome ca ñe'eguenaxaqui da huo'o ca la'at, qataq npaqtaxanaxat da huo'o ca la'at lta'araic, qataq 'eeta'am na la'auaxacpi da icorelec na 'etaxat ca deqaqta 'alhua, qataq 'eeta'am na lpaqal aca late'erai coma' maye naña ca toolec 'alhua.

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Salmos 68:31

Qaq ye Egipto le'ecpi namaq qome na ltaxaỹaxanaxanecpi, qataq ye Etiopía qalaq ỹanot da lhuaqỹaxac Ñim Lo'onatac 'Enauacna.

Salmos 62:7

Ñim Lo'onatac 'Enauacna nacheñi ñi ica'alaxaqui qataq ỹo'ot da ỹo'oxoyec. Nacheñi ñi ỹo'ot da ỹa'añaxac qataq nacheñi ñi ỹe'eguenaxala'.

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 46:1

Ñim Lo'onatac 'Enauacna nacheñi ñi qomi' npaxattaleguete qataq nacheñi ñi qara'añaxac, Ñimaye sa naỹaloxon da qomi' itaua'n da souaqaigui da qarachetataic.

Salmos 27:5

Yaqto' da ivita ca na'a'q maye huo'o da lqalaic, qalaq Ñim Nataxala' aỹem ipelteetalec, da sootaigui añi lalamaqte atamnaxaqui, da aỹem nca'alaxatec, qalaq aỹem ỹanalec aca coma'.

Salmos 19:14

Nache ỹataqta 'auaỹamaxareete' naua ỹa'aqtaqa qataq naua iuennataxaco, 'am Ỹataxala', nache 'am maye aỹem 'aupelteetalec qataq aỹem 'ampaxattalec.

Romanos 1:25

Saishet da ỹo'oxoren Ñim Lo'onatac 'Enauacna maye ỹataqta 'eesa, nachaqrata da ỹo'oxoreetac nam ne'enaqtacpi maye saq 'en, ỹo'oxoreetac na choche lo'onatacpi Ñim Lo'onatac 'Enauacna, qamaq ỹo'oxorenctaxa Ñimaye maye lo'onatac 'enauac namayepi, maye taiguet da chochaq tatec da qaỹo'oxoreetac. Aja' nache 'eetec.

1 Reyes 20:23

Qaq so ltauapi so nta'a ye Siria 'enapego' so nta'a, 'eeta': Na natamnaxala'pi na Israel le'ecpi, namayepi qasoxonaxa le'ecpi, ỹoqo'oye ishet da qomi' naue'c namayepi, qalaxaye da huaña ñaqa'enaq ye nalochiguiñi 'alhua da seloquiaxai', nache yo'oqta da ñauegaq qome.

Isaías 44:20

Qaq damaye ỹataqta 'eesa da 'eeta'am da qanallectac ca alo, qaq damaye naigui da qanañanegueta naua nhuennataxaco maye saq'e'n. Qaq ne'ena shiỹaxauapi saishet qome da nca'alec, cha'aye sa ỹaỹaten da na huetaigui na lhuaq aloiguishec, nda'a't da natenataxanaxac.

Isaías 45:14

Ñim Nataxala' 'enapega so Israel, 'eeta': «Na shiỹaxauapi maye netalec na no'onaxapi ye Egipto qataq na nmenaxaicpi ye Etiopía qataq na shiỹaxauapi ye Sabá maye logoraicpi, 'am nañanot qome, nache namayepi 'arlatacpi qome, qataq 'am ca'attaueegue qome netagui na ncoñetaxanaxat lcat, qataq 'am ỹa'aroto naua l-llectel nache 'am nachoxonnot, 'eeta': ‹Ỹoqta 'eesa da Ñim Lo'onatac 'Enauacna qami' hueta'agueta, qataq ỹoqta 'eesa da qaica ca lỹa atamnaxala'.›»

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Jeremías 12:16

Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Joel 3:16

Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Salmos 18:3

'Am Nataxala', 'am maye 'itchiguiñi da 'am qaỹo'oxoren, cha'aye naxa da 'am seỹaxana nache aỹem 'anca'alaxateeguesop na ñepa'aguenaxauapi.

Salmos 65:3

Na qaye'etaxaloxosat qomi' loxonqa, qalaxaye 'am 'auapalaxat na qarasouaxashetpi.

Jeremías 10:3

Da la'amqaanataxanaxac ne'ena shiỹaxauapi qalaq qaica ca naigui. Namayepi ichec naxa ana lamo ỹachegoxotaigui na aviaq, nache anac na ne'enaqtac lo'o da irolec na lo'ogoxonaxat da naloqchiiñi,

Jeremías 14:8

'Am maye 'am ỹacheto'ot naxa da naquitaxac, qataq 'am lca'alaxaqui na israel le'ecpi da huaigui da lqalaic, ¿ta'ainco' da 'avi'inaxat da lataxac cam ỹaqa'a ca chegaqa'ague da qoueta'a ne'ena 'alhua, qoneta'am ca queuoxoic da 'oonolec pe da hueta'a ca lanataqa'?