Jeremías 16:18 - La'aqtaqa Ñim Lo'onatac 'Enauacna 2013

¹⁸ Qaq hua'auñi qome da dos ñaqa'en da ỹe'eguelaxalec da isheeten na qauem maye ỹo'otpi, cha'aye nshepaxanaqchet na ña'alhua, souaxat nam nqaigaxat leuaxaicpi natamnaxala'pi, qataq 'enauac nam 'alhua maye sanem co'ollaxa da lalamaxat, huaña naqa'en da ỹo'ot nam ỹataqta seqaiga.»

Jeremías 16:18 Referans Kwoze

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Apocalipsis 18:6

Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.

Ezequiel 11:21

Qalaxaye nam saishet da ỹaxaañi da ỹo'oxoreetac na nqolacpi, qataq da ỹo'ottac nam qaiqaigapi, namayepi sauo'o qome ca nhuaxanaguec dam qauem lataxac. Qaq 'era da ỹa'aqtac Aỹem Nataxala'.»

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Ezequiel 11:18

Qaq namayepi ỹe'eguelaxa qome ye maiche na'alhua, qaq huaña yemaye nache namayepi ỹaxaañi qome nam qauem qataq qaiqaiga maye ỹo'ottacpi.

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Isaías 61:7

Qaq cha'aye nam ỹalamaxat nhuo' le'ecpi huo'o co'ollaxa da nque'eenaxac qataq hualec lỹa da ne'enaguec qataq nsheunaguec, ỹoqo'oye qom hueta'a na na'alhua, nache hualec lỹa nam ỹaconeguet qome nsallaxa qataq ntootapeguec dam chochaq tatec lamaicỹaxac.

Miqueas 2:10

Qoñiisheguem qome, nache qoqui, cha'aye ne'ena saishet da mataqa', qaq souaxat nam qauem maye ỹataqta imattalec namaye, nache namaye ỹataqta nlachiguiñi qome.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Salmos 106:38

Qataq icorec so ntago'q maye qaica ca ỹasouaxat, ltago'q so llalecpi qataq aso llalepi maye ỹavigaxat da ỹanot se'eso natamnaxala'pi na netaña ye Canaán, nache se'eso ntago'q maye qaicorec na'aqchet na 'alhua.

Levítico 26:30

Qataq Aỹem selaxachigui ca qanatamnaqa'aipi maye netaña ca ne'enaqtacpi, qataq dolagui ñaqa'en aca lca'atoxolate ca nchenaxanaxat ama na laita, qaq da qaro'ocỹaxaqui maye mashe leuaxaic, nache llapoolec qome ca ne'enaqtacpi maye qanatamnaxala'aipi, cha'aye ỹataqta qami' saỹemeque.

Isaías 65:6

Qalaxaye de'era 'enauac mashe settañi, nache saishet qome da choche ñe'emaxat nacherata da sanem dam naigui nam ỹo'ottpi,

Jeremías 7:30

Ñim Nataxala', 'enapec: «Na shiỹaxauapi na Judá, huo'o dam ỹo'ot maye sa saỹamaxaren, namayepi ỹanaigui añi atamnaxaqui maye aỹem qoỹanot co'ollaxa nam nqaigaxat atamnaxala'pi, nache nshepaxanaqchet.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Ezequiel 5:11

Aỹem Nataxala', maiche ñañan da san da ỹa'aqtac: Qaq cha'aye qami' qanshepaxanaqchichi añi qui'itta ỹalamaqte atamnaxaqui souaxat da qaỹa'añiỹaigui na nqolacpi maye nshepaxan, qataq nam qauem maye qauo'oche, qaq nataqa'en Aỹem qami' sa sechoxonnai'salo da qami' selaxachiguilo, nache saishet da qami' sechoxoreeta'ape.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Isaías 65:7

dam lalaataxanaxac namayepi qataq nam lalaataxanaxacpi som lta'alpi. Somayepi ỹavigaxat naxa na lchenaxanaxat da huaña ana qasoxonaxapi qataq aỹem inogoqchettac da huaña ana lcomaraxalatepi. Qaq ỹoqo'oye Aỹem Nataxala' shenapec da seque'emaqchet qome namayepi da lasheue ñaqa'en nam ỹo'otpi co'ollaxa.

Ezequiel 36:18

Qaq ỹoqo'oye sematalec co'ollaxa da ỹayeloxo namayepi, souaxat da lalaataxanaxac maye ỹo'ot da huaña yi'iye 'alhua, qataq da 'eetec co'ollaxa da nshepaxanaqchet yemaye, souaxat da ỹo'oxoreetac na nqolacpi.