Jeremías 16:17 - La'aqtaqa Ñim Lo'onatac 'Enauacna 2013

¹⁷ Cha'aye Aỹem selota'a 'enauac nam ỹo'ottacpi, nache qaica ca ỹapoguiñi ñaqa'en, ivira'a na lasouaxashetpi saishet da nqañoxocheesop da imeenaxanaxac.

Jeremías 16:17 Referans Kwoze

Proverbios 15:3

Ñim Nataxala' hueta'a 'enauac na qanayeetaña, ilotalec 'enauac na soxoraicpi qataq na qauemaicpi.

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

Proverbios 5:21

Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Salmos 90:8

Na qauemsat maye so'otaq qalaq 'auaỹateetac, qataq 'enauac na saqcha'a qarasouaxashetpi yo'oqta 'anqa'en.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Ezequiel 9:9

Nache Ñim Nataxala' aỹem ỹasateguet, 'eeta': «Da lasouaxashet na nhuo' Israel qataq na Judá le'ecpi ỹataqta lta'araic. Ne'ena 'alhua ỹataqta nlaxagui da nalaataxanaxac, ne'ena huaqta'a't nỹecpi ỹataqta nlaxagui da sa nalogoñi lataxac. Namayepi ipettega da mashe sheca'ai ne'ena 'alhua, qataq sa sauangui nam ỹo'ottacpi.

Isaías 29:15

¡Qaq choxoraxaso' nam nqañoxottaisop Ñim Nataxala' da yaqto' ỹoxottañi nam huotaique da ỹo'otpi, qataq huetaigui na napalaxa da ỹo'ot na qauem nache, 'eeta': «Qaica ca qomi' ỹauaachiguilo, qataq qaica ca qomi' nomalo»!

Salmos 139:3

'Auaỹaten 'enauac da iqauaxac qataq da ñemataxac, 'Am 'auaỹaten 'enauac na ỹecỹaxacpi.

Ezequiel 8:12

Ime, nache aỹem 'enapega, 'eeta': «¿'Aulota'a peta'a nam ỹoxottañi da ỹo'ottac nam nqueroxonecpi maye lataxala'pi na Israel le'ecpi, da ñi 'oonolec namayepi huo'o na maiche lma'piolec naqa'en na lqolacpi? Namayepi ipettega da sa sela'a, qataq da mashe sheca'ai ne'ena 'alhua.»

Salmos 51:9

Saishet qome da 'aulogui na ỹasouaxashetpi, qataq 'auapalaxat 'enauac qome na ỹe'etaxaloxosat.

Salmos 109:15

Qataq Ñim Nataxala' saishet qome da icoua'ai, qataq Ñimaye ỹapalaxat qome da le'enaxat maye huetalec ana 'alhua.

Jeremías 2:22

Qaq na'aictaxa da 'anỹo da 'auỹoxona ca no'on nỹoxonaxat, qataq da 'auỹoxona ca qalota nỹoxonaxatpi, qalaxaye nache 'eetai' qome da Aỹem hueto'ot na 'arasouaxashetpi. Qaq 'era da ỹa'aqtac, Aỹem Nataxala'.

Jeremías 29:23

Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»

Sofonías 1:12

Qaq que'eca na'a'q qalaq sacona qome aca ncoỹaraxanaxaqui nache ñemit ye Jerusalén. Huaña nache sauo'o ca nhuaxanaguec nam shiỹaxauapi maye ỹe'emaqtac 'eeta'am na lataxa da qaica ca ldaxac, qataq 'enapec naxa: Ñim Nataxala' saishet da ỹo'ot ca no'on qalaxaye nataqa'en, saishet da ỹo'ot ca qauem.

Zacarías 4:10

«Cha'aye nam qaica ca ỹanapoigui som saq 'amaqtaq maye chegoqchiguiña de'era no'onataxanaxac, namayepi ntonapigui' qom ila'a so Zorobabel da imatta de'era no'onataxanaxac.» Qaq ime, nache so namaxashec piguem le'ec qaltaq, 'eeta': «Ñe'eñeua siete ncoỹaraxanaxaqui', nache la'aitel Ñim Nataxala', maye imeteetrac 'enauac ana 'alhua.»

Da na'aqtaguec so Job 10:14

'Am, aỹem 'anauaatac da huo'o ca ỹasouaxashet, huaña nache 'auo'ot ca ñeuaxanaguec souaxat cam ỹasouaxashet.

Da na'aqtaguec so Job 31:4

Qataq Ñim Lo'onatac 'Enauacna ¿saishet peta'a da ila'a da ỹecỹaxac, qataq saishet peta'a da imete'n naua iqauaxaqui'?

Salmos 33:15

cha'aye nacheñi Ñimaye ñim ỹo'ot co'ollaxa ana lquiyaqtepi 'enauac namayepi. Qataq nacheñi ñi ỹaỹateetac 'enauac na ỹo'ottacpi namayepi.

Isaías 66:18

Cha'aye aỹem ỹataqta saỹateeta nam ỹo'ottacpi qataq nam lhuennataxacpi. Qalaxaye mashe ivita yem laloqo' da llaỹona't nam ỹotta'a't shiỹaxauapi qataq nam ỹotta'a't naua la'aqtaqa, qaq namayepi anac qome nache ỹauaachigui da ỹo'oxoyec.

Jeremías 7:11

¿Qaq, qaupicheetega peta'a, da ana'ana atamnaxaqui maye Aỹem qoỹanot co'ollaxa da lma' na cachaxaicpi? Aỹem sauaachigui 'enauac de'era. Qaq 'era da ỹa'aqtac Aỹem Nataxala'.