Jeremías 16:14 - La'aqtaqa Ñim Lo'onatac 'Enauacna 2013

¹⁴ Qalaxaye anacta ca na'a'q maye huaigui da saishet da qoỹan ca na'aqtac da qoỹeeta', ‹Ñim Nataxala' nca'altauec, ñim nqateeguesop co'ollaxa ye Egipto so Israel le'ecpi›,

Jeremías 16:14 Referans Kwoze

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Salmos 81:11

Qalaxaye ne'ena ỹalamaxat nhuo' le'ecpi saishet da aỹem hua'axaỹa, ¡na Israel le'ecpi saishet da aỹem ỹalaxaguet!