Jeremías 16:11 - La'aqtaqa Ñim Lo'onatac 'Enauacna 2013

¹¹ Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.

Jeremías 16:11 Referans Kwoze

1 Pedro 4:3

Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

Ezequiel 11:21

Qalaxaye nam saishet da ỹaxaañi da ỹo'oxoreetac na nqolacpi, qataq da ỹo'ottac nam qaiqaigapi, namayepi sauo'o qome ca nhuaxanaguec dam qauem lataxac. Qaq 'era da ỹa'aqtac Aỹem Nataxala'.»

Jeremías 22:9

nache qaỹasateguet qome qoỹeeta': Cha'aye namayepi ca'ai da aỹamaxataxac maye Ñim Nataxala' maye Natamnaxala', ỹo'ot co'ollaxa da naỹamaxate' namayepi, nache natameetacot qataq ỹanot da llo'oxonnataxanaxac nam ỹaqa'a atamnaxala'pi.»

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

1 Reyes 9:9

Nache qaỹasateguet qome, qoỹeeta': ‹Qomye namayepi ca'ai Ñim Nataxala', Ñim Natamnaxala' maye nqateeguesop co'ollaxa ye Egipto som hua'au lta'alpi namayepi, nache ca'ata da natamnot na ỹaqa'a atamnaxala'pi, ỹoqo'oye Ñim Nataxala' talec naqa'en da qauem namayepi.›»

Jeremías 9:14

Nacherata da qaramchigui nache quetegueto naua maiche lhuennataxaco da lquiyaqteỹaxac, nache ỹo'oxoreetac nam saq 'en atamnaxala'pi, nache quetelec da lapaxaguenataxanaxac co'ollaxa som hua'au lta'alpi.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

2 Crónicas 7:22

Nache camayepi maiche 'eeta': ‹Cha'aye namayepi ca'ai Ñim Nataxala' maye Natamnaxala' so hua'au lta'alpi, maye nqateeguesop co'ollaxa ye Egipto, nache taỹa da ỹo'oxoreetac qataq natameetacot nam ỹaqa'a atamnaxala'pi, qaq ỹoqo'oye Ñim Nataxala', talec naqa'en de'era qauen namayepi.›»

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Malaquías 3:7

Qaq nache chegoqchiguiña se'eso na'a'q, co'ollaq ñaq huo'o som qarta'ailpi, da qami' saishet da qaualaqaiguet na ỹamaxasoxonaxacpi, qataq saqauaỹamaxache. Qaq Aỹem Nataxala' maye Qaica ca Saqalanapec, qami' shenapegalo. ¡Aỹem qañe'eguelaqỹa qome, nache Aỹem qami' she'eguelaxagueta! Qalaxaye qami' qoñiỹapec: «¿Ta'ainco' da 'am she'eguelaxasoqot?»

Jueces 2:11

Qaq huaña, nache so Israel le'ecpi ỹo'ot nam ỹataqta sa ỹaỹamaxaren Ñim Nataxala', cha'aye natameetacot na ỹotta'a't ne'enaqtacpi lqui'ipi so Baal.

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Jeremías 44:3

souaxat nam qauempi maye ỹo'ot co'ollaxa, cha'aye Aỹem inogoqchet souaxat da natameetacot nam ỹaqa'a atamnaxala'pi, qataq ỹaatacot na lchenaxanaxat maye ama na laita som atamnaxala'pi, maye somayepi qataq qami', qataq som hua'au qarta'ailpi saishet da ỹauatton co'ollaxa.

Lamentaciones 5:7

Som qarta'alpi huo'o co'ollaxa na lasouaxashetpi qaq somayepi mashe ileu, qalaxaye qomi' taleguete nagui na lasouaxashetpi somayepi.