Jeremías 15:9 - La'aqtaqa Ñim Lo'onatac 'Enauacna 2013

⁹ Anam nate'elpi maye qalota na llalaqpi decopchetac qome, nache qaica ca la'añaxac, qataq huo'o da la'aloxo qataq qaica ca 'enec qanqa'en, ye yo'oqchiguiñi qalaq ỹe'eguelaxa da napalñi. Qaq da huo'otaq huo'o ca nca'altauec, nache so'otec da ca mpa'aguenaxaua ỹalauat camaye. Qaq 'era da ỹa'aqtac, Aỹem Nataxala'.»

Jeremías 15:9 Referans Kwoze

1 Samuel 2:5

Qaq nam sa iueetaique co'ollaxa cam aloq, qaq nagui qalaq nmeela't da yaqto' ỹanata ca aloq, Qaq nam huo'o co'ollaxa na lqouaxa, nagui qalaq qaica ca lqouaxa. Qaq ana 'alo maye saishet co'ollaxa da deco'o, nagui qalaq siete da ỹe'eguelaxalec da deco'o, qaq anam qalota co'ollaxa na llalec, qaq nagui qalaq taỹañicra.

Isaías 47:9

Qalaxaye nque'elaxatta da huaigui ca 'oonolec na'a'q da 'am nvita qome ca qauem, nache 'am pa'ai qome qataq qaica ca 'aỹa'alaqpi, na'aictaxa nam qalota 'araconaxanaxacpi qataq nam saqaivi da qanaloqten 'aye'eyaqnataxanaxacpi.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Lamentaciones 4:10

Na 'alpi maye no'on da lquiyaqteỹaxac qalaq maiche ỹaconeua'a so llalaqpi da ỹaneuaq, qaq se'eso ñalaqpi nacheso som qanallectac son na'a'q co'ollaq qailaxachigui ye Jerusalén.

Jeremías 44:27

Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 6:4

Nache 'enapec qome: «¡Qanaỹamaxache da yaqto' seloquiaxai' namayepi! ¡Qauanaqui qome yaqto' seloquiaxanaq namayepi qom na'a'q laiñi! Qalaxaye, ¡aicoue! Ye mashe avit, qataq na lpaqal mashe qaỹoqteueegue.

Jeremías 7:19

Qalaxaye saishet nachaỹem da Aỹem isheueetac, maye namayepi maiche nsheueetapeguela't da yaqto' maiche pa'aỹo'ot da la'agaxa. Qaq 'era da ỹa'aqtac Aỹem Nataxala'.

Jeremías 19:7

Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Jeremías 50:12

Qalaxaye na qana'alhuai qataq na huaqta'a't nỹecpi maye qarañoqo'oi, namaye nlaqaalec qome da na'agaxa. Qaq nachena qome nam pa'atec nam ỹotta'a't shiỹaxauapi da toolec maye deqaqta qataq qaica ca ñaxaalec.

Ezequiel 5:13

Qaq huaña qome nache ñashetcheguem da ỹayeloxo, qaq qom nmisheguem damaye, nache samaguiñi. Qaq qom nmisheguem da ỹayeloxo souaxat namayepi, nache namayepi ỹaỹaten qome da Aỹem Nataxala', maiche ỹa'aqtac co'ollaxa damaye.