Jeremías 15:8 - La'aqtaqa Ñim Lo'onatac 'Enauacna 2013

⁸ Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Jeremías 15:8 Referans Kwoze

Isaías 3:25

Na 'analleppi qalaq huañi qome huaigui ca alaataxac, qaq na 'ara'añaxanecpi qalaq ileu qome huaigui ca loquiaxac.

Lucas 21:35

nache qoñiita'am cam nqoiñiguishec. Qaq 'era qome da 'eetec da lviraxac que'eca na'a'q, qom nvita 'enauac na huetalec ana 'alhua.

Jeremías 5:6

Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Jeremías 4:16

«Qauqachiỹa na ỹotta'a't shiỹaxauapi qataq qaua'aqtaxañim ye Jerusalén, da chegoqchiguiña qome ca qaỹoqta 'alhua ca npa'aguenaxauapi, nache ỹa'alaqtalec da nalaataxac da iloquiaxan ye Judá.

Isaías 3:26

Qaq na huaqta'a't nỹecpi nỹen qome da ỹo'ot ca lasouaxac, nache ỹataqta imauec qome da qaỹalata'a't.

Isaías 4:1

Que'eca na'a'q saq 'amaqtaq qome ca no'onañi ỹalleppi, qaq caua siete 'alol deloctrapigui qome ca 'oonolec ỹale, nache caamaye 'enapega qome camaye, 'eeta': «Qomi' maiche souaqapegue' qome da qarquia'axac, qataq maiche souaqapegue' da qano'otaxac, qaq nacherata qome da qomi' 'aỹa'anema da 'are'enaxat, nache qomi' 'ausoueeguesopa da qarcoxo.»

Jeremías 16:3

Cha'aye Aỹem Nataxala', 'am sa'aqtaxanem cam talec qome cam ñalaqpi maye ñeguiñi ne'ena 'alhua, qataq nam lta'alpi camayepi.

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Jeremías 22:7

Qataq ñamaq qome ca shiỹaxauapi maye na'atchiguiñi na lo'ogoxonaxatpi da 'am dataỹa'aguet da yaqto' 'am ilaxachigui. Qataq iquesoq ana 'arhuoqtepi maye cedropi, qaq ime nache ỹasaxangui ca norec.

Lamentaciones 5:3

Qomi' mashe qaica ca qarta'a nache qomi' saploqpi, ana qarate'elpi qalaq 'eeta'am ana pa'aipi.

Ezequiel 22:25

na nta'alpi maye hueta'a ne'ena 'alhua, qalaq 'eeta'am na llonpi da desoqtai', qataq icolaxattac ca loxonec, qataq chec nam shiỹaxauapi da huaña na na'alhua, qataq decachiỹa na no'on logoxoshetpi, qataq da lsallaxa, qataq ỹo'ot da nquiguec ye lcata ana pa'aipi.

Oseas 4:5

Nache 'am qouañi qome, qouaigui ca na'a'q, qataq ca pe, nache qocañi' ca na'aqtaxanaxanec da qouañi qataq ñelaxaañi aca 'arate'e.

Jeremías 6:26

¡Qami' ỹalamaxat nhuo' le'ecpi, qaỹa'añiiyiñi qome naua anogo maye sansattegueta, maye la'anaxat da qanqui'iqui, qataq qanviñingui qome na alo, qataq qaỹa'añiiyiñi naua anogo maye nasouaxaqui', qataq ỹataqta qanỹeñi souaxat da qaraquicoqoi, 'eeta'am da 'eetec da ileu ca 'oonolec ñalec, cha'aye cam qomi' ilaxachiguilo qome mashe sa qaỹaloq da anac da qomi' iloquiaxa'n!