Jeremías 15:7 - La'aqtaqa Ñim Lo'onatac 'Enauacna 2013

⁷ Selagaxattac na 'arhuo' le'ecpi, 'eeta'am ñaqa'en ca 'auaqpi ltoxoic ñeqateeguesop na huaqta'a't nỹecpi maye hueta'a ne'ena 'alhua, nache qaica ñaqa'en ca llalaqpi na ỹalamaxat nhuo' le'ecpi, namayepi selaxachigui, souaxat da saishet da ỹalat da qauem lataxac.

Jeremías 15:7 Referans Kwoze

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Jeremías 51:2

So'ot qome da na mpa'aguenaxauapi ye Babilonia nchegoxosheguem yemaye 'eeta'am naqa'en na trigo, qataq so'ot qome da qaica ca netalec ye na'alhua. Qom ivita cam na'a'q da qailaxachigui, nache chegoqteugalo qome nam iloquiaxan yemaye.

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Isaías 41:16

Qataq 'auchegoq qome nache ỹache na la'at, qataq na la'at lta'araic ilagaxattac qome. Huaña nache 'auamachiguiñi qome da qoueto'ot Ñim Nataxala', qataq huo'o da 'ana'amqaanaxac da qoueto'ot Ñim Qui'itta Natamnaxala' na Israel le'ecpi.

Isaías 9:13

Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Salmos 1:4

Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Ezequiel 24:25

Qaq qom seuotaxanec ye lpaqtaxanaxat na Israel le'ecpi, maye nachañi añi atamnaxaqui, maye ỹo'ot naxa da lamaicỹaxac namayepi souaxat da lyac, qataq nqopita da ilotaua'a qataq lauotaqte. Qaq nataqa'en seuotaxanec qome na llalaqpi ỹalleppi qataq 'alpi.

Deuteronómio 28:41

Qataq huo'o qome ca 'aỹa'alaqpi qataq aca 'aỹa'alepi, qalaxaye saishet da 'am neto'ot, cha'aye noxonecpi qome, nache qaỹauega ca lỹa 'alhua.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.

Deuteronómio 28:32

Qataq 'auauachigui qome ca 'aỹa'alaqpi ỹalleppi qataq 'alpi da qoỹanem ca ỹaqa'a shiỹaxauapi, nache choche 'anasamchiguiñi qome da 'anmittaique, qalaxaye saishet da 'auanata.

Deuteronómio 28:18

Qataq ỹataqta qauem qome da lañaxataxac ca 'aỹa'alaqpi, qataq da alaỹaxac ca 'añiguishecpi, qataq ca llalec aca 'arelo huacapi, qagueta qataq ca laỹe 'arelopi shiguiỹacpi.

Ezequiel 36:12

Qaq Aỹem so'ot qome da na ỹalamaxat nhuo' le'ecpi, qami' queuotegueleguete, qami' qasoxonaxapi na Israel, nache yemayepi qome qami' naleguete da qami' lalamaqtepi, nache qami' saishet qome da qavi'eguelaxachiỹa da qaica qanqa'eñi ca llalaqpi.

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.