Jeremías 15:6 - La'aqtaqa Ñim Lo'onatac 'Enauacna 2013

⁶ 'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Jeremías 15:6 Referans Kwoze

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Sofonías 1:4

«Sachaxanec na ihuaq da sataỹa'aguet na Judá le'ecpi, qataq 'enauac na hueta'a ye Jerusalén. Qataq sapalaxat 'enauac nam saq'en atamnaxala'pi maye lqui'ipi so Baal, qataq ivira'a nam le'enaxatpi na ltaxaỹaxanaxanecpi.

Zacarías 7:11

Qalaxaye se'eso nhuo' le'ecpi saishet co'ollaxa da ỹalaq. Nacherata da datatec, nache ỹe'enaxat da saq hua'aqa.

Oseas 11:7

Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Ezequiel 25:7

Qaq ỹoqo'oye Aỹem ñauaxaỹaxaasheguem qome na ihuaq da sauo'o ca qanhuaxanaguiiqui, qataq qami' sanegueta na ỹotta'a't shiỹaxauapi da yaqto' deuotaxanec 'enauac na qaralamaxache. Qataq qami' ñeqateeguesopa na nhuo' le'ecpi, nache qami' ñematchiyiñi da qami' selaxachiguilo. Qaq huaña qome nache qauaỹachiñi da Aỹem nachaỹem Nataxala'.

Jeremías 6:19

'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Jeremías 6:11

Qaq aỹem nlaqchigui da 'arayeloxo 'am Ỹataxala', qaq mashe saishet da ñalo'oguet.» Nache Ñim Nataxala' aỹem 'enapega, 'eeta': «'Aucorelec da 'arayeloxo na ñaqpiolec maye huetangui na nqa'aicpi, qataq na nsoxoppiolec maye laỹootega't cha'aye qaỹaconeua'a qome da qaicoñe' na ỹalleppi qataq ana lhuapi qataq na ỹa'axaiquipi maye qaỹoqtegue da llaxa.

Jeremías 2:17

Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.

Jeremías 1:16

Qaq 'era da nhuaxanaguec maye saneguet qome nam 'etaxaloxoicpi maye aỹem ca'ai co'ollaxa, maye ỹavigaxat naxa na lchenaxanaxat da ỹo'oxoreetac na chegaqauec atamnaxala'pi maye namayepi maiche lo'onatacpi.

Oseas 4:16

Cha'aye na Israel, 'eeta'am aca huegaqai huaca llale. Qaq ¿peta'a isheto' da ilo'ogue Ñim Nataxala', da 'eeta'am naqa'en ca qagueta llalaqpi da huaña ca no'on 'auaqpisat?

Ezequiel 14:9

Qaq da huo'o ca na'aqtaxanaxanec maye saq'en ca ỹa'axat, nache camaye maiche Aỹem da satenachet, qaq ñauaxaỹaxaasheguem qome na ihuaq da sauo'o ca nhuaxanaguec camaye, qataq ñeqateeguesop na ỹalamaxat nhuo' Israel le'ecpi.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Jeremías 8:5

Qaq 'am Israel, ¿ta'ainco' ye aỹem qoca'ai? 'Am Jerusalén ¿ta'ainco' da nache qoqueto'ot da Aỹem sa 'auaconeguet? ¿Ta'ainco' da 'auacona da sa 'aualaq, nache saishet da aỹem 'añe'eguelaxa?

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Isaías 28:13

Qaq ỹoqo'oye Ñim Nataxala' qom detaxaỹot namayepi, nache 'eeta'am naqa'en catai' ñaqpiolec maye ña qapio'olecpi, maye ñaq cheta'ague da napaxagueetega da ltaxaỹaxanataxanaxac. Qaq huaña nache da queuoỹapigui' nache datatcheguem da huañi, qataq que'emaq tangui aca qoina nache noxonec qome.

Isaías 31:3

Nam Egipto le'ecpi namayepi chochaq shiỹaxauapi, qaq saishet da atamnaxala'pi, nam lalopi caipi qalaq ỹoqta 'eesa lapat, qaq saishet da saq cha'api. Qaq Ñim Nataxala' qom ỹaasheguem na lhuaq da yaqto' iuaxan namayepi, nache nam detaunaxaatacpi qataq nam qaitauaatacpi huañi qome, nache 'enauac qome da deqat namayepi.

Jeremías 6:12

Qaq na lma'pi, qataq na no'onaxapi qataq ana lhuapi, ỹaqa'a qome ca taỹot. Cha'aye aỹem ñauaxaỹaxaasheguem qome na ihuaq da yaqto' sauo'o ca nhuaxanaguec nam hueta'a ne'ena 'alhua. Qaq 'era da la'aqtac Ñim Nataxala'.

Jeremías 7:16

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Ezequiel 35:3

nache qoneta': Da la'aqtac Ñim Nataxala', 'eeta': Aỹem ñechoxot da 'am ñepa'aguenaxaua 'am qasoxonaxa Seír, qaq sauo'o qome ca 'anhuaxanaguec, nache 'am toolec qataq 'anlachiguiñi ñaqa'en.

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.