Jeremías 15:5 - La'aqtaqa Ñim Lo'onatac 'Enauacna 2013

⁵ ¿Negue't cam 'am ichoxoren qome 'am Jerusalén? ¿Negue't ca daquico qome souaxat da qoneta? ¿Negue't qome ca 'am huapegue' da 'am nataren?

Jeremías 15:5 Referans Kwoze

Isaías 51:19

Qaq ne'enaua dos qauema 'am taleguete, na 'ana'alhua qailaxachigui qataq qanhuotta co'ollaxa, so 'analleppi qalaq ilem na lqouaxa, qataq ileuaigui so alaataxac. Qaq ¿negue't ca 'am ichoxoreetac qome? Qataq ¿negue't ca 'am ỹa'añaqchet qome?

Nahúm 3:7

Qaq 'enauac nam 'am ỹauaachigui 'am ca'ai qome nache, 'eeta': «¡Ye Nínive ỹataqta nlachiguiñi! ¿Chaq negue't ca ichoxoren qome yemaye? Qataq ¿chaq negue't ca ishet da ỹa'añaqchet yemaye?»

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Salmos 69:20

Da ñesheunaguec ỹataqta ilaxatta añi iquiyaqte, nache ỹo'ot da ñelauchiguiñi qataq qaica ca ỹa'añaxac, qataq qaica ca naigui da ñimittaique ca aỹem icochaq qataq ca aỹem ichoxoren.

Jeremías 16:5

Ñim Nataxala', nataqa'en aỹem 'enapega, 'eeta': «Saishet qome da 'aupa'aigui ca nỹec maye hueta'a da naquicoxo souaxat da huo'o ca ileu, qataq saishet da 'anỹen qome qataq saishet da 'auachaxan da huo'o da 'anqui'ic souaxat camaye, cha'aye ne'ena nhuo' le'ecpi ñeqateeguesop da nlagaxayec maye sanem co'ollaxa, qataq da ỹauotaxanaqtaic qataq da ichoxonnataxanaxa. Qaq 'era da ỹa'aqtac Aỹem Nataxala'.

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Da na'aqtaguec so Job 19:21

Qaq ỹataqta aỹem qauchoxoyiñi qome qami' ñauochaxau', cha'aye da lhuaqỹaxac Ñim Lo'onatac 'Enauacna, ỹataqta aỹem imatalec da lhuaxanaxanaxac.

1 Samuel 25:5

nache ỹama'q soua diez lamaxa'she nache, 'eeta': «Qanqo'oñiỹa qome ye Carmel, nache qauache da iquinaxanaxac maye taỹa'a ca Nabal.»

1 Samuel 17:22

Nache so David icotan so lla'ac, icotana'aguet so ilotague' so no'ogoxonaxatpi qataq so nallecpi, nache nqalgoqta'a so alleppi nache taigui da yaqto' ina't soua lqaỹa't, da qaica camachaqca da nachaalataxa'c.

1 Samuel 10:4

Qaq caamaye qom ime da 'am iqui'n, nache 'am ỹanema caua dos nauole 'ayiiña, qaq 'auaconegueta qome.

Jueces 18:15

Nache se'esoua nmeenaxanaxanaqa co'ollaq tareua'a so lma' so Micaía, nache nquiitegueto so nsoqolec leviita.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.

Lamentaciones 1:17

Ye Sión ỹachaxaatrashegue'm naua lhuaxaye da nachoxoreetac, qalaxaye qaica ca ỹa'añaqchet. Ñim Nataxala' ỹamaq na lauoreuapi so Jacob da npa'aguene' somaye, nache namayepi ỹataqta deqaiga ye Jerusalén.