Jeremías 15:21 - La'aqtaqa Ñim Lo'onatac 'Enauacna 2013

²¹ Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

Jeremías 15:21 Referans Kwoze

2 Corintios 1:10

Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

Jeremías 50:34

Qalaxaye na lca'alaxaqui namayepi, namaye ỹataqta 'añaxaic, nam le'enaxat Nataxala' maye Qaica ca Ỹaqalanapec. Namaye pa'aiguet qome da ỹo'otec namayepi ca nalochiguiñi lataxac, qataq nda'a qome ca nlagaxayec ne'ena 'alhua, qaq cam lchec qalaq talec naqa'en na lma' ye Babilonia.»

Isaías 54:17

qalaxaye qaica co'ollaxa ca ỹo'ot ca no'ogoxonaxat maye ishet da 'am ilaxachigui. Qaq 'am 'auo'otec qome da chochaq ñe'emaxat nam 'eetega huo'o ca 'arasouaxashet. Qaq 'era da sanem, nam Aỹem ỹo'oxoreetac, dam lca'alaxa namayepi aỹem chegoqo'ot qome.» Qaq 'era da la'aqtac Ñim Nataxala'.

Isaías 29:20

Qataq imeuo qome na qaica ca ireetac, qataq imeuo qome nam na'amqaanaxaicpi, qataq imeuo qome nam nda'a't na qauem iuennatega da ỹo'ot,

Salmos 37:40

Qaq Ñim Nataxala' itauan namayepi da yaqto' qoỹetauec, ỹeltaxaneguet na qauemaicpi, nache nca'alaxatec, cha'aye namayepi ỹataqta pi'iỹa'a Ñimaye.

Salmos 27:2

Na qauemaicpi maye ñepa'aguenaxauapi, naxa da anac da yaqto' aỹem iloquiaxan qataq aỹem nlaxaañi, nache namayepi maiche quia'aqñi, qataq huañi.

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Romanos 16:20

Yaqto' Ñim Lo'onatac 'Enauacna maye chegoqo'ot da nlagaxayec saqaỹaloq da dauegaxan da nauec so pa'aguenataxanaxaic, nache qami' ỹanema da nataqa'en qauauegaxañi. ¡Qaq So Qarataxala' Jesucristo queto'ot da qami' ỹachaxaategalo da lsoxoyec!

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Isaías 29:5

Qalaxaye cam qalota 'ampa'aguenaxauapi qom qailaxachigui nache 'eeta'am na namoxoỹaxa, qataq cam qalota 'añaxaicpi 'eeta'am qome ca 'auaqpi ltoxoic da huaỹoxon naqa'en na la'at. Ñim Nataxala' nque'elaxatta qome qataq sanaỹaloxon,

Salmos 97:10

Ñim Nataxala', ỹauotec nam saisheteguet na qauem, qataq mpaxattalec nam ỹataqta ỹalaxaguet Ñimaye, qataq ỹeltaxaneguet da lhuaqỹaxac nam qauemaicpi.

Isaías 49:26

Qataq nam 'am ique'eteetalec naxa so'otec qome da chec na maiche lapat qataq da nỹomgui na maiche ltago'q 'eeta'am naqa'en ca lataxa. Qaq 'era da 'eetec qome da 'enauac na shiỹaxauapi ỹaỹaten da Aỹem, Aỹem Nataxala' nachaỹem 'arca'alaxaqui. Qataq da Aỹem maye la'añaxanec so Jacob, nachaỹem 'arca'alaxaqui.»

Isaías 60:16

Qaq nam ỹotta'a't shiỹaxauapi 'am ỹanem qome na ỹataqta no'on nallec, qataq na lta'alpi 'am ndotega qome da lsallaxa, qaq huaña qome nache 'auauattoota da aỹem, nachaỹem Nataxala', Aỹem 'arca'alaxaqui, Aỹem maye aỹem la'añaxanec so Jacob, nachaỹem 'arca'alaxaqui.

Jeremías 16:1

Ñim Nataxala' aỹem 'enapega, 'eeta':

Jeremías 20:13

¡Qauo'onaxañiito'ot Ñim Nataxala', qataq qavio'oxoyiñi Ñim Nataxala'!, cha'aye Ñimaye nca'alaxateeguesop ca daquicotac da la'añaxac na qauemaicpi.

Jeremías 31:11

Cha'aye Ñim Nataxala' nca'alaxatec co'ollaxa nam chegoxoguetpi so Jacob, huesoueeguesop naqa'en na ỹotta'a't shiỹaxauapi maye ỹataqta 'añaxaicpi.

Jeremías 38:28

Qaq so Jeremías nache hueta'a co'ollaxa so qasoxoc maye nauanaxanaqa', nache ivitta'a so na'a'q co'ollaq noxonec ye Jerusalén.

Jeremías 39:11

So nta'a Nabucodonosor maye lma' ye Babilonia, ỹanem da la'aqtac so Nebuzaradán maye lataxala' na nauaatalec so nta'a, dam 'eetec naqa'en so Jeremías, 'eeta':

Jeremías 39:12

«'Aulo'ogue qome ñimaye saishet qome da 'auo'otec ca qauem, nacherata da 'aỹa'anem 'enauac cam iỹaxanaique ñimaye.»

Daniel 3:17

Cha'aye Ñim Qanatamnaxala' maye sho'oxorenaqtac, Ñimaye ishet da qomi' nca'alaxateeguesopa na le'eraxa aca nqatelaxanaxaqui, qataq qomi' nca'alaxateeguesopa 'enauac nam qauem maye huotaique da qomi' 'auo'oteque 'am nta'a.

Daniel 3:25

Qalaxaye aỹem selota'alo daua cuatro shiỹaxau' maye huesotrauec, coleetrapoigui na le'eraxa na norec qalaq saishet na na'axa't, qaq da lataxac da 'oonolec de'eraua cuatro shiỹaxau', qalaq 'eeta'am da lataxac ca namaxashec piguem le'ec.

Jeremías 26:24

Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.