Jeremías 15:2 - La'aqtaqa Ñim Lo'onatac 'Enauacna 2013

² Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Jeremías 15:2 Referans Kwoze

Jeremías 43:11

Qaq ñimaye anac qome nache ilaxachigui na 'alhua na Egipto. Qaq nam taỹa'aguet da ileu nache ileu qome, qaq nam taỹa'aguet da qaỹauec, nache qaỹauec qome, qaq nam taỹa'aguet da ileuaigui ca alaataxac, nache ileu qome huaigui ca alaataxac.

Zacarías 11:9

Qaq huaña nache shenapega ana qaguetapi sheeta': «¡Saishet da nache shecto'ot da qami' selotegueto! ¡Da huo'o aca huotaique da ileu, qaq na'aictaxa da ileu! ¡Qaq da huo'o aca qaỹalauat, qaq na'aictaxa da qaỹalauat! ¡Qaq acam no'onañipi qome, qalaq maiche chec aca lỹa!»

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Ezequiel 5:2

Qaq qom ime da qailoquiaxaatac ye huaqta'a't nỹecpi, nache 'auavigaxat aca 'oonole que'ecaua tres 'aqtal cam 'araue, vichiguingui 'anqa'en na laiñi ye huaqta'a't nỹecpi, qaq da ime nache qaltaq 'auacona ca ỹeelonec, nache 'auchiigui aca lỹa que'ecaua tres 'aqtal, nache 'auconnaxaasop na loiguepi ye huaqta'a't nỹecpi, qaq aca no'onañi nache 'auasaxasheguem da yaqto' ỹache na la'at. Qaq Aỹem secanapec qome na shiỹaxauapi ne'ena huaqta'a't nỹecpi, ñasoqta'a ca ỹainec.

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Isaías 24:18

Qaq cam dataueeguesop ca lchec qalaq tangui qome aca nshere, qaq cam chegaqangui aca nshere qalaq tangui qome aca nqoina. Cha'aye nauatoigui qome na lasompi na piguem, nache naañi qome ca lta'araic auot nache cholaxan nam na'attalecpi ana 'alhua.

Amós 5:19

Cha'aye 'eeta'am qome ca dataueeguesop ca llon, qalaxaye qaltaq natena'aguet ca oso, huo'otaq ca pa'aigui ca lma' da ỹasheleua'a na lque camaye, nache inac ca 'araxanaq.

Daniel 9:12

'Am co'ollaq qomi' 'anamaxalo so lta'araic qauem, nache 'aupaqueelec som 'arasauaqtaxanaxac maye 'aua'axatta'a co'ollaxa da qomi' taleguete, qataq som nta'alpi maye qomi' ilotegueto co'ollaxa, cha'aye saỹauano' co'ollaxa da huo'o ca huaña ana 'alhua, cam 'eeta'am de'era nhuaxanaxanaxac maye talec ye Jerusalén.

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Jeremías 14:16

Qaq na shiỹaxauapi maye ỹa'axattapeguem de'era, nataqa'en ileuaigui qome ca alaataxac qataq ca nqouaxa, l-llañe' ana lhuapi, qataq na llalaqpi ỹalleppi qataq ana llalepi. Nache da lo'ocỹaxac qaỹasaxauga qome na nqa'aicpi ye Jerusalén, nache qaica qome ca ilayiñi. Qaq 'era da 'eetec da isheeten ñaqa'en nam qauem maye ỹo'otpi.

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Jeremías 19:7

Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Ezequiel 12:11

'Am 'aua'aqtaxanem qome da 'am la'anaxat da yaqto' 'aucoyeguen namayepi, qataq da namayepi iuen da ỹo'ot dam 'auo'ottac, cha'aye namayepi qaỹauega qome ca ỹaqa'a 'alhua.

Ezequiel 33:27

Qataq nataqa'en qonapega namayepi, qoneta': Da la'aqtac Ñim Nataxala', 'eeta': Aỹem maiche ñañan da san da ỹa'aqtac, da nam hueta'a na huaqta'a't nỹecpi maye ỹotta'a't naua nañalo maye nlachiguiñi, namayepi nataqa'en qaỹalauat qome, qaq nam huetauga na no'onaxa qalaq saneguet qome da chec nam huauec shiguiỹacpi, qaq na netaigui na coma'pi, qataq na auacpi qalaq ilem qome ca nalolaxa.

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.