Jeremías 15:19 - La'aqtaqa Ñim Lo'onatac 'Enauacna 2013

¹⁹ Qaq huaña nache Ñim Nataxala' aỹem ỹasateguet, 'eeta': «Da Aỹem 'añe'eguelaxa, nache qaltaq 'am saconeguet, nache ishet da Aỹem 'auo'onataxanot. Da 'avita'aguet nam saq 'en ntaxaỹaxacpi, nache ndotec da 'aua'axat nam ntaxaỹaxacpi maye no'on na naigui, qaq nache 'am qome da 'aua'axattac Aỹem. Qaq namayepi nachena nam iuen da 'am ỹe'eguelaxaguet qome, qaq saishet da nache 'am da 'avi'eguelaxaguet namayepi

Jeremías 15:19 Referans Kwoze

Zacarías 3:7

«'Era da la'aqtac Ñim Nataxala' maye Qaica ca Ỹaqalanapec: ‹Da qoquetegue da ñeqa'aicỹaxac, qataq da 'aupaqueelec da 'am samaxalec, nache 'am sanem qome da 'aulotague' añi ỹalamaqte atamnaxaqui, qataq ye nqasoxoc, qataq Aỹem sauo'o qome ca 'aro'onataxanaxac da 'aualectaigui nam ỹamaxashecpi piguem le'ecpi.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Levítico 10:10

yaqto' ishet da qauaỹaañita da lataxac na npe'l maye sa qaishetapec, qataq naua ỹaqaugalo nanataqa'ate, qataq qauaỹaañita da qui'itta lataxac, qataq da nshepaxan lataxac,

Ezequiel 44:23

Na ntaxaỹaxanaxanecpi iuen da ỹapaxaguen na ỹalamaxat nhuo' le'ecpi, da yaqto' ishet da ỹauatton cam ỹalamaxat, qataq cam lalamaxat ca shiỹaxaua, qataq ỹauatton ca qui'itta qataq ca nshepaxan.

Ezequiel 22:26

Qaq na ltaxaỹaxanaxanecpi qalaq ỹashaxaarec naua ỹapaxaguenataxanaxaco, qataq nshepaxanaqchet nam ỹalamaxat ndaqa'pi maye sa qaishetapec, qataq saishet da ỹataqta naqa'en nam saqaishetapec qataq nam nshepaxan, qataq saishet da ỹapaxaguen ca lỹa da yaqto' ỹauatton ca qui'itta qataq ca nshepaxan. Qataq saishet da qochetega ye na'a'q mataxaqui maye ỹalamaxat, qataq saishet da Aỹem ỹo'oxoren.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

Hebreos 5:14

Qalaxaye nam mashe ỹauatton ca 'onaxaic qataq ca qauem qataq mashe naỹa'ac da ỹo'ottac, nache 'eeta'am ca shiỹaxaua mashe ỹe, maye ishet da chec ca nallec sa nsatta.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Ezequiel 2:7

Qalaxaye 'am, 'aua'aqtaxanem qome namayepi naua ỹa'aqtaqa, saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq.

Lucas 12:12

Cha'aye qom ivita ca laloqo' da qautaqai, nache som Saqcha'a Na'añaxac Qui'itta qami' ỹapaxagueneque cam iuen da qanasaqaiuec.»

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Gálatas 2:5

Qalaxaye qomi' saishet da huo'o ca huaña da qolaxague namayepi. Cha'aye sauoqtaique da qami' qoquiitegue qataq qaualaqaiguet da ỹataqta 'eesa na'aqtaxanaxac maye chegaqaigui da no'on na'axaỹaxac.

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Proverbios 22:29

Ca shiỹaxaua ỹaỹamaxatchiguiñi ca lo'onataxanaxac, nache camaye ivitta'a da do'onataxanot na nta'alpi, qataq saishet da na'aco' ca qaica la'amaqchec.

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.

Jonás 3:2

«'Aue, 'anqo'ona ye 'amaqtaqaic huaqta'a't nỹecpi ye Nínive, nache 'aua'axat da ỹa'aqtac maye 'am sanem qome.»

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Jeremías 6:29

Ca nasaunaxanaxat da lta'araic na la'at nache ỹo'ot da ca norec quiguiñi naqa'en ca lcat, qaq namayepi qaica ca naigui da qaiỹo, cha'aye nam qauemaicpi saishet da imeuo.

Jeremías 35:19

nache Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'eeta' da ỹa'aqtac, nam chegoxoguetpi so Jonadab saishet qome da saqca ca Aỹem do'onataxaatacot.»

Lamentaciones 1:11

Qaq 'enauac nam hueta'a yemaye nỹeetagui, nmittaique ca aloq, qataq ỹanec so lsallaxa da nmeneguet naqa'en ca nallec da yaqto' nache 'eetai' da nca'altauec. ¡'Am Nataxala', ñaq 'aumeten da ñe'enaguec, qataq dam qauem maye aỹem talec!

Levítico 14:57

yaqto' ỹataxaraic ca qui'itta qataq ca saishet da qui'itta. Qaq 'era da nqataxac da ivita da huo'o ca huec ca qauem nhuetaxanaxa, huo'otaq ca lcochaxa ca nỹec maye ishet da dalolaqtaxan.

Jeremías 1:9

Qaq huaña nache Ñim Nataxala' ỹauota'a na lhuaq da ipoteua'a na aỹap, nache aỹem 'enapega, 'eeta':