Jeremías 15:18 - La'aqtaqa Ñim Lo'onatac 'Enauacna 2013

¹⁸ ¿Ta'ainco' da saishet da vi'iiguet da ñequi'ic? ¿Ta'ainco' da ique'emaxa da qaica ca lata', qataq saisheteguet ca lata'? Nache 'Am 'avi'eguelaxa da qoneta'am ca lqashelgaxa na 'alhua maye 'eeta'am ca lqashelgaxa ca 'etaxat.

Jeremías 15:18 Referans Kwoze

Jeremías 30:15

¿Ta'ainco' da 'aua'alaqtac souaxat nam 'arque'emaxapi? Da 'anqui'ic saishet da qanataren. Souaxat na qalota qauem maye 'auo'ot qataq na qalota 'arasouaxashetpi nachena na huo'omshe 'am so'otec de'era.

Da na'aqtaguec so Job 34:6

Qaq nagui 'eco' da aỹem shepecaic na'aictaxa da qaica ca sasouaxat, qalaxaye da ique'emaxa saishet da no'oita, na'aictoxo' da qaica ca ỹasouaxashet.›

Miqueas 1:9

Cha'aye da lque'emaxa ye Samaria ỹataqta qaica ca lata' nache ivira'a ye Judá, qataq ivitta'a ye Jerusalén, yem hueta'a nam ỹalamaxat ihuo' le'ecpi.

Jeremías 30:12

Ñim Nataxala' 'enapec: da 'arque'emaxa saishet da qanataren, dam qauem maye 'am huetalec qaica ca lata'.

Jeremías 20:7

'Am Nataxala', 'Am aỹem 'auatenachet, qaq aỹem ñasheeteguet da aỹem 'auatenachet, cha'aye 'Am ỹactec da 'ara'añaxac, nache aỹem 'anauec, nache imauec ye na'a'q da aỹem qaỹe'eetac, qataq 'enauac da Aỹem qane'eetapigui.

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

Jeremías 14:3

Na sallaxanecpi qalaq ỹamaq naxa na lamaxashecpi da ilaique 'etaxat, nache namayepi taỹa ana laỹe'pi na 'etaxat, qalaxaye saỹanata, nache qui'itchiguilo naxa naua laco'oña da ỹe'eguelaq, nache saỹaỹaten ca 'eetec qataq nlaqchigui da la'aloxo, qataq ỹapoleguete naua lqaigo.

Salmos 6:3

Ỹataqta aỹem iviloxolaqchet da icolanaxa, qaq 'Am Nataxala', ¿chaq laguio' da 'auanac da aỹem 'autauan?

Miqueas 1:14

Qaq ỹoqo'oye qoquiỹa'ai qome ye Moréset Gat. Qaq ye huaqta'a't nỹecpi ye Aczib, yemaye 'eeta'am qome aca nqoina da yaqto' qaỹachiguiñi na nta'alpi ye Israel.

Da na'aqtaguec so Job 14:11

Qaq 'eeta'am da nchisheguem na 'etaxat aso auaxai, qataq na tala da 'imñi, nache deqaqa,

Jeremías 20:18

¿Ta'ainco' da sañiguiñi co'ollaxa da yaqto' nacherata da semeteetac da qui'ic qataq da naquicoxo, qataq da yaqto' imeuo da ñachaalataxac qalaq nlaqchigui da ỹa'agaxa?