Jeremías 15:16 - La'aqtaqa Ñim Lo'onatac 'Enauacna 2013

¹⁶ Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Jeremías 15:16 Referans Kwoze

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Salmos 19:10

qataq ỹataqta napacalec da lashiichiỹaxac ca no'on oro, qataq ỹataqta napacalec da lamaic na te'esaq lli'i maye huetagui ca lte'.

Salmos 119:111

Cha'aye naua 'aramaxasoxonaxaco naamaye chochaq tatec da ỹalamaqa'ate, qaq nachenaua na ỹo'ot da ntonaxac da iquiyaqteỹaxac.

Salmos 119:97

Aỹem ỹataqta sauoteque naua 'arqataxaco, ỹoqo'oye 'enauac ye na'a'q da ñapaxagueetegalo.

Salmos 119:72

Cha'aye aỹem, ỹactec ñaqa'en da no'o'n naua 'arqataxaco, qaq napacalec aca qalota anom oro qataq plata.

Jeremías 14:9

¿Ta'ainco' da 'aue'enaxat ca ỹale da maye saishet da ỹaỹaten ca 'eetec, qataq qoneta'am ca alaataxaic maye saishet da detaunaxan? Qalaxaye, 'Am Nataxala', qouetangui na laiñi da shenaqta, 'enauac da qaỹaỹaten da qomi' 'aralamqa'ate, ¡Qaq saishet qome da qomi' 'auala't!

Ezequiel 2:8

Qaq ỹoqo'oye 'ana'axaỹaxaachigui dam ỹa'aqtac, qaq saishet qome da sa 'aualaq da qoneta'am namayepi. Ñaq 'auauachigui na 'ap nache qollec nam 'am sanem.»

Miqueas 2:7

Qaq nam chegoxoguetpi so Jacob, 'eeta': ¿Peta'a mashe imeuo da nhualaxaunaxac Ñim Nataxala'? ¿Qaq peta'a nachera de'era da lataxac da lo'onataxanaxac Ñimaye? ¿Peta'a saisheto' da ỹo'otec cam ỹaỹamaqchiguiñi naua la'aqtaqa Ñimaye cam no'on da lataxac?

Nehemías 8:12

Huaña nache 'enauac se'eso nhuo' le'ecpi, jec da ỹo'ot so lquia'axac, nỹomtac qataq ỹachet som qaica ca aloq, nache ỹataqta machiguiñi souaxat da qaỹaỹateeteguet se'eso napaxaguenataxanaxac.

Salmos 119:16

Qataq ỹo'ot qome da samachiguiñi naua 'arqataxaco, qataq saishet qome da secoua'aisalo naua 'ara'aqtaqa.