Jeremías 15:15 - La'aqtaqa Ñim Lo'onatac 'Enauacna 2013

¹⁵ 'Am Nataxala', 'Am maye 'auaỹaten 'enauac de'era, ¡ñaq aỹem 'auennata'a qome nache 'auanac da aỹem 'autauan! ¡Ñaq 'auauo'o qome ca nhuaxanaguec nam aỹem icaatacpi! saishet qome da 'auchoxoreetac namayepi, yaqto' saishet da seleu, ña 'aulogui da souaxat 'am, nache ña'añaxatta'aguet na ñesheunaguecpi.

Jeremías 15:15 Referans Kwoze

Jeremías 12:3

¿Qalaxaye 'am Nataxala', aỹem 'auauatton, qataq aỹem 'aulotagui qataq 'auaỹaten dam iuennataxac da qoneta. ¡Ñaq 'auauec yi'iye shiỹaxauapi, 'eeta'am 'anqa'en aca qaguetapi da qaỹauega ca nalaataqa', 'aua'an qome yaqto' taỹa'a cam na'a'q maye huaigui da qaỹalauat!

Lucas 21:17

Qataq 'enauac qome na shiỹaxauapi maye huetalecna qami' nquiỹalo, souaxat da qami' ỹapaxaguenataqa.

Jeremías 20:12

'Am Nataxala' maye Qaica ca 'Auqalanapec, 'Am maye 'auo'onataxana da nalochiguiñi lataxac da huo'o 'anmit, qataq 'am maye 'auaỹaten ye ỹataqta pa'auo lhuennataxac ca shiỹaxaua, ñaq sauaachigui qome 'anqa'en da 'auauo'o ca nhuaxanaguec ne'ena shiỹaxauapi, cha'aye nache 'Am da 'Am sepe'etega.

Jeremías 17:16

Qalaxaye aỹem saishet da 'am sequicto'ot da 'anamaxa namayepi ca qauem, qataq saishet da sayeetaique da 'anamaxa namayepi ca qauem, qaq 'am 'auaỹateeta dam ỹa'aqtac co'ollaxa, cha'aye damaye ñasaxauec co'ollaq 'am satato'ot.

Nehemías 13:22

Nataqa'en shenapega so leviitapi da nqui'itaxatta, ime, nache naua'n soua laso'omi, yaqto' huo'o naq 'enec qanqa'en so na'a'q mataxaqui. Ime, nache ñatamen, sheeta': 'Am Ñatamnaxala', aỹem 'auennata'a qome souaxat da lta'araic 'arsoxoyec, qataq da 'archoxonnataxanaxa da sheeta.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Jeremías 20:8

Cha'aye naxa da setaqa nache nda'a't da sa'axattac da lchec qataq da huo'o na qailaxachigui, nache saq vi'iiguet da aỹem qaisheueetac qataq aỹem qane'eetapigui, cha'aye souaxat da sa'axatta'ape naua 'ara'aqtaqa.

Salmos 119:84

¿Chaq lcate' caua na'axa'te da seuataxaatac? ¿Chaq laguio' qaq 'anmit nam aỹem icaatac?

Salmos 106:4

Ñaq aỹem 'auennata'a qome 'Am Nataxala', qom ivita da 'anqouaguec na 'aralamaxat nhuo' le'ecpi. Ñaq aỹem 'auennata'a qom ivita ca na'a'q da 'auca'alaqtaxan.

Nehemías 5:19

Ime, nache ñatamnot Ñim Ñatamnaxala', sheeta': «¡'Am ñachoxonnot da ñaq aỹem 'auennata'a qome, souaxat 'enauac na so'otec ne'ena shiỹaxauapi!»

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

2 Timoteo 4:14

So lcat lo'o, le'enaxat Alejandro, ỹataqta qalota na aỹem ỹo'otec qauem. Qalaxaye So Qarataxala' isheeteneguet qome 'enauac nam aỹem ỹo'otecpi.

2 Corintios 5:11

Qomi' saỹatenaq da iuen da qaỹalaxaguet qataq qaỹo'oxoren Ñim Lo'onatac 'Enauacna. Qaq ỹoqo'oye ñepogoxouenaqtapegue' da sa'aqtaxanaqteguem na laỹepi shiỹaxauapi da yaqto' ỹa'amaqten Ñimaye. Ñim Lo'onatac 'Enauacna qomi' ỹauattoote', qaq ỹoqo'oye aỹem huo'o da iyaxa nataqa'en da qomi' qauauattoñiite'.

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

Mateo 19:29

Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Jeremías 15:10

¡Choxoraicolec aỹem, 'am ỹate'e maye aỹem 'auco'oic co'ollaxa da yaqto' ñecotatague' qataq seloctague' 'enauac na shiỹaxauapi ana 'alhua! Qaica co'ollaxa ca sa'aalaxanaxanec aca aỹom qataq qaica ca aỹem ỹa'aalaxanaxanec aca alom, qalaxaye 'enauac na shiỹaxauapi aỹem ỹasaxalec da qauem.

Isaías 38:3

«'Am Nataxala', 'am ñachoxonnot da 'auennata'a da 'eetec da ỹalaxayec, qataq da ỹataqta imauec da iquiyaqteỹaxac, co'ollaq 'am so'onataxaatacot, da so'ottac nam 'auaỹamaxareetapi.» Ime co'ollaxa nache ỹataqta nỹeetac, souaxat da ỹaguec da laquicoxo.

Salmos 102:24

Ỹoqo'oye sheeta': «'Am Ñatamnaxala', saishet qome da taỹangui laiñi 'anqa'en da ñachaalataxac. Cha'aye naua vi'iye da 'anachaalataxac chochaq tatrec.»

Salmos 39:13

A'aye qome da 'arayeloxo da aỹem 'aulotagui, yaqto' cara'acolec da ñañaxaayishegue'm naua ỹa'a'che, llaxatemallaxa da ñaq saxanaxa da seleu.»

Salmos 17:3

Cha'aye 'am 'auaỹateete' naua iuennataxaco, qataq ye pe qalaq aỹem 'auchemaxattac qataq aỹem 'avi'egueetac, qalaxaye saishet da 'auanata ca saỹaỹamaxañi de'era ñachaalataxac. Qataq na aỹap saishet da chegaqaigui ca saỹaỹamaxañi,

Da na'aqtaguec so Job 10:7

Qaq na'aictaxa da mashe 'auaỹaten da qaica ca ỹasouaxashet, qataq qaica ca ishet da aỹem nca'alaxateeguesop da 'ara'añaxac.

Nehemías 13:31

Nataqa'en saỹamaxaañi da 'eetec da qoỹaneuo so norec lashec, da ipacchiguilo naua laloqo'ote, qataq da qoỹaneuo aso la'auaxana ala so nañiguishec. Ime, nache ñatamen, sheeta': 'Am Ñatamnaxala', aỹem 'auennata'a qome da aỹem 'aỹa'anem da 'archoxonnataxanaxa.

Nehemías 6:14

Qaq huaña nache ñatamnot Ñim Lo'onatac 'Enauacna, sheeta': 'Am Ñatamnaxala', 'antoueeta'ac qome da ỹo'o't soua Sambalat qataq so Tobías, nataqa'en saishet da 'aucoua'ai da ỹo'ot aso na'aqtaxanaxana Noadías, qataq so laỹepi maye nshetaique da aỹem icolanaqche't.

Romanos 8:35

Qaq da inataxanaxac 'eeta': ¿Negue't ca ishet da qomi' nqateeguesopa da lauotaxanaqtaic So Cristo? ¡Qomye qaica! ¿Peta'a na sa ỹaỹamaxañisat qataq nam que'eenaxacpi qataq na lqalaicpi? ¿Peta'a ỹañoxot de'era na nqouaxa, huo'otaq na latomaxa huo'otaq na lchecsat qataq da nleuaxa? ¡'A'i, saishet!

Jueces 16:28

Nache so Sansón iỹaxanot Ñim Nataxala', 'eeta': «'Am Nataxala' maye Ñatamnaxala', 'Am ñachoxonnot da aỹem 'autauan na'aictaxa da nachaqnata ne'ena na'a'q da aỹem 'aỹa'anem ca ỹa'añaxac, yaqto' sepalaique ivi' souaxat da na filisteopi nqa't soua ỹa'ai'te.»

Salmos 44:22

Qalaxaye souaxat da qoneta nache qomi' qaỹauecta'alo da qarleuaxa, shenaqta'am aca qagueta da qaỹauecta'a ca nalaataqa'.

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Jeremías 18:23

Qalaxaye 'am Nataxala', 'auaỹaten 'enauac nam lapaxañipi namayepi da yaqto' aỹem ỹalauat. ¡Qaq saishet qome da 'auchoxoreetac souaxat nam qauem maye ỹo'ot, qataq saishet da 'aucoua'ai na lasouaxashetpi! ¡Qaq huañi qome 'anqa'en namayepi, qataq 'auauo'o ca nhuaxanaguec 'aurolec da 'arayeloxo!

Lamentaciones 3:64

'Am Nataxala', talec 'anqa'en namayepi cam nsheetenaguec na ỹo'ottac.

Lamentaciones 3:66

¡'Am Nataxala', 'aucanapec qome namayepi, 'aurolec da 'arayeloxo, nache ỹataqta pal 'anqa'en da huetalec ana 'alhua!