Jeremías 15:14 - La'aqtaqa Ñim Lo'onatac 'Enauacna 2013

¹⁴ Aỹem so'ot qome da 'am l-latac na 'ampa'aguenaxauapi da huaña cam 'alhua maye saishet da 'auauana co'ollaxa, cha'aye da ỹayeloxo mashe 'eroigui 'eeta'am ca norec da 'am ỹavigaxatta qome.»

Jeremías 15:14 Referans Kwoze

Jeremías 16:13

Qaq ỹoqo'oye qami' ñeqateeguesopa qome ne'ena 'alhua, nache qami' samaxalo cam 'alhua maye qami' qataq so hua'au qarta'ailpi saishet co'ollaxa da qauauañiỹa, qaq huaña nache ye na'a'q qataq ye pe qauo'onataxañiitacot cam laỹepi atamnaxala'pi, cha'aye aỹem saishet da qami' sechoxore'n qome.

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.

Jeremías 17:4

Qaq 'am qoca'ai qome nam 'alhua maye 'am sanem co'ollaxa da 'aralamaxat, nache so'ot da 'am l-lata na 'ampa'aguenaxauapi, da qoueta'a cam 'alhua maye saishet da 'auauana, cha'aye da ỹayeloxo 'eroigui, 'eeta'am ca norec da 'am ỹavigaxatta qome.»

Salmos 21:9

qaq nache 'auachaigui aca nqatelaxanaxaqui maye 'ettaigui, qom ivita da 'anachaxan da yaqto' 'anmit 'enauacna. Ñim Nataxala', de'era lalemataic nmatchiguiñi qome namayepi ỹauota'a ca norec maye nlaxaañi 'enauacna.

Deuteronómio 28:36

Qataq Ñim Nataxala' ỹo'ot qome 'am qataq ca nta'a maye 'arca'aguishec da qami' ỹauegalo ca 'alhua maye qami' qataq so hua'au qarta'ailpi sa qauauañiỹapega. Qaq huaña nache qanatamñiitacot qome ca ỹaqa'a atamnaxala'pi maye choche ne'enaqtac qo'oipaq qataq coma',

Deuteronómio 28:64

Ñim Nataxala' 'am ilagaxatoigui qome ca ỹotta'a't shiỹaxauapi ana 'alhua, qaq huaña qome nache 'anatameetacot ca ỹaqa'a atamnaxala'pi maye 'epaq, qataq coma' maye 'am qataq so hua'au 'arta'alpi sa ỹauatton.

Hebreos 12:29

Cha'aye Ñim Lo'onatac 'Enauacna, Ñimaye 'eeta'am ca norec maye ỹataqta cochepchiguiñi naqa'en ca ỹavigaxat.

Amós 5:27

Qaq ỹoqo'oye aỹem so'ot qome da qami' qaỹauegalo yem ỹataqta pa'aicra'a ye Damasco. Qaq 'era da la'aqtac Ñim Nataxala', Ñim Lo'onatac 'Enauacna, maye le'enaxat Qaica ca Ỹaqalanapec.

Jeremías 52:27

Qaq huaña ye Ribla yem 'alhua maye huaigui ye Hamat, da so nta'a ye Babilonia damaxasoxoolec somayepi da qaỹalauat. Qaq 'era da 'eetec da so nhuo' le'ecpi maye lma' ye Judá qanqateeguesop ye na'alhua.

Jeremías 15:4

Qaq so'otec qome na ỹotta'a't shiỹaxauapi maye netalec ana 'alhua da huo'o da lqaigaxa dam so'otec namayepi, souaxat dam ỹo'ot so nta'a ye Judá, Manasés som llalec so Ezequías maye huaña ye Jerusalén.

Jeremías 14:18

Da sauga na no'onaxa, nache sela'a na leuaxaicpi, nam leuaxaicpi maye huaigui so alaataxac, qaq da saigui na huaqta'a't nỹecpi, nache sela'a na shiỹaxauapi maye huotaique da ilem na lqouaxa, qaq na na'aqtaxanaxanecpi qataq na ntaxaỹaxanaxanecpi qalaq taỹa ca ỹaqa'a 'alhua maye saishet da qaỹauana.›»

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Isaías 42:25

Qaq ỹoqo'oye Ñimaye dalemataỹa namayepi, nache ỹauo'o da nhuaxanaguec, irolec da 'alaataxac maye huaigui da saishet da qaireetac, qataq hueteguelo naqa'en na norec, qalaxaye ñaqaiyeta namayepi saishet da ỹaỹaaneguet damaye.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Deuteronómio 28:25

Qataq 'am loxonec naqa'en qome ca 'ampa'aguenaxauapi, na'aictaxa da qanaloichiguiñi da qanqo'oñiỹa da qanalaache' camayepi, qalaxaye qanlagaxacheetac qome da qauataiueeguesop camayepi. Nache 'enauac na ỹotta'a't shiỹaxauapi 'am ỹe'enai' qome.