Jeremías 15:13 - La'aqtaqa Ñim Lo'onatac 'Enauacna 2013

¹³ Qaq souaxat nam 'arasouaxashetpi, 'am Israel, nache 'am saneguet qome na 'ampa'aguenaxauapi, qataq da 'arsallaxa qataq nam 'ogoxoshetpi qataq 'enauac na hueta'a na 'ana'alhua, da yaqto' choche qaỹacoolec da qaỹache.

Jeremías 15:13 Referans Kwoze

Jeremías 17:3

qataq ana qasoxonaxapi maye huetalec na no'onaxa. Qaq souaxat na 'arasouaxashetpi, nache so'ot qome da qaicachiỹa da 'arsallaxa qataq na no'on 'ogoxotpi qataq qaỹacona nam hueta'a anam qaỹoqotcheguemecpi 'alhuapi maye saq qaishetapec maye hueta'a 'enauac yem 'ana'alhua.

Salmos 44:12

Qataq saqaỹaua'a da 'aumen na 'aralamaxat nhuo' le'ecpi, qataq qaca aca 'araueque da 'aumen namayepi.

Isaías 52:3

Ñim Nataxala', 'eeta': «Ỹataqta qaca co'ollaxa aca saconeguet lasheue da qoñiita co'ollaq qami' qaỹaue'c da yaqto' qami' nlatacpi, qaq ỹoqo'oye nagui saishet qome da huo'o aca sanec, da lasheue da qami' ñeca'alaxatrec.

Jeremías 20:5

Qataq nataqa'en sanem nam mpa'aguenaxauapi, 'enauac da nsallaxa maye hueta'a ne'ena huaqta'a't nỹecpi, qataq 'enauac nam lalamaxatpi qataq na nogoxoshetpi maye lta'araic da lashiichiỹaxac, qataq 'enauac nam laỹamaqtacpi na nta'alpi na Judá, da yaqto' iro'ogue da Babilonia.

Isaías 52:5

Qaq nagui, ¿negue't cam seuatta'a? Ye nam ỹalamaxat nhuo' le'ecpi qaica ca huasoilec da qaỹauega ye Babilonia. Qaq nam ỹamaqtac namayepi ỹa'alaqtai' da ño'oxonnaxac, qataq nache queto'ot da Aỹem isheueetac.

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Ezequiel 38:13

Qaq na shiỹaxauapi ye Sabá, qataq ye Dedán, qataq na nmenaxaicpi ye Tarsis, qataq nam chegaqa'a na laỹepi huaqta'a't nỹecpi, 'am inat qome, 'eeta': ¿'Auanac peta'a da 'aucache? ¿Peta'a 'alaỹona't na 'analleppi da yaqto' 'auotaxanec qataq da 'auacona na lcat plata, qataq na lcat oro, qataq na 'atetpi, qataq na laỹepi nogoxoshetpi, qataq 'auache da qalota nsallaxa?

Sofonías 1:13

Qaq ỹoqo'oye, qaiuotaxanec qome na lalamaxatpi, qataq qailaxachigui na lma'pi. No'oxoosheguem qome na lma'pi, qalaxaye saishet da naigui, qataq ỹo'ot ana lañiguishe uva, qalaxaye saishet da nỹomigui na lataxa, maye chegaqaigui anamaye.»