Jeremías 15:11 - La'aqtaqa Ñim Lo'onatac 'Enauacna 201311 Qaq ñaq ipacchigui qome nam qauem la'aqtacpi namayepi, da 'Am Nataxala' saishet da ỹaỹamaqchiguiñi da ỹo'onataxanaxac da 'am so'onataxaatacot, qataq da saishet da 'am seỹaxaatacot co'ollaxa da 'anqouaguec nam ñepa'aguenaxauapi, co'ollaq huaigui da qauem qataq laquicoxo. Gade chapit la |
na'aqtaxanaxanec Jeremías nache 'enapega, 'eeta': Qomi' sauoqtaique da 'am seỹaxanaqot, qalaq no'on qome da saishet da qomi' 'anhualoxonapeguema. Ñaq 'anachoxonnot Ñim Nataxala' maye 'Anatamnaxala' da qomi' 'auỹaxaaleguete, qomi' maye saq qomi' lamai' da ño'onqañi. Co'ollaxa maye qomi' qalotoiguilo, qalaxaye nagui qalaq qomi' salamai' da ño'onqañi, qaq mashe qomi' 'aumeteeta'ape nagui.
«Ña qomi' 'anqouagueque da 'aunat Ñim Nataxala' da qomi' 'aunataxaaleguete, cha'aye ñi Nabucodonosor maye nta'a ye Babilonia, mashe huotaique da qomi' iloquiaxa'n. Shapegueto' da Ñim Nataxala' ỹo'ot ca saqaỹauanapega da yaqto' ỹo'ot da ñi Nabucodonosor qomi' ca'aisalo.» Qaq huaña nache Ñim Nataxala' 'enapega so Jeremías,
Nache so nta'a Sedequías damaxasoxooña co'ollaxa so Jeremías da qaỹeuegueua'a so lma' lta'araic somaye, nache so Jeremías co'ollaq qaỹauegueua'a so nta'a, nache se'eso nta'a ndote' da inat somaye, 'eeta': ¿Peta'a huo'o ca la'aqtaxanaxac Ñim Nataxala'? Nache so Jeremías ỹasat, 'eeta': Aja', qaq damaye, 'eeta': 'Am nta'a, 'am loxonec qome ñi nta'a ye Babilonia.