Jeremías 15:10 - La'aqtaqa Ñim Lo'onatac 'Enauacna 2013

¹⁰ ¡Choxoraicolec aỹem, 'am ỹate'e maye aỹem 'auco'oic co'ollaxa da yaqto' ñecotatague' qataq seloctague' 'enauac na shiỹaxauapi ana 'alhua! Qaica co'ollaxa ca sa'aalaxanaxanec aca aỹom qataq qaica ca aỹem ỹa'aalaxanaxanec aca alom, qalaxaye 'enauac na shiỹaxauapi aỹem ỹasaxalec da qauem.

Jeremías 15:10 Referans Kwoze

Lucas 6:22

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

Éxodo 22:25

Qom huo'otaq 'aua'aalaxanaxan ca shiỹaxaua choxoraq nam ỹalamaxatpi maye qami' netanguilo, nache saishet qome da qoneta'am ca na'aalaxanaxala', da 'auauo'o aca nquiguisheguem 'anqa'en aca 'om maye na'aale.

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

Mateo 24:9

Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Proverbios 26:2

Nache 'eeta'am ca qoỹo maye nỹec le'ec da choche taỹa'aicra' da huaỹotac, huo'otaq ca mayogotolec maye qaica ca lpata'c, qaq nache 'eetec de'era qauem da saishet da choche anac.

Salmos 109:28

Ỹoqo'oye na'aictoxo' namayepi da aỹem isheueetac, qalaxaye 'am aỹem 'auchoxoren qome. Namayepi ishet da aỹem iloquiaxan, qalaxaye huo'o qome da la'aloxo, cha'aye ne'ena 'aramaxashec huo'o qome da ntonaxac.

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

Levítico 25:36

Saishet qome da 'anhuo' qataq saishet da 'anquigaxatapeguec ca lavigaxashet maye 'anem co'ollaxa, souaxat da huo'o naq 'enec 'anqa'en Ñim 'Anatamnaxala', yaqto' camaye nache 'eetai' da netaigui ca 'arhuo' le'ecpi.

Hechos 28:22

Qaq ỹoqo'oye qomi' sauoqtaique da 'am ña'axaỹaxanaxa ca 'eetec ca 'arhuennataxac. Cha'aye saỹaanaq da 'enauaque naua 'aleu' qanpa'agueetega de'era dalaxaic na'amqaanataxanaxac maye 'aua'axattac.

Levítico 25:37

Saishet qome da 'anquigaxatapeguec aca 'om maye 'anem co'ollaxa da la'aale, qataq saishet da 'anquigaxatapeguec aca lasheue ca nallec maye 'anem da lavigaxashet.

Salmos 69:4

Ỹataqta napacalec ye lcata na laue na iqaic na aỹem nquiỹatapega, ỹataqta qalota na choche aỹem npa'agueetega, nam huotaique da aỹem nlaxaañi, qaq ¿ca 'eeteco' da she'eguelaxat ca saishet da secachiỹa?

Habacuc 1:3

¿Ta'ainco' da sauaachigui 'anqa'en da lta'araic nachetataic qataq na qauemsat? Aỹem semeteetac da qaica ca qairen, qataq nam qailaxachiguipi, qataq vichiguiñalo da cotaxac qataq da loquiaxac.