Jeremías 15:1 - La'aqtaqa Ñim Lo'onatac 'Enauacna 2013

¹ Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Jeremías 15:1 Referans Kwoze

Ezequiel 14:14

Qaq que'eca 'alhua, taxa da netraña soua Noé, Daniel qataq so Job, nache se'esoua tres, nachesouate' taxa da nca'alde'c, souaxat da ỹo'ottrac co'ollaxa da nalochiguiñi lataxac. Qaq 'era da ỹa'aqtac Aỹem Nataxala'.

Jeremías 14:11

Qaq huaña nache Ñim Nataxala' aỹem 'enapega, 'eeta': «Saishet qome da Aỹem 'auỹaxanot da 'auỹaxanaique ca laỹamaxa ne'ena nhuo' le'ecpi.

Jeremías 11:14

Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Salmos 99:6

So Moisés qataq Aarón nache ỹalectaiguilo co'ollaxa so ntaxaỹaxanaxanecpi, qataq so Samuel ỹalectaigui co'ollaxa som ỹo'oxoreetac da le'enaxat Ñimaye. Qaq naxa somayepi da iỹaxanot Ñim Nataxala', nache Ñimaye ỹasateguet da lỹaxanaxac.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

2 Reyes 17:20

Ỹoqo'oye Ñim Nataxala' ỹo'orauec co'ollaxa 'enauac som chegoxoguetpi so Israel, nache ỹauo'o da lachetataic naqa'en somayepi, qataq ỹaneguet so cachaxaicpi, nache ivitta'a da Ñimaye ỹo'orauec.

1 Samuel 7:9

Nache so Samuel ỹaconeua'a sotai' qagueta llalec nache ỹanot Ñim Nataxala' da ỹauo'o lachetaqtaxanaqte ỹavigaxatta, ime nache nachoxonnot Ñim nataxala' da nqouagaxaueelec so Israel le'ecpi, nache Ñim Nataxala' ỹasateguet somaye.

Jeremías 52:3

Qaq ỹoqo'oye Ñim Nataxala' dalemataỹa co'ollaxa ye Jerusalén qataq ye Judá, nache ỹo'orauec. Qaq ime co'ollaxa nache so Sedequías mpa'aguene' so nta'a ye Babilonia.

Jeremías 23:39

nache Aỹem, qami' sasaxare'c qome, qataq nam huaqta'a't nỹecpi maye qami' sanema co'ollaxa, qataq som hua'au qarta'ailpi, nache ỹataqta qaỹoqta ñaqa'en da sheeta, cam qoviỹaña qome.

Jeremías 18:20

¿Peta'a iuen da qaisheetenaxana ca qauem da qaisheeten ca no'on? ¡Namayepi co'ollaxa nshe' añi ñeuachiqui! Ña 'auennata'a da 'am sataỹa'aguet co'ollaxa da setaqteguelec namayepi da yaqto' 'anqateeguesop namayepi da 'aralemataic.

Jeremías 15:19

Qaq huaña nache Ñim Nataxala' aỹem ỹasateguet, 'eeta': «Da Aỹem 'añe'eguelaxa, nache qaltaq 'am saconeguet, nache ishet da Aỹem 'auo'onataxanot. Da 'avita'aguet nam saq 'en ntaxaỹaxacpi, nache ndotec da 'aua'axat nam ntaxaỹaxacpi maye no'on na naigui, qaq nache 'am qome da 'aua'axattac Aỹem. Qaq namayepi nachena nam iuen da 'am ỹe'eguelaxaguet qome, qaq saishet da nache 'am da 'avi'eguelaxaguet namayepi

Proverbios 14:35

Ca nlatac maye sanqalat camaye lauotaxat ca nta'a, qaq ca 'enaqaic qalaq lquiỹaxat camaye.

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Jeremías 35:19

nache Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'eeta' da ỹa'aqtac, nam chegoxoguetpi so Jonadab saishet qome da saqca ca Aỹem do'onataxaatacot.»

Jueces 5:9

Qaq da iquiyaqteỹaxac hueta'aguet na lataxala'pi na Israel le'ecpi, qataq nam shiỹaxauapi maye maiche ihuo' le'ecpi, maye lhuotta co'ollaq qaiỹaxana da nalat. ¡Sho'oxorenaq Ñim Nataxala'!

Génesis 19:27

Qaq so nte'etom so lỹa na'a'q, nache so Abraham, tauga som huaña co'ollaxa da detaqtague' Ñim Nataxala'.

Zacarías 3:3

Qaq so Josué ỹaatrañe soua ỹataqta nshepaxa'n alogo, qataq ña nachattañi datato'ot so piguem le'ec maye lamaxashec Ñim Nataxala'.

Deuteronómio 9:26

nache ñatameetacot Ñim Nataxala', sheeta': ‹'Am Nataxala', saishet qome da 'anlaxaañi ne'ena nhuo' le'ecpi, maye maiche 'aralamaxatpi, maye 'anqateeguesop co'ollaxa ye Egipto 'aurolec da 'ara'amaqchec, qataq da lta'araic 'ara'añaxac.

1 Samuel 12:19

Qaq ỹoqo'oye 'enauac somayepi 'enapega so Samuel, 'eeta': 'Anachoxonnot qome Ñim Nataxala' maye 'Anatamnaxala', nache 'auỹaxaalec ne'ena 'aramaxashecpi, yaqto' saishet da seleuaq, cha'aye co'ollaq seỹaxanaqaique ñi qarta'a nache maiche ñequigaxataxauec da qarasouaxashet.

Jeremías 9:19

Cha'aye ye Sión chemaqtega da na'alaxac souaxat da qui'ic, ¡'Agai, seviraqta'aguet da qomi' qanlaxaayiñi! ¡Ỹataqta lta'araic da qane'enaguec maye souaqaigui! Nache qomi' iuen da qolaqa'ai na qana'alhua, cha'aye na qarma'pi ỹataqta nlachiguiñi.

Jeremías 10:18

Cha'aye Ñim Nataxala', 'enapec: Aỹem nagui ỹataqta qaỹoqta qome ca sasaxague nam netalecpi ne'ena 'alhua. Aỹem sa secherapec namayepi, shapegueto' da ishet da Aỹem ỹanata.

Jeremías 16:5

Ñim Nataxala', nataqa'en aỹem 'enapega, 'eeta': «Saishet qome da 'aupa'aigui ca nỹec maye hueta'a da naquicoxo souaxat da huo'o ca ileu, qataq saishet da 'anỹen qome qataq saishet da 'auachaxan da huo'o da 'anqui'ic souaxat camaye, cha'aye ne'ena nhuo' le'ecpi ñeqateeguesop da nlagaxayec maye sanem co'ollaxa, qataq da ỹauotaxanaqtaic qataq da ichoxonnataxanaxa. Qaq 'era da ỹa'aqtac Aỹem Nataxala'.

Jeremías 16:13

Qaq ỹoqo'oye qami' ñeqateeguesopa qome ne'ena 'alhua, nache qami' samaxalo cam 'alhua maye qami' qataq so hua'au qarta'ailpi saishet co'ollaxa da qauauañiỹa, qaq huaña nache ye na'a'q qataq ye pe qauo'onataxañiitacot cam laỹepi atamnaxala'pi, cha'aye aỹem saishet da qami' sechoxore'n qome.

Jeremías 22:28

Ñim Jeconías, ¿peta'a 'eeta'am aca naco'oña poxoỹaxai maye qaica ca naigui, huo'otaq cam nogoxoshet maye qaica ca nqopittega? ¿Ta'ainco' da ñimaye qataq nam llalaqpi da qaỹo'ora'a ca 'alhua maye saqaỹauana?

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Oseas 9:15

«Qaq huaña co'ollaxa ye Gilgal da ỹo'ot 'enauac na qauem namayepi, qaq nache huaña nataqa'en da seqaiga namayepi. Qaq souaxat nam qauem maye ỹo'otpi namayepi, nache so'orauec qom huaña ñi ima', qataq saxaañi da sauotec namayepi, cha'aye 'enauac nam lataxala'pi namayepi da sa ỹalaq.