Jeremías 14:9 - La'aqtaqa Ñim Lo'onatac 'Enauacna 2013

⁹ ¿Ta'ainco' da 'aue'enaxat ca ỹale da maye saishet da ỹaỹaten ca 'eetec, qataq qoneta'am ca alaataxaic maye saishet da detaunaxan? Qalaxaye, 'Am Nataxala', qouetangui na laiñi da shenaqta, 'enauac da qaỹaỹaten da qomi' 'aralamqa'ate, ¡Qaq saishet qome da qomi' 'auala't!

Jeremías 14:9 Referans Kwoze

Isaías 63:19

Qomi' seviraqta'a da 'eco' saỹauanego' da qomi' 'aulotegueto, qataq da 'eco' saỹauanego' da sachoqtac da 'are'enaxat.

Isaías 59:1

Da la'añaxac Ñim Nataxala' saishet da vi'iiguet da 'eco' saishet da deca'alaqtaxan, qataq Ñimaye saishet da sa hua'aqa da 'eco' saishet da huo'o ca hua'axaỹa.

Jeremías 15:16

Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Salmos 46:5

Qaq Ñim Lo'onatac 'Enauacna netangui na laiñi yemaye nache saishet da deraỹapigui', qaq da mashe yo'oxoñi nache Ñim Lo'onatac 'Enauacna itauan yemaye.

Números 11:23

Qalaxaye Ñim Nataxala' 'enapeco': ¿Peta'a 'aupi'itaxaatega da saq 'amaqtaq da ỹa'añaxac? Qaq nagui nache 'auauaachigui qome da 'eesa, huo'otaq saishet da 'en de'era shenapec.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Zacarías 2:5

Cha'aye Ñim Nataxala' 'eeta', da la'aqtac: Aỹem sheeta'am qome ca norec da ñepaxattaua'a ye huaqta'a't nỹecpi ye Jerusalén, qataq sachaxan da ỹo'oxoyec da huangui na laiñi yi'iye huaqta'a't nỹecpi.›»

Jeremías 8:19

Da la'alaxac na ihuo' le'ecpi qaỹa'aqtega 'enauac ne'ena 'alhua: «¿Peta'a Ñim Nataxala' mashe saq hueta'a ye Sión? ¿Peta'a mashe saq hueta'a so nta'a?» Nache Ñim Nataxala' ỹasat, 'eeta': «¿Ta'ainco' da aỹem qanogoqchichi da qanatamñiitacot nam ne'enaqtacpi atamnaxala'pi maye qaica ca naigui qataq ỹaqa'a?»

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Salmos 27:9

¡Saishet qome da aỹem 'anqañoxocheesop! ¡Saishet da aỹem 'aumaqa'aguet souaxat da 'arayeloxo! Cha'aye nachaq 'amta da aỹem 'autauaatac, Qataq saishet qome da aỹem qoca'ai qataq saishet da saq aỹem 'ampaxattalec, cha'aye nache 'am Ñatamnaxala' qataq 'am ica'alaxaqui.

1 Samuel 12:22

Qaq Ñim Nataxala' souaxat da llo'oxoyec da le'enaxat, nache saishet da qami' ca'aisalo, cha'aye Ñimaye ỹauotaique da qami' lalamaxatpi nhuo' le'ecpi.

Deuteronómio 23:14

Cha'aye Ñim Nataxala' maye Qanatamnaxala'ai, Ñimaye hueta'a ca qaranataqa'ai da yaqto' qami' npaxattaleguete, qataq qami' ỹanema da qoroxonqui ca qampa'aguenaxauaipi. Ỹoqo'oye que'eca qaranataqa'ai, camaye ỹataqta qui'itta qome qanqa'eñi, yaqto' Ñimaye saishet da ilalec ca saỹaỹamaxañi da qami' ỹalleta'alo, ten qom qami' ca'aisalo.

Hechos 15:17

yaqto' 'enauac nam laỹepi shiỹaxauapi Aỹem nmitaique maye Aỹem Nataxala', qataq 'enauac nam ỹotta'a't shiỹaxauapi maye seỹaxana da sauotaique ỹalamaxatpi.

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Habacuc 1:2

'Am Nataxala', ¿chaq tachiguiña qome da iỹaxanaxac da 'am seỹaxaatecot da aỹem 'autauan, ye ỹataqta aỹem saq 'aua'axaỹa? ¿Chaq tachiguiña qome da ñachoxonnaxac souaxat da ỹataqta qaica ca qairen, ye 'am saishet da 'auanac da qomi' 'anca'alaxatrec?

Deuteronómio 28:10

Huaña nache 'enauac na ỹotta'a't shiỹaxauapi ana 'alhua ỹaỹateeta da 'am lalamaxat Ñim Nataxala', nache ỹataqta 'am ñi'iỹa qome.

2 Crónicas 7:14

qaq da huo'otaq nman na ỹalamaxat nhuo' le'ecpi maye iỹaxaatega da ỹe'enaxat, qataq da natamen, qataq aỹem nmitaique, qataq da ỹaxanec da qauem lataxac, nache aỹem sa'axaỹa qome da soota'a na piguem, nache sapalaxat na lasouaxashetpi, qataq ñataren na na'alhua namayepi.

Salmos 10:1

'Am Nataxala', ¿ta'ainco' da ỹataqta 'am qaỹoqta? ¿Ta'ainco' da 'anqañoxooñi da ivita da huo'o da que'eenaxac?

Isaías 43:7

'enauac nam ỹachetac dam ỹe'enaxat, nam ỹo'onatac co'ollaxa qataq so'ot da lataxac, da yaqto' ỹo'ot da ỹo'oxoyec.»

Jeremías 51:5

qaq na'aictaxa da na Israel le'ecpi qataq na Judá le'ecpi nlaqaalec naqa'en na na'alhua na lasouaxashetpi, qalaxaye Aỹem Nataxala' maye Qaica ca Seqalanapec maye Qui'itta Natamnaxala' na Israel le'ecpi, saxanaxa da salat namayepi.

Lamentaciones 5:20

Qaq ¿ta'ainco' da chochaq tatec da qomi' 'aucoua'aisalo? Qataq ¿ta'ainco' da qaỹoqteguelo naua vi'iye da qomi' 'auala't?

Zacarías 8:3

Qaq Aỹem ñe'eguelaxa qome ye Jerusalén da qaltaq sonaña. Qaq huaña nache ye Jerusalén, qaỹamata'ac qome da Huaqta'a't Nỹecpi maye hueta'a da Nalaxayec, qaq añi qasoxonaxa maye lalamaqte Ñim Nataxala', qalaq qaỹamata'ac qome da Qasoxonaxa maye Qui'itta.