Jeremías 14:8 - La'aqtaqa Ñim Lo'onatac 'Enauacna 2013

⁸ 'Am maye 'am ỹacheto'ot naxa da naquitaxac, qataq 'am lca'alaxaqui na israel le'ecpi da huaigui da lqalaic, ¿ta'ainco' da 'avi'inaxat da lataxac cam ỹaqa'a ca chegaqa'ague da qoueta'a ne'ena 'alhua, qoneta'am ca queuoxoic da 'oonolec pe da hueta'a ca lanataqa'?

Jeremías 14:8 Referans Kwoze

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Jeremías 50:7

Na mpa'aguenaxauapi naxa da ilalec, nache chec nache, 'eeta': ‹Saishet da qarasouaxashet damaye, cha'aye namayepi huo'o da lasouaxashet hueto'ot Ñim Nataxala', maye qaica ca iueetaique naqa'en namayepi, qataq hueto'ot da naquitaxac som hua'au lta'alpi.›

Isaías 43:3

Cha'aye Aỹem Nataxala' maye Aỹem Qui'itta Natamnaxala' na Israel le'ecpi, 'am ñeca'alaxatec qome, Aỹem 'am sesheenaxana, nache sanec ye Egipto, Etiopía qataq ye Sabá da nmenegueta ñaqa'en 'am,

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Joel 3:16

Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Isaías 45:21

Ña qaua'aqtaxañi qataq qauachaxañi cam ỹo'ot da 'eesa de'era, qana'aqtaxañiỹa't ñi 'oonolec na'aqtaxane' ca lỹa. ¿Negue't ca ỹa'axatta'a co'ollaxa de'era? qataq ¿Negue't cam ỹa'axatta'aguet co'ollaxa de'era soua hua'au' vi'iye? ¿Saisheto' da nachaỹem, Aỹem Nataxala'? Qaq qaica ca lỹa Atamnaxala', maye huegaxanaxaic qataq ca'alaqtaxanaxaic.

Isaías 43:11

Aỹem, nachaỹemta Nataxala', qaq qaica ca lỹa ishet da deca'alaqtaxan.»

1 Timoteo 1:1

'Am ỹauotaxat Timoteo: 'Am samaxa da iquinaxanaxac. Aỹem Pablo, aỹem lamaxashec So Jesucristo, cha'aye Ñim Lo'onatac 'Enauacna maye Qarca'alaxaqui, qataq So Cristo Jesús maye hueto'ot da qanaquitaxac aỹem ỹamaxalec da sa'axat de'era la'aqtac. 'Am 'ena'am da ỹoqta 'am ỹalamaxat ỹalec. Ỹoqo'oye seỹaxaatacot Ñim Lo'onatac 'Enauacna maye Qarta'a qataq So Jesucristo maye Qarataxala' da ỹataqta 'am ỹauotec qataq 'am itauaatac 'enauac nam 'auo'otpi, qataq 'am ỹami' da 'arlagaxayec.

Hechos 28:20

Qaq nachera da huo'omshe qami' seỹaxaneugalo, da yaqto' qami' ñauaneto, qataq qami' setaxaỹapegueto. Cha'aye nachera dam 'enauac qanaquitaxac qomi' Israel le'ecpi, da huo'omshe aỹem qaicoñetta'aque ne'enaua ique'ete.

Isaías 45:15

Qaq 'Am Atamnaxala', ỹoqta 'eesa da 'am saqcha'a, 'Am Atamnaxala' maye 'am lca'alaxaqui na Israel le'ecpi.

Salmos 138:7

Naxa da huo'o da ỹachetataic qalaq aỹem nca'alaxattauec, na 'arhuaq qalaq npaxateguet da layeloxo na ñepa'aguenaxauapi, na 'arhuaq 'oiguishec aỹem nca'alaxatec.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Salmos 46:1

Ñim Lo'onatac 'Enauacna nacheñi ñi qomi' npaxattaleguete qataq nacheñi ñi qara'añaxac, Ñimaye sa naỹaloxon da qomi' itaua'n da souaqaigui da qarachetataic.

Salmos 9:9

Ñim Nataxala' nacheñi Ñim lle'eguenaxala' na choxoraqpi, qataq mpaxattalec namayepi da huaigui da nque'eenaxac.

Salmos 10:1

'Am Nataxala', ¿ta'ainco' da ỹataqta 'am qaỹoqta? ¿Ta'ainco' da 'anqañoxooñi da ivita da huo'o da que'eenaxac?

Jueces 19:17

Nache so ỹa'axaiquiolec co'ollaq ila'a somaye da hueta'a se'eso naponqa', nache inat, 'eeta': ¿Hua'ague cam 'auachegoqta'ague? Qataq ¿hua'ague cam 'aỹa'ague?

Salmos 71:5

Cha'aye 'Am Nataxala', nache chegoqchiguiña, co'ollaq ñaq aỹem nsoqolec da ỹataqta 'am ipe'et qataq aỹem 'antela'a.

Isaías 63:8

Qaq Ñimaye, 'enapec co'ollaxa: «Ne'ena nhuo' le'ecpi maiche ỹalamaxatpi, ne'ena ñalaqpi saishet qome da Aỹem ỹatenachet.» Nache Ñimaye nca'alaxateeguesop 'enauac da laquicoxo namayepi.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Zacarías 9:12

¡Qami' ncoñeteguishecpi maye ñaqauo'o da qanaquitaxaqui, qavi'eguelaqaỹa qome ye maiche qarpaqtaxanaxache! Cha'aye nagui qami' sa'axatema da qami' sanema qome ca qana'achecỹaxaqui, napacalec ñaqa'en som qoviỹaigui co'ollaxa qanque'eenaxaqui.

Salmos 46:2

Qaq ỹoqo'oye saishet da sho'oqtac, na'aictaxa da cholaxan ana 'alhua, qataq da hualolaguiñi ana qasoxonaxapi da tangui na laiñi aso auaxai,

Isaías 33:2

'Am Nataxala' ña qomi' 'auchoxore'n qome, cha'aye nache 'Am seuataqtaique. Qaq nache 'Am qome qomi' 'autauaata'ape ye nte'eta, qataq 'Am qarca'alaxaqui qom huo'o ca qarhuogoxo.

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»