Jeremías 14:3 - La'aqtaqa Ñim Lo'onatac 'Enauacna 2013

³ Na sallaxanecpi qalaq ỹamaq naxa na lamaxashecpi da ilaique 'etaxat, nache namayepi taỹa ana laỹe'pi na 'etaxat, qalaxaye saỹanata, nache qui'itchiguilo naxa naua laco'oña da ỹe'eguelaq, nache saỹaỹaten ca 'eetec qataq nlaqchigui da la'aloxo, qataq ỹapoleguete naua lqaigo.

Jeremías 14:3 Referans Kwoze

2 Samuel 15:30

Qaq so David, tasheguema aso qasoxonaxa maye lma' ana Olivo, nache nỹeetague', ỹapotalec na lqaic qataq qaicaua caua lapela'ate, souaxat da nqui'ic. Qataq 'enauac so nnaictague'pi somaye da tasheguema na pa'asheguem nataqa'en nỹeetagui, qataq ỹapotalec na lqaic.

Salmos 40:14

Ỹataqta huo'o qome da la'aloxo qataq sa ỹaỹaten ca 'eetec, na ỹauotaique da aỹem ỹalauat. Qataq dataueeguesop qome da la'aloxo na huotaique da aỹem ỹo'otec ca qauem.

2 Reyes 18:31

Qalaxaye saishet qome da qaualaqaiguet ca Ezequías, cha'aye ñi nta'a ye Asiria, qami' namaxalo da la'aqtac, 'eeta': «Aỹem qanaỹamaxachi' qome, qataq qanañañi, yaqto' ñi 'oonolec da qoñeeta ishet qome da chectac aca ala aca maiche lañiguishe uva, higo, qataq da nỹomtapigui ca 'etaxat maye le'ec aca maiche laquip laỹe',

Amós 4:8

Nache na shiỹaxauapi quetagui nam huaña na huaqta'a't nỹecpi da ilotaique 'etaxat, qalaxaye saishet da ỹataqta nmeta da laquipegaxanaxac namayepi. Qalaq ñaqaiyeta qami' saishet da aỹem qañe'eguelaqaỹa. Qaq 'era da la'aqtac Ñim Nataxala'.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Joel 1:20

Qataq ivira'a na shiguiỹacpi maye no'onaxa le'ecpi da 'am iỹaxanot, cha'aye ỹataqta deqaqta nam la'auaxacpi na 'etaxat, qataq na norec ỹavigaxatta 'enauac nam 'auaqpisat.

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Jeremías 14:4

Na shiỹaxauapi maye huetauga na no'onaxa qalaq huo'o da lhuogoxo, nache ỹapotaleguete naua lqaigo, cha'aye qaica ca auot qataq deqaqta na 'alhua.

Salmos 109:29

Qaq na aỹem ipa'agueetac qalaq huetalec qome da la'aloxo, nache damaye 'eeta'am qome ca lapo' da napotaña.

Da na'aqtaguec so Job 6:20

Qalaxaye da ivita somaye, nache saỹaỹaten ca 'eetec, huaña nache daqat da naquitaxac.

Ester 6:12

Qaq co'ollaq ime da qaiqueuoxootapigui' so Mardoqueo, nache ỹe'eguelaxaua'a so lasom so nma' lta'araic, qaq so Amán qalaq ỹataqta iỹalapigui' da taỹa so lma', qaq ỹataqta daquicota qataq ỹapotalec na lashec.

1 Reyes 17:7

Qalaxaye co'ollaq mashe qaỹata'aguelo soua na'axa'te, nache deqaqa so la'auaxac, souaxat da qaica ca auot se'eso 'alhua.

2 Samuel 19:4

Qaq so nta'a ñaq queta co'ollaxa da ỹapotalec na lqaic, qataq da na'alaqtapiguiñi, 'eeta': «¡Ỹalcolec Absalón, ỹalcolec! ¡Ỹalcolec Absalón!»

Jeremías 2:37

Qaq 'am nlaqchigui qome da 'ara'agaxa qom 'auachegoqchiguiña ye Egipto da 'añe'eguelaq, cha'aye Aỹem sa saconeguet nam shiỹaxauapi maye 'auachelec da 'arpi'iỹaxac, qaq qaica qome ca 'auachegoxotaigui da 'anauochaxac namayepi.»

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Jeremías 15:18

¿Ta'ainco' da saishet da vi'iiguet da ñequi'ic? ¿Ta'ainco' da ique'emaxa da qaica ca lata', qataq saisheteguet ca lata'? Nache 'Am 'avi'eguelaxa da qoneta'am ca lqashelgaxa na 'alhua maye 'eeta'am ca lqashelgaxa ca 'etaxat.

Lamentaciones 4:4

Qaq na ñaqpiolec maye ñaq lleptacpi qalaq ỹataqta ỹaguec na laquip, nache na lachaxat lapaxaguet na naquiaq. Na ñaqpiolec da iỹaxaataique aca nauole 'ayiiña, qalaq qaica ca ishet da ỹami' namayepi.

Oseas 2:3

Cha'aye da saishet da ỹaxaañi de'era, nache so'orauec qome, qataq saleeta'ague ñaqa'en 'eeta'am so na'a'q co'ollaq ñiguiñi. Huaña nache 'eeta'am ñaqa'en ca toolec 'alhua, qataq ca deqaqta 'alhua, huaña nache ilem ñaqa'en na laquip.

Zacarías 14:17

Qaq nam ỹotta'a't shiỹaxauapi maye netalec ana 'alhua, da huo'o ca saishet da taỹa ye Jerusalén da natamnot Ñi Nta'a, Ñim Nataxala' maye Qaica ca Ỹaqalanapec, nache camayepi saishet da talec ca auot.

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.