Jeremías 14:22 - La'aqtaqa Ñim Lo'onatac 'Enauacna 2013

²² ¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!

Jeremías 14:22 Referans Kwoze

Joel 2:23

¡Qataq qauamaichiguiñi qome qami' maye qarma'ai na Sión, qataq qaỹa'añiitacot qome da qantonaxaqui Ñim Nataxala' maye Qanatamnaxala'ai! Cha'aye Ñimaye ipacchigui qome naqa'en ye laloxoqui na auot, yem latomaxa qataq nauoxo, nache 'eeta'am soua hua'au' na'axa'te.

Jeremías 5:24

Saishet da qauennataxañi qataq da, qoñiita': Huo'o naq 'enec ñaqa'enaq Ñim Nataxala' maye Qanatamnaxala', cha'aye qomi' namaxalo naxa na auot maye huaigui yem cotap qataq ye nauoxo, qataq ipacchigui naqa'en ye laloxoqui da ñeqataq na ala na qorañiguishec.

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Isaías 30:23

Qaq Ñim Nataxala' qami' ỹanema qome ca auot, qom qaỹa'añiỹoigui na 'alhua aca qa'añiguishe ala, nache na 'alhua ỹataqta qalota qome ca ñaxaalec trigo. Qaq que'eca na'a'q nache ca qareloipi ỹataqta qolochiguiñi qome ca lquia'aqa'.

Deuteronómio 32:21

Namayepi ichoxoteua'a da seca'alaxan souaxat na atamnaxala'pi maye saq'en, qataq aỹem ỹayeloqchet souaxat na natamnaxala'pi, ¡qalaxaye aỹem nataqa'en sanem qome namayepi da deca'alaxana ca ỹaqa'a shiỹaxauapi, qataq denoỹa ñaqa'en ca shiỹaxauapi maye qaica ca ỹaỹaanapec!

Jeremías 51:16

Ñimaye da detaqa, nache ỹo'ot da dellimigui na 'etaxat na piguem, qataq naỹoxoosheguem naqa'en na lo'oc na piguem chegoqchiguiña naqa'en naua loga'te ana 'alhua, qataq ỹo'ot na nqashelgaxa da huetaigui naqa'en na auot qataq anacot na la'at ỹachegoxotchiguiña cam laponqa' namaye.

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Jeremías 10:15

namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.

Isaías 41:29

¡Namayepi 'enauac da qaica ca naigui! Qaica ca ishet da ỹo'ot namayepi, namayepi choche atamnaxala'pi qalaxaye qui'itchigui.

Salmos 130:5

Aỹem, ỹataqta imauec da ñachaalataxac da seuatta'aguet Ñim Nataxala', qataq ỹataqta sepi'iỹa'alo naua la'aqtaqa.

Salmos 25:21

Ñaq aỹem mpaxaalec qome da ño'oxonnataguec qataq da qaica ca sasouaxat, cha'aye ỹataqta 'am sacheto'ot da ñaquitaxac.

1 Reyes 17:14

Cha'aye Ñim Nataxala', maye Natamnaxala' na Israel le'ecpi, 'eeta': Añi laỹe' na 'ayiiña, qalaq saimeuo qome ca huetagui, qataq añi laỹe' na aceite, qalaq saqoue ca le'ec, choche ivitta'a ca na'a'q da Ñim Nataxala', anac naqa'en ca auot da talec ana 'alhua.

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

Deuteronómio 28:12

Qataq Ñim Nataxala' ỹauateua'a qome da lsallaxa maye hueto'ot na piguem, da yaqto' ipacchiguilo naqa'en naua laloqo'ote na auot da talec ca 'ana'alhua, nache ỹanem da no'on 'enauac ca 'aro'onatacpi. Huaña nache ishet qome da 'aua'aalaxanaxan ca ỹotta'a't shiỹaxauapi, qalaxaye 'am saishet qome da 'aua'aalaxatac.

Miqueas 7:7

Aỹem, qalaxaye seuata'aguet qome Ñim Nataxala', qataq sacheto'ot da ñaquitaxac Ñim Lo'onatac 'Enauacna maye ica'alaxaqui, cha'aye Ñimaye aỹem hua'axaỹa qome.

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.

Jeremías 10:13

Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Salmos 147:8

Ñimaye ỹapolec naqa'en na lo'oc na piguem, qataq talec naqa'en ana 'alhua na auot, qataq ana qasoxonaxapi ñaxaalec naqa'en na 'auaqpi.

Salmos 27:14

¡Qaq ỹoqo'oye ỹataqta 'aupi'iỹa'a qome Ñim Nataxala'! ¡Qataq ỹataqta 'ana'añaxat, saishet da 'auqalvi! ¡Aja', ỹataqta 'aupi'iỹa'a qome Ñim Nataxala'!

Salmos 25:3

Qataq saishet qome da 'auo'ot ca la'aloxo na ỹataqta 'am pe'etega, Nacherata da 'auo'ot da la'aloxo na choche chegoqchiiya' da 'am dataỹa'aguet.

Da na'aqtaguec so Job 5:10

Ñimaye namaxa ana 'alhua ca auot, qataq ca 'etaxat, icorelec 'enauac na no'onaxa,

1 Reyes 18:1

Qaq so mashe qaỹoqteguelo soua na'axa'te, co'ollaq mashe inoxoorec soua tres vi'iye, nache Ñim Nataxala' 'enapega so Elías, 'eeta': «'Aue qojec, nache 'anqo'oneua'a ca Ajab, cha'aye Aỹem, ñamaq qome ca auot da talec ñaqa'en ana 'alhua.»

1 Reyes 8:36

nache 'am, maye qoneto'ot na piguem, 'aua'axaỹa qome namayepi, qataq 'auapalaxat ca lasouaxashet na 'aramaxashecpi, qataq nam 'aralamaxat nhuo' Israel le'ecpi, nache 'auapaxaguenec qome da quegue da no'on ñecỹaxac. Qataq 'anamaq qome ca auot da yaqto' talec 'anqa'en na 'alhua, maye 'aỹa'anem co'ollaxa ne'ena 'aralamaxat nhuo' le'ecpi da yaqto' lalamaxat 'anqa'en.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Jeremías 5:12

Na Israel qataq na Judá, qaica naqa'en Ñim Nataxala'; namayepi 'enapec: «Qaica cam Lo'onatac 'Enauacna. Qaq saishet qome da qomi' taleguete ca qauem, qataq saishet qome da ñeque'etaxanaxagui ca alaataxac qataq ca nqouaxa.»

Jeremías 10:3

Da la'amqaanataxanaxac ne'ena shiỹaxauapi qalaq qaica ca naigui. Namayepi ichec naxa ana lamo ỹachegoxotaigui na aviaq, nache anac na ne'enaqtac lo'o da irolec na lo'ogoxonaxat da naloqchiiñi,

Oseas 2:7

Qataq icaateguiñi' qome nam nquisheshaxauapi, qalaxaye saishet da ivi', qataq nmittaique, qalaxaye saishet da ỹanata. Huaña, nache 'eeta': «Aỹem she'eguelaxa ca hua'auchiguiñi ihua, cha'aye co'ollaq sooto'ot, nache ỹataqta saỹamaqchiguiñi, qaq saq 'ena'am nagui.»

Da na'aqtaguec so Job 28:26

qataq co'ollaq lapaxañi da lataxac naua auo'oche qataq co'ollaq ỹo'ot so llec na la'at lta'araic,

Jeremías 10:12

Ñim Nataxala', irolec da la'añaxac co'ollaq ỹo'ot ana 'alhua, qataq irolec da laỹaanec co'ollaq ỹaỹamaxaañi ana 'alhua, qataq irolec da laỹaanec co'ollaq ilagaxaañi na piguem.

Miqueas 5:6

da yaqto' ỹauota'a ca lainecpi da ilaxachigui ye Asiria maye na'alhua so Nimrod, nache caamaye qomi' nca'alaxateeguesopa nam asiiriopi da ỹa'axasoxoolec nam loga'tpi nam qana'alhua, qataq inoxotaua'a nam qana'alhua.