Jeremías 14:21 - La'aqtaqa Ñim Lo'onatac 'Enauacna 2013

²¹ ¡Qaq souaxat da la'amaqchec da 'are'enaxat, nache saishet qome da qomi' sa 'auaconegueta, saishet qome da 'auo'otan nam huaqta'a't nỹecpi maye netaña añim huo'o da llo'oxoyec 'anso'onaxaqui! ¡Ñaq 'auennata'a qome so 'anaỹamaxataxac co'ollaq qomi' 'anaỹamaxateto, qaq no'on da 'aupaqueelec qome somaye!

Jeremías 14:21 Referans Kwoze

Jeremías 14:7

¡'Am Nataxala', na'aictaxa na qarasouaxashetpi da qomi' ỹa'aloqche't, qaq no'on da huo'o ca 'auo'ot souaxat da llo'oxoyec da 'are'enaxat! Qalota naxa da saishet da 'am salaxasoxoguet, qaq huo'o da qarasouaxashet 'am hueto'ot.

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Jeremías 3:17

Qaq qom ivita que'eca na'a'q, nache ye Jerusalén qaỹamata'ac qome nso'onaxaqui Ñim Nataxala', qaq 'enauac qome nam ỹotta'a't shiỹaxauapi da naỹa yemaye da yaqto' ỹo'oxoren da le'enaxat Ñim Nataxala', qaq huaña nache saishet da ỹe'eguelaxa da quetague' nam qauem maye huetaigui añi lquiyaqte.

Jeremías 17:12

Nache aỹem Jeremías sheeta': Añi qanatamnaxaqui añimaye ỹataqta huo'o da llo'oxoyec, añimaye nache 'eetai' co'ollaxa da qaỹoqotcheguemec.

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Lucas 1:72

Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»

Daniel 9:7

'Am Nataxala', ỹataqta no'on da 'arataxac, qalaxaye qomi' judiopi, nagui ỹataqta huo'o da qara'agaxa, nam hueta'a ye Jerusalén qataq na laỹepi Israel le'ecpi, nam saqaỹapeque, qataq na qaỹoqta maye hueta'a nam ỹotta'a't 'alhuapi maye 'auamaxa co'ollaxa, souaxat da 'am saỹalaxaguet.

Ezequiel 43:7

nache, 'eeta': «'Ena na lma' añi ñeso'onaxaqui, qataq nachena na ỹapiaqa', nachena na huaña da chochaq tatec da soota'aguet na Israel le'ecpi. Qaq namayepi qataq ca lta'alpi, qalaq saishet qome da ỹe'eguelaxalec da ishepaxanaqchet da ỹe'enaxat souaxat da saỹalaq: qataq saishet qome da ỹe'eguelaxalec da no'oxoosheguem ca le'enaqtac maye lqui'ipi so lta'alpi maye mashe ileu,

Ezequiel 39:25

Qaq ỹoqo'oye Aỹem Nataxala', shenapec: «Aỹem nagui sechoxoren 'enauac na nhuo' Israel le'ecpi, nam chegoxoguetpi so Jacob. Aỹem ñaralaxat qome da na'achecỹaxac, da yaqto' samaxalec da ỹo'oxoren da qui'itta ỹe'enaxat.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Lamentaciones 2:20

Ña 'aulogui 'am Nataxala', qataq 'auennataxaalec da saỹauano' da huo'o ca qonetec de'era. ¿Isheto' peta'a nam nate'elpi da chec nam llalaqpi maye ñaq lleptac? ¿Peta'a iuen da qaỹalauat nam ntaxaỹaxanaxanecpi, qataq nam na'aqtaxanaxanecpi da huagui ñim npe'l maye 'aralamaxat?

Lamentaciones 1:10

Nam depa'aguenataxaatacpi qalaq ỹauo'o lalamaxat da lsallaxa ye Jerusalén. Qaq yemaye ỹauaachigui co'ollaxa nam chegaqauec shiỹaxauapi da inoxonoigui aso atamnaxaqui, nam shiỹaxauapi maye saishet da 'auashenem co'ollaxa da inoxonoigui asom 'aralamaqte naponaxaqui.

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

Salmos 106:40

Nache Ñim Nataxala' 'eroigui da lalemataic da dalemataỹa so lalamaxat nhuo' le'ecpi, qataq deqaiga na lalamaxat logoxoshetpi somayepi.

Salmos 51:11

Saishet qome da aỹem 'auỹotec qataq saishet qome da aỹem 'anqateeguesop so ỹataqta Qui'itta Saqcha'a 'Ara'añaxac.

Deuteronómio 32:19

Qaq co'ollaq ila'a de'era Ñim Nataxala' nache dalemata, nache sa nasheneguet co'ollaxa na 'aỹa'alaqpi qataq na 'aỹa'alpi,

Levítico 26:11

Qaq Aỹem nache qami' sootanguilo qome, qataq saishet da qami' sa seuoonegueta.

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

1 Samuel 12:22

Qaq Ñim Nataxala' souaxat da llo'oxoyec da le'enaxat, nache saishet da qami' ca'aisalo, cha'aye Ñimaye ỹauotaique da qami' lalamaxatpi nhuo' le'ecpi.

Salmos 25:11

'Am Nataxala', souaxat da huo'o naq 'enec 'anqa'en da 'are'enaxat, nache 'auapalaxat qome da lta'araic ỹasouaxashet.

Salmos 145:11

Ñaq ỹa'axat qome da llo'oxoyec da 'aro'onataxanaxac, qataq ỹa'axat qome da 'ara'añaxac.

Isaías 62:6

'Am Jerusalén, na 'arpaqtaxanaxatpi sanalec na 'arauanaxanaxanecpi, maye ye na'a'q qataq ye pe saishet da vi'iiguet da 'eeta': «Qami' maye qauỹaxañiitacot Ñim Nataxala', saishet qome da qavi'imqaita,

Ezequiel 20:22

qalaxaye sha'axaneguet co'ollaxa damaye, souaxat dam la'amaqchec da ỹe'enaxat, yaqto' saishet da saiyacnapec da ỹe'enaxat nam ỹotta'a't shiỹaxauapi, maye ỹauaachigui co'ollaq ñeqateeguesop ye Egipto namayepi.