Jeremías 14:2 - La'aqtaqa Ñim Lo'onatac 'Enauacna 2013

² «Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.

Jeremías 14:2 Referans Kwoze

Isaías 3:26

Qaq na huaqta'a't nỹecpi nỹen qome da ỹo'ot ca lasouaxac, nache ỹataqta imauec qome da qaỹalata'a't.

Jeremías 8:21

Aỹem ñeque'etaxangui da nque'eenaxac na ihuo' le'ecpi, da naquicoxo qataq da ncolanaxa aỹem loxonec.

1 Samuel 5:12

Qaq da la'alaxac som netaigui se'eso huaqta'a't nỹecpi ỹataqta iviro'ot na piguem, cha'aye som saishet da ileu, qalaq nlaqchigui na lo'oc ana la'agotaqte.

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Joel 2:6

Qaq na ỹotta'a't shiỹaxauapi da ila'aguet nache iviloxol, qataq ỹataqta napagaqtec da lli'iỹaxa.

Joel 1:10

Qaq na no'onaxapi ỹataqta toolec qataq na 'alhuapi deqaqta, nache qaica na trigo qataq na lataxa qataq imeuo na aceite.

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Lamentaciones 5:10

Na qaro'oc qalaq 'eroigui 'eeta'am aca nqatelaxanaxaqui, qaq souaxat da ỹaguec na qarqouaxa nache ỹo'ot na qare'eraxa.

Lamentaciones 2:9

Som lasompi yemaye qalaq qaỹamaxauec, qataq qailaxachigui aso lvinaqtepi, nache 'enauac da huetaiya' somayepi. Som lta'a qataq som lataxala'pi somayepi qalaq ỹalectaigui nagui nam ỹaqa'a da la'amqaanataxanaxac, nache mashe qaica nam lqataxacpi Ñim Lo'onatac 'Enauacna. ¡Qaq ivira'a som la'aqtaxanaxanecpi da qaica cam lauanaqchec maye chegoqo'ot Ñim Nataxala'!

Jeremías 18:22

Qataq nque'elaxatta qome 'anqa'en da 'anamaxa namayepi ca cachaxaicpi, ¡Ñaq qaỹa'axaỹa qome ca la'alaxac souaxat da lcolanaxa! Cha'aye ỹo'ot co'ollaxa aso lshere da yaqto' aỹem loxonec qataq ỹanangui na ỹec aso lqoinapi.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Jeremías 4:28

Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.

Isaías 24:7

Na lataxa qalaq imeuo, nam nanaxanaqa'pi qalaq deqaqa, nam huetaigui co'ollaxa da lamaicỹaxac qalaq nlaxagui da laquicoxo.

Isaías 24:4

Ana 'alhua deqaqa qome qataq nquictañi da la'añaxac, qataq 'enauac na huetalec ana 'alhua deqaqta qataq nquiguiñi da la'añaxac, nache na piguem qataq ana 'alhua nlaqchigui qome da naquicoxo.

Isaías 15:5

Añi iquiyaqte qalaq huo'o da lyaxa da huo'o ca itauan ye Moab, cha'aye na hueta'a yemaye datauec nache ivitta'a ye Sóar, qataq ivitta'a ye Eglat Selisiyá. Qataq nỹeetague' quetasheguemgue na loigue ye Luhit, qataq quetague' so nqa'aic maye taỹa'a ye Joronayin na'alaqtapiguiñi da nqui'ic souaxat dam qauem maye huaigui yemaye.

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Da na'aqtaguec so Job 34:28

Nache ỹo'otec da iviro'ot Ñim Lo'onatac 'Enauacna da la'alaxac na choxoraqpi, qataq da huetaiya' qanqa'en, nache Ñimaye hua'axaỹa de'era la'alaxac namayepi.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Salmos 144:14

Ca qarauegaxanaxala'pi ñaq huo'o qome da la'añaxac da qaỹo'onataxaalec, saishet qome da huo'o ca ñegueuo qataq ca ñeguec, qataq qaica ca na'alaxac naua qanqa'aico souaxat da nachetataic.

Isaías 24:11

Na shiỹaxauapi qalaq netanguilo naua nqa'aico da nỹeetac, souaxat da qaica ca lataxa, qaq 'enauac da namaicỹaxac imeuo, qataq ca'ai ana 'alhua.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Jeremías 46:12

Nam ỹotta'a't shiỹaxauapi mashe ỹaỹaten da qaica ca qara'amaqchiqui qataq imauec ana 'alhua da qaỹa'aqtega da qara'alaxaqui, ñi 'oonolec nam alaataxaicpi qalaq ỹe'egueetega't ca maiche lỹa, nache 'enauac da huañi hueta'aguet na 'alhua.»

Lamentaciones 2:8

Ñim Nataxala', maiche lhuennataxa co'ollaxa da ilaxachigui so lpaqtaxat yem ỹataqta huo'o da lyac Sión, ỹo'ot da lataxac dam 'eetec da ilaxachigui. Ime, nache ỹacoolec da ỹo'ot saishet da nmateeguesop damaye. Qataq ỹo'otec da qanỹeeteguelec so ñiguisheguem qataq so mpaqtaxanaxat, cha'aye soomaye nmerañi da hua'axareñi.

Hageo 1:11

Aỹem maye nachaỹem so'otec da deqaqa na no'onaxapi, qataq ana qasoxonaxapi, qataq na trigo lma'pi, qataq na uva lma'pi, qataq na oliivo lma'pi, qataq 'enauac nam ñaxaalec na 'alhua, qataq na shiỹaxauapi, qataq na shiguiỹacpi, qataq 'enauac nam no'onatacpi.»

Joel 1:11

Qaq qami' maye qauo'ocheetac na nanaxanaqa'pi, ña qanỹeñi qome, qataq qami' maye qauo'ocheetac na uva lma'pi, qauaquicoita qome, souaxat da deqat na ala na nañiguishecpi, qataq deqat na trigo qataq na cebada.

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.