Jeremías 14:18 - La'aqtaqa Ñim Lo'onatac 'Enauacna 2013

¹⁸ Da sauga na no'onaxa, nache sela'a na leuaxaicpi, nam leuaxaicpi maye huaigui so alaataxac, qaq da saigui na huaqta'a't nỹecpi, nache sela'a na shiỹaxauapi maye huotaique da ilem na lqouaxa, qaq na na'aqtaxanaxanecpi qataq na ntaxaỹaxanaxanecpi qalaq taỹa ca ỹaqa'a 'alhua maye saishet da qaỹauana.›»

Jeremías 14:18 Referans Kwoze

Ezequiel 7:15

Na pa'auec qalaq huo'o da alaataxac, qaq na pa'auo qalaq huo'o na nalolaxapi qataq na nqouaxa. Qaq nam huetauga na no'onaxa qalaq ileuaigui qome ca alaataxac, qaq nam huetaigui na huaqta'a't nỹecpi qalaq ilem qome ca nqouaxa qataq ca nalolaxa.

Lamentaciones 1:20

¡'Am Nataxala', ña 'aumeten da ỹachetataic! ¡Ñanomteguet da ỹataqta lta'araic lqui'ic ana itogue! Da ñequi'ic qalaq ipataqta'a't añi iquiyaqte, naxa da tachigui iuel da aỹem sa salaq. De'era pa'auec, huaña da qaỹalauat so ỹalaqpi qairolec so ỹeelonec, qaq ne'ena npa'auo nataqa'en hueta'a da nleuaxa.

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

Jeremías 6:13

Qaq 'enauac na ỹepi qataq nam ñaqpiolec, nacherata da iuennatega da lcachaxac da chegaqaigui da lauegaxanaxac, na na'aqtaxanaxanecpi qataq na ntaxaỹaxanaxanecpi qalaq 'enauac da decachetac.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Deuteronómio 28:36

Qataq Ñim Nataxala' ỹo'ot qome 'am qataq ca nta'a maye 'arca'aguishec da qami' ỹauegalo ca 'alhua maye qami' qataq so hua'au qarta'ailpi sa qauauañiỹapega. Qaq huaña nache qanatamñiitacot qome ca ỹaqa'a atamnaxala'pi maye choche ne'enaqtac qo'oipaq qataq coma',

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Lamentaciones 4:9

Ỹactec da ỹaỹamaqchiguiñi som ileualec da alaataxac, qaq saq 'ena'am co'ollaxa som ilem na lqouaxa, cha'aye somayepi qaỹaloqoolec da l-leuaxa, souaxat da sa nauane' da alaỹaxac nam huetalec ana 'alhua.

Jeremías 23:21

«Aỹem, saishet co'ollaxa da samaq ne'ena na'aqtaxanaxanecpi, qataq saishet co'ollaxa da setaxaỹot namayepi, qalaxaye namayepi maiche nqalgoqtac da ỹa'axatec da ỹe'enaxat.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

Deuteronómio 28:64

Ñim Nataxala' 'am ilagaxatoigui qome ca ỹotta'a't shiỹaxauapi ana 'alhua, qaq huaña qome nache 'anatameetacot ca ỹaqa'a atamnaxala'pi maye 'epaq, qataq coma' maye 'am qataq so hua'au 'arta'alpi sa ỹauatton.

Isaías 22:2

Qami' huaqta'a't nỹecpi maye qami' nlaqchiguilo da cotaxac qataq da na'alaxac, qami' huaqta'a't nỹecpi maye qarqopitaxache da na'ashaxac. Qaq nagui nam qami' ileuaiguilo qalaq saishet da ilem ca ỹeelonec, qataq saishet da ileuaigui ca alaataxac.

Jeremías 6:25

¡Saishet da qanqo'oñiuga na no'onaxa, qataq saishet da qoquiiguelo naua nqa'aico! ¡Cha'aye na qampa'aguenaxauaipi mashe na'atchiguiñi na lo'ogoxonaxat, qaq huo'o da lchec 'enauac na pa'aiguelo!»

Amós 4:6

Aỹem, so'ot co'ollaxa da huo'o na nqouaxa 'enauac nam qaralamaxache huaqta'a't nỹecpi, qataq qaica ca aloq ñaqa'en nam qarhuo'oi le'ecpi, qalaxaye ñaqaiyeta qami' saishet da aỹem qañe'eguelaqỹa. Qaq 'era da la'aqtac Ñim Nataxala'.

Lamentaciones 2:19

Qoñesheguem, nache 'enauaque naua pe' da 'auỹaxaatac, saishet da 'avia'axaneguet da 'arỹaxanaxac. 'Anashetcheguem da nnoinaxac añi 'arquiyaqte da 'auatato'ot Ñim Nataxala', ña 'aua'aqta'a da huecorec 'eeta'am na 'etaxat. 'Auachaxaato'oto Ñimaye naua 'arhuaxaye nache 'anachoxoreelec da nachaalataxac nam 'aỹa'alaqpi, maye hueta'alo naua lamaqail naua nqa'aico, ileetapigui' souaxat na lqouaxa.