Jeremías 14:16 - La'aqtaqa Ñim Lo'onatac 'Enauacna 2013

¹⁶ Qaq na shiỹaxauapi maye ỹa'axattapeguem de'era, nataqa'en ileuaigui qome ca alaataxac qataq ca nqouaxa, l-llañe' ana lhuapi, qataq na llalaqpi ỹalleppi qataq ana llalepi. Nache da lo'ocỹaxac qaỹasaxauga qome na nqa'aicpi ye Jerusalén, nache qaica qome ca ilayiñi. Qaq 'era da 'eetec da isheeten ñaqa'en nam qauem maye ỹo'otpi.

Jeremías 14:16 Referans Kwoze

Jeremías 7:33

Qaq da lo'ocỹaxac ne'ena shiỹaxauapi, qalaq aloq qome na maỹopi maye chec na lapat, qataq na shiguiỹacpi maye no'onaxa le'ecpi, qaq nache qaica ca ishet da ỹo'orapegue' namayepi.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Apocalipsis 16:1

Nache sa'axaỹa so nvilỹaxac ỹataqta alam chegoqtoigui aso no'onaxanaxaqui, da 'eetegalo soua siete namaxa'she piguem lashe', 'eeta': «Qoqui, nache qaucoyeelec ana 'alhua nam huetagui naua ỹomaxaqui' maye naigui dam qaica ca 'ena'am lalemataic Ñim Lo'onatac 'Enauacna.»

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Jeremías 9:22

Qataq huetaiya' naqa'en da lo'ocỹaxac na shiỹaxauapi, 'eeta'am na la'atec na shiguiỹac da huetalec na no'onaxa, qataq 'eeta'am na nañiguishec ala da naañi naqa'en cam deqataxaatac, nache qaica ca ishet da laỹona't.» Qaq 'era da la'aqtac Ñim Nataxala'.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Jeremías 4:18

Dam 'arataxac qataq nam 'auo'otpi, nachena na ỹo'ot da 'am talec de'era, nam qauem maye 'auo'otpi nachena na 'am ỹaneguet de'era ỹataqta chem alaỹaxac qataq nachena na ique'emaqchet añi 'arquiyaqte.»

Isaías 9:16

Cha'aye nam lataxala'pi ne'ena nhuo' le'ecpi nachena na isomaxanaqchet, qaq nam ca'attague' namayepi nache deqat.

Isaías 51:20

Na 'aỹa'alaqpi qalaq decopche co'ollaxa huetaña ana lamaqaipi na nqa'aicpi, qataq 'eeta'am aca chegaxango da noxona da huetaigui ca naleguec. Qaq 'enauac da que'emaq souaxat da layeloxo Ñim Nataxala' qataq da lhuogoqtaxanaxac Ñim 'Anatamnaxala'.

Jeremías 8:1

Ñim Nataxala', 'enapec: Que'eca na'a'q, nache qaỹachegoxotangui qome ana huachiquipi da qanqatsheguem na lpi'inecpi na nta'alpi qataq nataxala'pi ye Judá, qataq na ntaxaỹaxanaxanecpi qataq na na'aqtaxanaxanecpi, qataq nam hueta'a co'ollaxa ye Jerusalén,

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Jeremías 27:15

Ñim Nataxala', ỹa'axat da saishet da lamaxashecpi namayepi. Namayepi naxa da da'aqtaxan nache choche datenataxaatapigui da le'enaxat Ñim Nataxala'. Qaq da 'eetec de'era nache Ñim Nataxala' qami' ilagaxata'ape qome, nache qami', qataq na na'aqtaxanaxanecpi maye qami' ỹa'axatema de'era qaullivi qome.»

Ezequiel 39:14

Qaq qom inoxoore'c que'ecaua siete ca'agoxoiqa, nache qaỹauo'oi caua qalca'aua'alo shiỹaxau' da yaqto' coleerelec yi'iye 'alhua da yaqto' ilayiñi cam ñaq mpa'atasheguem na leuaxaicpi, qaq 'era da 'eetec da yaqto' iqui'itaxat yi'iye 'alhua.

Amós 7:17

Qalaxaye da la'aqtac Ñim Nataxala', 'eeta': ‹Aso 'arhua taỹa qome da nquisheguetaxac da huaña ne'ena huaqta'a't nỹecpi, qaq na 'aỹa'alaqpi qataq ana 'aỹa'alepi qalaq qairolec qome ca ỹeelonec da qaỹalauat, qaq na 'ana'alhua qalaq qanallichigui qom qoỹanec, 'am qalaq 'aleuaña qome ca ỹaqa'a 'alhua, qaq na Israel le'ecpi qalaq noxonecpi qome nache qaỹauega ca qaỹoqta 'alhua.›»

Jeremías 9:20

Qami' 'alpi, ñaq qana'axaỹaxañiỹa da la'aqtac Ñim Nataxala', ñaq qana'axaỹaxañiichigui da la'aqtaxanaxac Ñimaye. Ñaq qauapaxaguiñic da nnoinaxac ana qaỹa'alepi qataq ana nauochaxauapi ỹapaxaguenec da laquicoxo, 'eeta':

Jeremías 20:6

Qaq 'am Pasjur, 'am qaỹaueegue qome da Babilonia, 'arỹatec qome 'enauac nam 'aỹa'alaqpi. Qaq huaña qome yemaye da 'auleu, qataq nache 'am qailareña yemaye, nataqa'en nam 'anauochaxauapi maye 'aua'aqtaxaata'am naxa nam saq 'en.›»