Jeremías 14:13 - La'aqtaqa Ñim Lo'onatac 'Enauacna 2013

¹³ Qaq aỹem sasateguet, sheeta': «'Am Nataxala', nam na'aqtaxanaxanecpi da'aqtaxaateguem na nhuo' le'ecpi da qaica qome ca alaataxac qataq ca nqouaxa, qataq da 'am 'aỹa'anem qome namayepi ca chochaq tatec nlagaxayec da hueta'a ne'ena 'alhua.»

Jeremías 14:13 Referans Kwoze

Jeremías 6:14

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': ‹Huo'o da qal-lagaxayequi, huo'o da qal-lagaxayequi› Qalaxaye qaica ca l-lagaxayec namayepi.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Jeremías 23:17

Qataq da'aqtaxanem nam sa ỹaconegueta naua ỹa'aqtaqa, 'eeta': ‹'Onaxaic da qa'aita'ague› Qataq nam quetegueto naua qauema lhuennataxaco da lquiyaqteỹaxac qalaq da'aqtaxanem, 'eeta': ‹Saishet qome da qami' taleguete ca qauem.›»

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Jeremías 8:11

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': «Huo'o da qal-lagaxayequi, huo'o da qal-lagaxayequi» Qalaxaye qaica ca l-lagaxayec namayepi.

Ezequiel 13:22

Qami' qauroilec da qaratenataxanaxaqui, da qaucolanaqchichi na no'on da lataxac, dam saishet da sauotaique da so'ot co'ollaxa, qataq qaua'añaqchichi nam qauemaicpi da queto'ot dam qauem lataxac da yaqto' saishet da sanem da lca'alaxa.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Jeremías 5:12

Na Israel qataq na Judá, qaica naqa'en Ñim Nataxala'; namayepi 'enapec: «Qaica cam Lo'onatac 'Enauacna. Qaq saishet qome da qomi' taleguete ca qauem, qataq saishet qome da ñeque'etaxanaxagui ca alaataxac qataq ca nqouaxa.»

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Isaías 56:10

cha'aye nam lauanaxanaxanecpi nam ỹalamaxat nhuo' le'ecpi, 'eco' qanamaicpi nache qaica ca nanomaxa. Qataq 'enauac namayepi 'eeta'am ca pioq maye saishet da detoxon, nda'a't da nnanaxac qataq da lchoxonaxac, namayepi ỹataqta nqopita da do'ocheta.

Jeremías 5:13

Na na'aqtaxanaxanecpi qalaq 'eeta'am ca la'at, cha'aye naua la'aqtaqa Ñim Nataxala' saishet da hueto'ot namayepi, qaq namayepi maiche talec qome nam ỹa'axattacpi.

Ezequiel 12:24

Qataq saishet qome da ỹe'eguelaxalec da huetaigui na Israel le'ecpi ca nloxocpi maye saq'en qataq ca na'aqtaxanaxac maye choche natenataxanaxac,

Jeremías 20:6

Qaq 'am Pasjur, 'am qaỹaueegue qome da Babilonia, 'arỹatec qome 'enauac nam 'aỹa'alaqpi. Qaq huaña qome yemaye da 'auleu, qataq nache 'am qailareña yemaye, nataqa'en nam 'anauochaxauapi maye 'aua'aqtaxaata'am naxa nam saq 'en.›»

Jeremías 37:19

¿Cam hueta'ague que'eca na'aqtaxanaxanecpi, maye 'eetega saishet da anac ñi nta'a ye Babilonia, da iloquiaxan 'am qataq na hueta'a ne'ena 'alhua?