Jeremías 14:12 - La'aqtaqa Ñim Lo'onatac 'Enauacna 2013

¹² Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Jeremías 14:12 Referans Kwoze

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Jeremías 6:20

¿Ta'ainco' da aỹem qandoiua'a nam nchenaxanaxat maye qauachegoxochiỹa'a ye Sabá, qataq ana nañiguishe maye ama na laita maye qauachegoxochiỹa'a cam qaỹoqta 'alhua? Aỹem saishet sa saỹamaxarem nam qarachetaqtaxanaxache maye qauavigaxacheeta qataq na laỹepi.»

Proverbios 1:28

Qaq que'eca na'a'q aỹem qauỹaxañeetega qome, qalaxaye saishet da qami' sasategueta, qataq aỹem qanmicheetaique qalaxaye saishet da aỹem qauanachiỹa,

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

Miqueas 3:4

Qaq huo'o qome ca na'a'q da qauỹaxañiitega Ñim Nataxala', qalaxaye ñimaye saishet qome da qami' ỹasategueta, nacherata da que'eca na'a'q ñimaye qami' nqañoxotaisopa, souaxat nam qauemsat maye qauo'oche.

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Jeremías 24:10

Qataq ñamaxa qome namayepi ca alaataxac, qataq ca nqouaxa, qataq ca napiina, nache choche ivitta'a qome da qaica da 'oonolec ca no'onalec ne'ena 'alhua, maye sanem co'ollaxa namayepi, qataq som hua'au lta'alpi.»

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»

Isaías 58:3

qalaxaye namayepi, 'eeta': ¿Ta'ainco' da ñeqouaqchetaq, ye Ñim Lo'onatac 'Enauacna, qomi' sa ỹauanguilo? ¿Ta'ainco' da sauoqo'o da qanque'eenaxac ye Ñimaye sa qomi' nomalo? Qaq ye na'a'q maye huaigui naxa da qanqouaqchichi, qalaq nache huaigui qanqa'eñi da qanmiñeetac, qataq da qauchoxoyiñi nam qami' do'onataxaatacoto,

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Proverbios 21:27

Ñim Nataxala' ỹaỹemec aca lachetaqtaxanaqte na qauemaicpi, lamaaxa da qauem da qoỹaataigui da qoỹaneuo.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Apocalipsis 6:8

Ime, nache sela'a so lỹa caaỹo qovialec da lo'oxoỹaxac qataq ỹataqta qauem. Qaq som netalec somaye le'enaxat Nleuaxa. Qaq so ilotague' da lo'onataxanaxac da nleuaxa ca'attaueegue somaye. Qaq 'enauaque soomaye ỹaconegueta da la'añaxa'c da yaqto' ỹalauat na shiỹaxauapi so 'oonolec naua cuatro lpa'axaco namayepi ana 'alhua, irolec ca alaataxac, qataq na nqouaxa, qataq na nalolaxa qataq nam shiguiỹacpi dequi'iỹapec maye huetalec ana 'alhua.

Da na'aqtaguec so Job 27:9

Cha'aye qom ivita da huaigui ca lqalaic, nache Ñim Lo'onatac 'Enauacna, ¿peta'a hua'axaỹa ca nachoxonnaxac namayepi?

Jeremías 8:13

Ñim Nataxala' 'enapec: «Aỹem sechec qome nam ỹalamaxat nhuo' le'ecpi 'eeta'am ñaqa'en ca trigo. Qataq qaca qome aca no'onañi ala ana uva, qataq aca 'oonole ala ana hiigo. Nachaqanata ana lauepi lqaxaỹaxai da no'onañi.»

Jeremías 21:6

Nache salauat qome 'enauac na shiỹaxauapi maye hueta'a ne'ena huaqta'a't nỹecpi, na ỹalleppi qataq na shiguiỹacpi ilem qome ca lta'araic napiina.

Jeremías 32:24

Qaq nagui na caldeopi nauaxaỹaxaasheguem na lliguisheguempi da yaqto' iloquiaxan na huaqta'a't nỹecpi, qaq dam alaataxac, qataq na nqouaxa qataq na napiina, nachena qome na ỹo'ot da noxonec na huaqta'a't nỹecpi. 'Am Nataxala' 'aumeteetac da mashe ipacchigui 'enauac nam 'aua'axattac co'ollaxa.

Ezequiel 14:19

Qaq da ñamaxa taxa que'eca 'alhua ca napiina, qataq da ỹayeloxo da ỹo'ot da nleuaxa, qataq da ileu ñaqa'en na shiỹaxauapi qataq na shiguiỹacpi,

Oseas 5:6

Qaq namayepi lỹatac qome ana lalo qaguetapi, qataq ana huacapi da nmittaique Ñim Nataxala', qalaxaye saishet qome da ỹanata, cha'aye Ñimaye ca'ai namayepi.

Amós 5:21

Aỹem, ỹataqta saỹemec nam qauo'ocheetac nquia'axacpi, qataq seqaiga nam ño'oxonnataxanaxacpi maye qauo'ocheetac.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.

Malaquías 2:13

Qalaxaye qami', qaltaq qanquigaxacheetec dam qauo'ocheetac: qanlaxacheetelec añi nca'atoxonaxalate maye lalamaqte Ñim Nataxala' naua qarache'lli', qataq qana'alaqaitapiguiñi da qanỹeñiitac, cha'aye Ñim Nataxala' mashe saỹaconeguet ana qarachetaqtaxanaqche.

Jeremías 11:14

Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.