Biblia Todo Logo
Bib sou entènèt

- Piblisite -




Jeremías 14:11 - La'aqtaqa Ñim Lo'onatac 'Enauacna 2013

11 Qaq huaña nache Ñim Nataxala' aỹem 'enapega, 'eeta': «Saishet qome da Aỹem 'auỹaxanot da 'auỹaxanaique ca laỹamaxa ne'ena nhuo' le'ecpi.

Gade chapit la Kopi




Jeremías 14:11
6 Referans Kwoze  

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.


Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.


Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.


¡Qaq nagui, nache Aỹem 'aua'aqta'a, ten mashe 'eroigui da ỹalemataic, nache ñematchiguiñi qome yemayepi! Qaq 'am, qalaxaye 'am sachegoxotchigui qome ca qalota shiỹaxauapi.»


Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.


Swiv nou:

Piblisite


Piblisite