Jeremías 13:6 - La'aqtaqa Ñim Lo'onatac 'Enauacna 2013

⁶ Qaq co'ollaq mashe qaỹoqteguelo soua na'axa'te, nache Ñim Nataxala' aỹem 'enapega 'eeta': «'Anqo'onaxaama so tala Éufrates, nache 'ando'ota ca saataxaqui maye 'am samaxalec co'ollaxa da 'araxaama yemaye da 'ooxooñi.»

Jeremías 13:6 Referans Kwoze

Jeremías 13:5

Qaq huaña nache aỹem ashec ñeqo'onaxaama so tala Éufrates, nache soxooñi som saataxaqui, sepacchigui da aỹem ỹamaxalec Ñim Nataxala'.

Jeremías 13:7

Nache aỹem ashec ñeqo'onaxaama aso tala Éufrates, nache ñeqatsheguem so saataxaqui, sachegoxotchiguiña yem sachaña co'ollaq soxooñi, qalaxaye somaye mashe lto, nache saishet da ỹe'eguelaxa da qaiuen.

Ezequiel 10:1

Qaq ime nache sela'a na pa'asheguem som 'eco' 'eeta'am na lapoxot maye nalotcheguema naua lqaigo soua huo'oi naua laua't, da huo'o so netalec 'eeta'am aca so'onaxaqui maye chegaqaigui na coma' zafiro.

Joel 2:2

nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.