Jeremías 13:27 - La'aqtaqa Ñim Lo'onatac 'Enauacna 2013

²⁷ Aỹem sauaachigui da 'arapaxaỹaxa qataq da 'ancachaxac qataq da 'arquisheguetaxac maye ỹo'ot da na'agaxa, qataq naua qauema maye 'auo'o't da huaña ana lcomaraxalatepi qataq na no'onaxapi. ¡Qaq choxoraxaso' 'am Jerusalén! ¿Chaq laguio' qaq 'anqui'itaxat?»

Jeremías 13:27 Referans Kwoze

Oseas 8:5

Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Ezequiel 6:13

Qaq qom qauloỹa'a da lo'ocỹaxac ne'ena shiỹaxauapi da hueto'ot na lqolacpi, qataq naua loiguiye ana nca'atoxonaxalatepi, maye netalec 'enauac ana qaỹoqotcheguemecpi lcomaraxalatepi, qataq na pa'asheguem ana qasoxonaxapi, qataq na la'a' ana qo'oipaqpi maye qalochiguiñi ana lcouepi, qataq na huaña naxa da ỹanot na lchenaxanaxat maye ama na laita na lqolacpi, qaq huaña qome nache qauaỹachiñi da nachaỹem maye Aỹem Nataxala'.

Isaías 65:7

dam lalaataxanaxac namayepi qataq nam lalaataxanaxacpi som lta'alpi. Somayepi ỹavigaxat naxa na lchenaxanaxat da huaña ana qasoxonaxapi qataq aỹem inogoqchettac da huaña ana lcomaraxalatepi. Qaq ỹoqo'oye Aỹem Nataxala' shenapec da seque'emaqchet qome namayepi da lasheue ñaqa'en nam ỹo'otpi co'ollaxa.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Ezequiel 36:37

Qaq Aỹem Nataxala', shenapec: Nataqa'en huo'o da lỹa so'ot qome. Sanem qome na nhuo' Israel le'ecpi cam iỹaxanaique da so'otec namayepi, qataq ñequigaxatec qome ye lcata na lauo' le'ecpi, 'eeta'am ñaqa'en ana qaguetapi.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Apocalipsis 8:13

Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

2 Corintios 12:21

Qataq da seuennataxaatac, nache ỹataqta huo'o da icolanaxa da qom ivita da qami' ñamaqtegalo, nache Ñim Lo'onatac 'Enauacna ishet da ỹo'ot ca ỹa'aloxo cam ishet da aỹem nnoinaqchet, cha'aye qalota da qoñiita na saishet da ỹaxanec da lle'etaxaloxo qataq da ỹo'ottac da qauem, nachaqrata da ỹo'ottac dam sa qaishetapec, cha'aye huo'o na ñaq quetalec da ỹo'ottac da sa qaỹashen lataxac da qanayeetapeeguet aca sa nhua.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Sofonías 3:1

¡Choxoraxaso' 'am Jerusalén, huaqta'a't nỹecpi maye saỹalaq, ỹataqta 'am nshepaxan qataq huetaiya' 'anqa'en na 'araỹepi!

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Ezequiel 24:6

Cha'aye Ñim Nataxala', 'enapec: ¡Aicoue 'am huaqta'a't nỹecpi maye 'am laataxanaxai! Qoneta'am aca taxaqui mashe decochigui, maye mashe saishet da qanqat na lcochaxa. Qataq 'anqonaxattasheguem na laỹepiolec ca lapat da 'anqatsheguem, nache ivitta'a da qui'itchigui 'anqa'en aca taxaqui.

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Ezequiel 2:10

Qaq sauaachigui se'eso nhuaq da nchennaxanec asa'aso nere, qaq asomaye qoỹettaleguete 'enauaque naua laỹel, qaq da huetalec asomaye nachera da noinaxac qataq da na'alaxac souaxat da qui'ic, qataq na nasauaqtaxanaxacpi.

Isaías 57:7

Qaq añi qasoxonaxa maye qaỹoqotcheguemec, qataq nashecañi nache 'anaña so 'armala', qataq nacheye nataqa'en ye 'asheguema naxa da yaqto' 'aỹa'anema ana 'arachetaqtaxanaqtepi.

Salmos 94:4

'Enauac ne'ena qauemaicpi ỹataqta na'amqaanaxaicpi, qataq taxaỹaxaicpi souaxat da na'amqaanaxac.

Jeremías 3:6

Qaq huetoiguilo soua na'axa'te co'ollaq nta'a so Josías, da Ñim Nataxala' aỹem 'enapega, 'eeta': «¿'Auauaachigui peta'a dam ỹo'ot yem Israel maye saỹalaq? Jec, da tasheguema ayem qaỹoqotcheguemec lcomaraxalatepi, nache huaña da ỹo'ot da lquisheguetaxac hueto'ot ana qo'oipaqpi maye qalochiguiñi ana lcouepi.

Salmos 94:8

Qaq ỹoqo'oye, qami' maye qaica ca qauaỹaañiỹapec, ña qauaỹaañiteguet qome de'era cha'aye qami' 'enaqaiqa ¿che laguio' da huo'o ca qauaỹachiñi?

Jeremías 11:15

¿Che negue't, ca 'anmittaique 'am ỹauotaqte Israel, da qoueta'a ana ỹalamaqte atamnaxaqui, ye mashe ime da qalota na 'auo'ot qauem? ¿'Aupettega peta'a da na lcheta qataq na lapat maye 'auavigaxattac da ishet da qaỹoqta naqa'en dam qauem, qataq da ishet da 'am 'ananeltaxan?»

Ezequiel 16:23

Qaq 'era da ỹa'aqtac Aỹem Nataxala': ¡Choxoraale 'am! Cha'aye souaxat nam qauem maye 'auo'ot co'ollaxa,

Ezequiel 24:12

Qalaxaye acamaye ye ỹataqta decochigui, nache cam norec saishet da qui'itta naqa'en.