Jeremías 13:26 - La'aqtaqa Ñim Lo'onatac 'Enauacna 2013

²⁶ Qaq Aỹem nataqa'en ỹataqta 'am ñesochiguiñi qome yaqto' 'am talec da lta'araic 'ara'agaxa.

Jeremías 13:26 Referans Kwoze

Oseas 2:10

Qataq na nquisheshaxauapi ỹauaachigui qome ñaqa'en da aloic asomaye. ¡Nache qaica ca nca'alaxateeguesop da ihuaqỹaxac!

Lamentaciones 1:8

Ye Jerusalén ỹataqta qalota na lasouaxashetpi, qaq nachera da huo'omshe ivira'a da qane'eetapigui. Nam ỹo'oxoreetac co'ollaxa yemaye qaq nagui qalaq ne'eetapigui, souaxat da ỹauaachigui yemaye da qailaxachigui. Qaq ỹoqo'oye nagui nỹeetac, qataq souaxat da la'agaxa nache saỹachaxan na lashec.

Ezequiel 23:29

Qaq yemayepi 'am nquiỹa qome, nache ỹauo'o lalamaxat nam chegaqaigui co'ollaxa da 'aro'onataxanaxac, qataq ivitta'a da ỹataqta qouetauec naqa'en, nache imauec da yo'oqta da 'aro'ocỹaxac maye 'aỹa'aneguet co'ollaxa da quisheguetaxac. Dam 'arataxac maye maiche 'ananoiqueetac naxa da huo'o ye 'auo'ot, qataq da 'arquisheguetaxac,

Ezequiel 16:37

Qaq ỹoqo'oye Aỹem, llaỹona't qome 'enauac nam 'ancachaxauapi, nam ỹo'ot co'ollaxa da 'aramaicỹaxac, qataq 'enauac nam 'arauotaxatpi co'ollaxa, qataq nam 'arquiỹaxatpi, llaỹona't qome namayepi da 'am laponeua'a, yaqto' ỹauaachigui 'enauac da 'aro'ocỹaxac da huetauec.

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Jeremías 49:10

Qalaxaye na nhuo' le'ecpi maye chegoxoguet so Esaú ỹataqta ñeuotta qome, cha'aye mashe sanata na nqañoxotaqa'pi, qaq saishet qome da nqañoxottapiguiñi. Na llalaqpi, na lauo' le'ecpi qataq na lauoreuapi 'enauac da dolachigui qome, nache qaica ca no'onañi da, 'eeta':

Nahúm 3:5

Qaq Ñim Nataxala' maye Qaica ca Ỹaqalanapec, 'eeta': Aỹem soota'a ne'ena da 'am sataỹa'aguet, nache aỹem ñauatsheguem qome ana 'arpoto, nache seviraxatasheguema na 'arashec, yaqto' na ỹotta'a't shiỹaxauapi ỹauaachigui qom qouetauec, qataq nam nta'alpi ỹauaachigui qome da 'ara'agaxa.

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

Oseas 2:12

Qataq qaiquesoq ñaqa'en ana lañiguishe uva qataq ana higo, maye da detaxaỹa naxa, nache 'enapec: «Ne'enapi maiche ñesheetenaxatpi, maye aỹem ỹanem nam ñequishishaxauapi.» Nache so'otec da ñaxaalec ñaqa'en ana huoue, yaqto' chec na shiguiỹacpi maye huauec.