Jeremías 13:18 - La'aqtaqa Ñim Lo'onatac 'Enauacna 2013

¹⁸ «Qonapega qome ñi nta'a qataq añi nate'e, qoneta': ‹Qaunocheeguesop añi so'onaxaqui, nache qanso'oñiỹa'aguet na 'alhua, cha'aye ana aro'o maye ỹo'oxoreetac na 'arqaic mashe naañi.›

Jeremías 13:18 Referans Kwoze

Jeremías 22:26

Nache 'am, qataq añi 'arate'e qami' so'ora'alo qome cam 'alhua maye saishet da qarañoqo'oi, qaq nache huaña camaye da qaullivi qome.»

2 Reyes 24:12

Nache so Joaquín, maye nta'a ye Judá, nataqa'en aso late'e, qataq so ltauapi, lamaxashecpi, qataq so lpe'etpi, nañan co'ollaxa, cha'aye ila'a da mashe loxonecpi so nta'a ye Babilonia. Qaq de'era huetoigui co'ollaq mashe ivi' soua ocho vi'iye da nta'a so Nabucodonosor.

2 Reyes 24:15

Nache so Nabucodonosor, ỹachegoxotchiguiña ye Jerusalén da ỹauega ye Babilonia so nta'a Joaquín, qataq aso late'e, qataq aso lhuapi, qataq so ltauapi, qataq som 'amaqtaqaicpi yi'iye 'alhua.

2 Crónicas 33:19

Da natamnaxac qataq co'ollaq qaỹasateguet, qataq 'enauac nam lasouaxashetpi, qataq da sa ỹalaq qataq nam huañapi da no'oxoosheguem so atamnaqa'pi maye naña so qaỹoqotcheguemapi, qataq som ỹanaña co'ollaxa so lqui'ipi aso Asera, qataq som nqolacpi co'ollaq saxanaxa da nmanot Ñim Lo'onatac 'Enauacna, nache nanettalec aso nere maye huetalec da na'aqtaguec som na'aqtaxanaxanecpi.

Isaías 47:1

Ña 'aunotec 'am qa'añole Babilonia, maye saxanaqca ca 'arhua, nache 'anso'ongui na namoxoỹaxa, ña 'aunoteeguesop añi 'anso'onaxaqui 'am qa'añole Caldea, nache 'anso'onangui na 'alhua, cha'aye saishet qome da qaltaq qaỹe'eguelaxa da 'am qaỹamata'ac da 'am nogotole qataq da 'am 'onaxaale.

2 Crónicas 33:12

Qalaxaye somaye co'ollaq huo'o da lhuogoxo, nache iỹaxanot Ñim Nataxala' maye Natamnaxala', nache ỹataqta nmanot Ñim Natamnaxala' som hua'au lta'alpi.

1 Pedro 5:6

Qaq ỹoqo'oye saishet qome da qana'amaqchiñi, qataq qauacoñiiguet da lamaxasoxonaxac Ñim Lo'onatac 'Enauacna, cha'aye Ñimaye ỹataqta 'añaxaic. Qaq qom ivita ca laloqo', nache Ñimaye qami' ỹo'oteque da qoñiỹa'am na laỹepi shiỹaxauapi maye 'amaqtaqaicpi.

Santiago 4:10

Saishet da qana'amaqchiñi da qauataito'ot Ñim Nataxala', qaq Ñimaye ỹauo'o ca qansheetenaguiiqui.

Mateo 18:4

Cha'aye da qanayeetaigui da lo'onataxanaxac Ñim Lo'onatac 'Enauacna, nache ca shiỹaxaua maye 'amaqtaqaic nacheca cam 'eeta'am ne'ena nogotolec.

Jonás 3:6

Qaq so nta'a ye Nínive, co'ollaq la'axaỹaxac de'era, nache nataqa'en ñesheguem ca'ai aso nso'onaxaqui da nta'a. Ime, nache nqa't soua ỹaatrañi alogo, nache ỹaayiñi soua sansatte' alogo qataq nso'onangui so alo.

Isaías 3:26

Qaq na huaqta'a't nỹecpi nỹen qome da ỹo'ot ca lasouaxac, nache ỹataqta imauec qome da qaỹalata'a't.

2 Crónicas 33:23

Qalaxaye saishet co'ollaxa da nmanot Ñim Nataxala' da 'eeta'am da ỹo'ot co'ollaxa so lta'a Manasés, nacherata da nquigaxattasheguem na lasouaxashetpi.

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Lamentaciones 2:10

Som ỹa'axaiquipi maye nataxala'pi yem huo'o da lyac Sión, qalaq choche ñe'emaxat, nso'ona'aguet na 'alhua qataq imettalec na lqaic na namoxoỹaxa, qataq ỹaatarañi naua sansattegueta alogo. Qaq nam qa'ampiolec ye Jerusalén qalaq naqtañi saishet da nlosheguem souaxat da la'aloxo.

Éxodo 39:28

nache 'ena'ama soua lqaic alaxa, qataq na lo'oxoraxa't soomaye qataq naua lpa'axanaqtel soomaye, nache chegaqaigui na no'on lino,

Proverbios 27:24

Cha'aye de'era nsallaxa saishet da tatec, qataq da lataxac ca nta'a saishet da nache queta.

Isaías 3:20

qopaxa qataq na npaqtacpiolec lcat maye llo'oxoraxat naua napia'ate, qataq na saataxaquipi, qataq ana laỹe'piole na coraxat, qataq na nqolacpi atamnaxala'pi,

Jeremías 29:2

Qaq de'era huetoigui co'ollaq ime da so nta'a Jeconías ca'ai ye Jerusalén lỹatec aso nate'e, qataq so ilotague' so nma' lta'araic, qataq so nataxala'pi ye Judá qataq ye Jerusalén, nataqa'en so ne'enaqtac lo'opi, qataq so lcat lo'opi.

Jeremías 36:16

qaq co'ollaq choche hua'aqchigui somayepi, nache ỹataqta nlaxagui da lcolanaxa, nache namatapega't, ime, nache 'eeta': iuen da sa'aqtaxanaxam 'enauac de'era ñi nta'a.

Lamentaciones 1:6

Qaq ỹataqta deqat 'enauac so lyacỹaxac ye Sión, som lataxala'pi qalaq 'eeta'am aca chegaxango da saỹanata ca 'auaqpi, qataq ỹauogoleete' naua lapia'ate da dataueeguesop nam icaatacpi.

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.

Lamentaciones 5:16

Aso qanaro'o da qomi' nta'al qalaq naañi, ¡choxoraiqolqa qomi' cha'aye huo'o da qarasouaxashet!

Ezequiel 16:12

qataq sauo'o aso chiguishaqte sanagui na 'armic, qataq sauo'oi soua 'arshetel, qataq sanagui na 'arqaic aso ỹataqta no'on aro'o.

Ezequiel 21:26

Qaq Aỹem Nataxala', shenapec: Qanqat qome na 'arqaic laxataxat, qataq qaiuotaxanec ana 'anaro'o, qaq 'enauac qome da dalaxaic da lataxac. Nam qaica ca la'amaqchec qalaq huo'o qome da la'amaqchec, qaq nam huo'o da la'amaqchec qalaq qaica qome ca la'amaqchec.

Ezequiel 24:17

Choche 'añe'emaxatte' qome da 'anqui'ic, qataq saishet da 'auachaxan da 'arasouaxac souaxat asomaye. Qataq saishet qome da 'auauattalec na 'arqaic, qataq da qaicaua caua 'arapela'ate, qataq saishet da 'auapotagui na 'arashec da la'anaxat 'anqa'en da 'anqui'ic, qataq saishet da qollec aca nauole maye qanallec naxa da huo'o da nasouaxac.»

Ezequiel 24:23

Saishet qome da qauauacheetalec na qarqaiqui, qataq saishet da qaicaua caua qarapela'achilli'. Qataq saishet qome da qauaquicoi qataq da qanỹiñiitac. Qami' qaica qome ca qara'añaxaqui souaxat na qauem maye qauo'oche, qataq ñi 'oonolec da qoñiita qauaquicoita qome.

Ezequiel 44:18

Qataq ỹaatañi qome ca laxataxat na lqaic, hualoq laỹe maye chegaqaigui na lino, qataq aca lamaxaso maye nataqa'en chegaqaigui na lino, qataq saishet da ỹaxattagui na lasot cam ishet da nchelchaxañi naqa'en.

Daniel 5:20

Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a.

Jeremías 22:24

Ñim Nataxala' 'enapega so Jeconías, som llalec so Joaquim, maye nta'a ye Judá 'eeta': «Aỹem san da ỹa'aqtac, da na'aictaxa da 'am qoneta'am aca chiguishaqte na'anaxanaqte, da netagui na aỹoic ihuaq, qalaxaye nache 'ena'am 'am ñeqat,