Jeremías 13:17 - La'aqtaqa Ñim Lo'onatac 'Enauacna 2013

¹⁷ Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

Jeremías 13:17 Referans Kwoze

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Ezequiel 34:31

Qami' qaguetapi nache qami' ỹalamaqtepi, qataq qoñeetaigui na iquia'axanataxanaqa'. Aỹem nachaỹem Qanatamnaxala'ai. Qaq 'era da ỹa'aqtac Aỹem Nataxala'.»

Lamentaciones 2:18

¡'Am Sión, maye ỹataqta huo'o da 'aryac, 'auỹaxanot qome Ñim Nataxala' da 'am itauan! ¡Ña 'aua'aqta'a ye pe qataq ye na'a'q da huecoldec naua 'arache' da 'eeta'am ca la'auaxac! ¡Saishet qome da 'avia'axaneguet da 'annoinaxac, qataq saishet da nmatrec 'anqa'e'n naua 'ara'ai'te!

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Salmos 119:136

Cha'aye naua lache' naua ỹa'ai'te qalaq 'eeta'am ca tala da ipaxaalec, souaxat da sa qaỹalaxagueta naua 'arqataxaco.

1 Samuel 15:35

Qaq huaña, nache so Samuel sa lỹa da nauane' so Saúl, na'aictaxa da ỹataqta lta'araic da laquicoxo somaye, souaxat da Ñim Nataxala' ỹataqta huo'o da ntogotaxac da so Saúl ỹanagui da nta'a ye Israel.

Ezequiel 36:38

Qataq yem huaqta'a't nỹecpi maye ỹotta'a't naua nañalo maye dolachigui co'ollaxa, nlaxagui qome na qalota shiỹaxauapi, qaq 'eeta'am ana qaguetapi naxa da qaỹauega ye Jerusalén da ivita da huo'o ye naponaxac, da yaqto' qoỹaneuo da nachetaqtaxanaqte qaỹavigaxatta. Qaq huaña nache namayepi ỹaỹaten da Aỹem nachaỹem Nataxala'.»

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Jeremías 23:1

Ñim Nataxala', da la'aqtac, 'eeta': «¡Aicoue na qagueta lo'opi maye hua'aqta'a ana ilopi qaguetapi da deqat qataq nlagaxattac!»

Jeremías 22:5

Qalaxaye da saishet da qaualaqaigueta naua ỹa'aqtaqa, nache ne'ena nma' lta'araic, namaye nlachiguiñi qome. Qaq 'era da ỹa'aqtac, Aỹem Nataxala'.›»

Jeremías 17:16

Qalaxaye aỹem saishet da 'am sequicto'ot da 'anamaxa namayepi ca qauem, qataq saishet da sayeetaique da 'anamaxa namayepi ca qauem, qaq 'am 'auaỹateeta dam ỹa'aqtac co'ollaxa, cha'aye damaye ñasaxauec co'ollaq 'am satato'ot.

Isaías 63:11

Qaq huaña nache namayepi tachigui lauel soua qaỹoqteguelo vi'iye, qataq so Moisés maye nca'alaxatec co'ollaxa so lauo' le'ecpi, nache ñi 'oonolec inattac ñi lỹa, 'eeta': «¿Ca hueta'ague cam Lo'onatac 'Enauacna maye nca'alaxateeguesop co'ollaxa aso tala Nilo so Moisés som ilotague' co'ollaxa ana lalopi qagueta? ¿Ca hueta'ague cam ỹanaigui co'ollaxa so Moisés som saq cha'a La'añaxac maye qui'itta,

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

Jeremías 15:17

Aỹem sevitta'aguet co'ollaxa da salecta'aguet nam nda'a't da iuennatega da la'ashaxac, nache chegoqchiguiña co'ollaq aỹem 'auacona da aỹem 'aralamaxat, nache aỹem 'oonolec da huo'o ye soota'a, cha'aye aỹem 'anlaxatchigui da 'arayeloxo.

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Ezequiel 24:16

«'Am Ezequiel, Aỹem sacona qome asom 'arhua maye ỹataqta 'arauotaqte. Qalaxaye saishet qome da 'auaquico, qataq saishet da 'anỹen, saishet qome da 'aucolde'c naua 'arache'.

Lamentaciones 3:48

Naua ỹache' qalaq huecolde'c, naguinguilo naua ỹamelque, co'ollaq semeteetac da nlaguiñi som ỹauotaxat nỹecpi.