Jeremías 13:14 - La'aqtaqa Ñim Lo'onatac 'Enauacna 2013

¹⁴ Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Jeremías 13:14 Referans Kwoze

Deuteronómio 29:20

Qaq Ñim Nataxala' saishet qome da ỹapalaxat cam lasouaxashet que'eca shiỹaxaua, cha'aye Ñim Nataxala' ca'alaxanaxaic, nache 'eroigui qome da layeloxo nache talec naqa'en que'eca shiỹaxaua 'enauac ne'ena nhuaxanaguecpi cam shiỹaxaua maye nanettalec ana'ana nere, nache Ñim Nataxala' pal naqa'en ca le'enaxat camaye da huetalec ana 'alhua.

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 6:21

Qaq ỹoqo'oye Ñim Nataxala' 'enapec: «Aỹem so'otec qome ne'ena nhuo' le'ecpi da depoxolaxaañi qataq huañi. Na nta'alpi, na ñalaqpi, na nhuoreuapi qataq nam auochaxauapi 'enauac qome da ileu.»

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Marcos 13:12

Ca nqaỹa maiche ỹaneguet da nalaataguec ca maiche lqaỹa, qataq ca nta'a ỹaneguet da nalaataguec ca maiche llalaqpi, qaq ca ñalaqpi maiche dataỹa'agueta caua lta'al, nache ỹalaua't.

Mateo 10:21

Ñi 'oonolec cam nqaỹañecpi maiche ỹaneuo ca lqaỹa da qaỹalauat, qataq caua nta'al maiche ỹaneuo caua llalqa, qataq caua ñalqa iloquiaxaata'ape caua lta'al iviraxattra'a da ỹalaua't.

Ezequiel 24:14

Qaq Aỹem Nataxala', ñasaxauec de'era qaq damaye ipacchigui qome. Maiche Aỹem da so'ot qome damaye, nache saishet da saipaigui ñaqa'en, saishet qome da 'am sechoxoreetac, qataq saishet qome da ñetogottac. Sauo'o qome ca 'anhuaxanaguec souaxat da qauem 'arataxac, qataq nam 'auo'otpi. Qaq 'era da ỹa'aqtac Aỹem Nataxala'.»

Ezequiel 9:10

Qaq ỹoqo'oye Aỹem saishet da sechoxoreetac qome namayepi, nacherata da talec ñaqa'en ca naigui dam qauem lataxac.»

Ezequiel 9:5

Ime qataq sa'axaỹa da 'enapegalo soua lỹa't ỹale't, 'eeta': «Qauca'acheetaueegue qome somaye da qaucoñeelec na huaqta'a't nỹecpi, nache saishet qome da huo'o ca qauchoxoyeñiitac.

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Ezequiel 7:9

Qaq saishet qome da 'am sechoxoreetac, sauo'o qome ca 'anhuaxanaguec souaxat dam qauem 'arataxac, qataq so'ot da 'ausheeten nam naigui nam 'auo'otpi maye qaiqaiga. Qaq huaña nache 'auaỹaten da Aỹem Nataxala' maye so'ot da 'anhuaxanaguec.

Ezequiel 7:4

Qaq saishet qome da 'am sechoxoreetac, Aỹem sauo'o qome ca 'anhuaxanaguec souaxat da qauem 'arataxac, qataq so'ot da 'ausheeten nam qauem 'auo'ottacpi maye qaiqaiga. Qaq huaña qome nache 'auaỹaten da nachaỹem maye Aỹem Nataxala'.

Jeremías 48:12

Qalaxaye Ñim Nataxala' da la'aqtac, 'eeta': «Anacta ca na'a'q, da Aỹem ñamaq qome ca shiỹaxauapi da yaqto' icoyingui aca lỹa laỹe' ne'ena lataxa, qaq acam qui'itchigui laỹe'pi qalaq ilaxachigui qome.

Jeremías 47:3

Qaq qom hua'axaỹa da nỹaanaxac na caipi, qataq da l-llimiaxa ana naigonapi, qataq da l-lamaxa ana lasaxannapi, nache na nta'alpi qaica qome ca la'añaxac, nache ỹalat na llalaqpi.

Jeremías 16:5

Ñim Nataxala', nataqa'en aỹem 'enapega, 'eeta': «Saishet qome da 'aupa'aigui ca nỹec maye hueta'a da naquicoxo souaxat da huo'o ca ileu, qataq saishet da 'anỹen qome qataq saishet da 'auachaxan da huo'o da 'anqui'ic souaxat camaye, cha'aye ne'ena nhuo' le'ecpi ñeqateeguesop da nlagaxayec maye sanem co'ollaxa, qataq da ỹauotaxanaqtaic qataq da ichoxonnataxanaxa. Qaq 'era da ỹa'aqtac Aỹem Nataxala'.

2 Crónicas 20:23

Qaq cha'aye so amoniitapi qataq so moabiitapi, iloquiaxan so lma' añi qasoxonaxa Seír, nache nmatchiguiñi da ỹalauat, qaq co'ollaq mashe nmichiguiñi naqa'en somayepi, nache somayepi qaltaq maiche taỹa't da nalaara't.

1 Samuel 14:16

Qaq som lauanaxanaxanecpi so Saúl, maye hueta'a ye Guibea maye lma' so Benjamín, ila'a co'ollaxa so filisteopi da ỹataqta tateugalo da datauec.

Da na'aqtaguec so Job 27:22

Ñimaye ỹataqta sa ichoxonnai' camaye da ỹasheerelec, na'aictaxa da huotaique da naneltaxan.

Jeremías 15:5

¿Negue't cam 'am ichoxoren qome 'am Jerusalén? ¿Negue't ca daquico qome souaxat da qoneta? ¿Negue't qome ca 'am huapegue' da 'am nataren?

Lamentaciones 2:21

Nam nsoxoppi qataq na ỹa'axaiquipi qalaq huetaiya' huetanguilo naua nqa'aico, som ỹalamaxat nsoxoppi qataq so qa'ampiolec qalaq qaỹalauat qairolec so ỹeelonec, som na'a'q co'ollaq 'aualemata nache 'aualauat. ¡Ỹataqta sa'auchoxonnai' co'ollaxa da 'aualauat!

Oseas 2:4

Nache saishet da sechoxonnai' qome ca llalaqpi, cha'aye chegaqaigui da lquisheguetaxac.

Zacarías 11:6

Qaq nache sheetec qome nataqa'en da saishet da she'eguelaxalec, da sechoxoren na shiỹaxauapi maye hueta'a ne'ena 'alhua, nachaqrata da saneguet da maiche taỹa't qome namayepi, qataq saneguet da lhuaqỹaxac ca nta'a. Nache camayepi ilaxachigui qome ne'ena 'alhua, qaq saishet da ñeca'alaxateeguesop da lhuaqỹaxac camayepi. Qaq 'era da ỹa'aqtac Aỹem Nataxala'.»

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Jeremías 25:16

Qaq qom mashe nỹomgui namayepi ana'ana ỹomaxaqui, nache anol qataq 'eeta'am qome ca huo'o da aloic, souaxat ca alaataxac maye ñamaxa qome namayepi.»

Ezequiel 7:3

Mashe ivita ye 'oga't, 'am Israel. Aỹem ñashetcheguem qome da ỹayeloxo da 'am sataỹa'aguet, Aỹem ñimit qome da 'arataxac nache sauo'o ca 'anhuaxanaguec souaxat 'enauac nam 'auo'otpi maye ỹataqta qaiqaiga.