Jeremías 13:12 - La'aqtaqa Ñim Lo'onatac 'Enauacna 2013

¹² Qaq nataqa'en qonapega, qoneta': ‹Ñim Nataxala' maye Natamnaxala' na Israel le'ecpi, 'enapec: Camachaqaca naco'oña ishet da qanlaxatchigui na lataxa.› Qaq na Israel le'ecpi, 'am ỹasateguet qome, 'eeta': ‹Peta'a saisheto' da saỹatenaq da 'enauac ana naco'oñapi ishet da qanlaxatchigui na lataxa?›

Jeremías 13:12 Referans Kwoze

Ezequiel 24:19

Qaq huaña nache so nhuo' le'ecpi aỹem inattac, 'eeta': «Ñaq qomi' 'aua'aqtaxanema cam naigui, qataq cam ỹa'axattac de'era maye 'auo'ottac.»

Jeremías 13:11

Qaq cha'aye dam 'eetec ca saataxaqui da ipataqta't na lasot ca shiỹaxaua, qaq nachera da sheetec co'ollaxa nam nhuo' Israel le'ecpi, qataq 'enauac na nhuo' le'ecpi ye Judá, da ỹataqta na'attaua'a Aỹem da yaqto' ỹalamaxatpi, qataq da ỹachaxan da ỹe'enaxat, qataq da chegoqchigui namayepi da huo'o naq 'enec qanqa'en Aỹem qataq da ỹo'oxoyec. Qalaxaye namayepi saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Jeremías 13:13

Qaq 'am 'auasateguet qome namayepi, qoneta': ‹Ñim Nataxala', 'enapec: Aỹem so'otec qome da taxaicpi 'enauac nam hueta'a ne'ena 'alhua, nam nta'alpi maye nso'ootangui añi nso'onaxaqui so David, qataq na ntaxaỹaxanaxanecpi, na na'aqtaxanaxanecpi qataq 'enauac nam hueta'a ye Jerusalén.

Jeremías 25:16

Qaq qom mashe nỹomgui namayepi ana'ana ỹomaxaqui, nache anol qataq 'eeta'am qome ca huo'o da aloic, souaxat ca alaataxac maye ñamaxa qome namayepi.»