Jeremías 13:1 - La'aqtaqa Ñim Lo'onatac 'Enauacna 2013

¹ Ñim Nataxala' aỹem 'enapega 'eeta': «Qojec qome nache 'ausheenaxana ca saataxaqui maye chegaqaigui na lino, ime nache 'ansaachigui, qalaxaye saishet da 'auỹo da 'auauota'a na 'etaxat.»

Jeremías 13:1 Referans Kwoze

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Jeremías 13:11

Qaq cha'aye dam 'eetec ca saataxaqui da ipataqta't na lasot ca shiỹaxaua, qaq nachera da sheetec co'ollaxa nam nhuo' Israel le'ecpi, qataq 'enauac na nhuo' le'ecpi ye Judá, da ỹataqta na'attaua'a Aỹem da yaqto' ỹalamaxatpi, qataq da ỹachaxan da ỹe'enaxat, qataq da chegoqchigui namayepi da huo'o naq 'enec qanqa'en Aỹem qataq da ỹo'oxoyec. Qalaxaye namayepi saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Jeremías 27:2

nache 'eeta': 'Auo'ot ca 'arañec qataq ca nauegaxanaxaqui 'epaq, nache 'aỹa'ano'ot na 'arana'q.

Jeremías 19:1

Ñim Nataxala' aỹem 'enapega, 'eeta': «Qojec qome nache 'ausheenaxana aca naco'oña 'alhua, nache 'auauo'oi caua 'auỹaxanalo nam nqueroxonecpi maye lataxala' ne'ena nhuo' le'ecpi qataq caua ntaxaỹaxanaxanaqa maye mashe ỹe'.

Hechos 21:11

Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Isaías 20:3

Qaq huaña, nache Ñim Nataxala', 'eeta': «Ñi ỹamaxashec Isaías huac da huetauec qataq qaicaua caua lapela'ate soua tres vi'iye, qaq damaye nache la'anaxat qataq ỹa'axata'a da 'eetec qome ye Egipto qataq ye Etiopía.

Jeremías 18:2

«'Anqo'ooña qome ye lma' ñi nshaxa lo'o, qaq huaña qome nache 'am sa'axatem ca ỹa'aqtac.»

Jeremías 43:9

«'Auaconalo qome caua coma' lta'al, nache ỹauaachigui 'anqa'en na lma' ye Judá, da 'aularoigui yem napiaqa' 'alhua nam l-laq ñi nỹec maye datateuga ñi ñegueuo ñim lma' lta'araic ñi nta'a maye naigui nam huaqta'a't nỹecpi.