Jeremías 12:6 - La'aqtaqa Ñim Lo'onatac 'Enauacna 2013

⁶ Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Jeremías 12:6 Referans Kwoze

Proverbios 26:25

Ỹoqo'oye saishet da 'aua'amaqten da huesotte' naqa'en naua la'aqtaqa da 'am detaxaỹot, cha'aye naua lhuennataxaco da'aichiguilo na qauem,

Jeremías 9:4

Mashe qaica ca naquitto'ot ca nauochaxaua qataq ca lqaỹa, cha'aye 'enauac nam nqaỹañecpi natenachetta'a't, qataq nam auochaxauapi qalaq ỹasaqteguelec na qauem na laỹepi.

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Mateo 10:21

Ñi 'oonolec cam nqaỹañecpi maiche ỹaneuo ca lqaỹa da qaỹalauat, qataq caua nta'al maiche ỹaneuo caua llalqa, qataq caua ñalqa iloquiaxaata'ape caua lta'al iviraxattra'a da ỹalaua't.

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Hechos 18:12

Qalaxaye so na'a'q co'ollaq lta'a nam netaña ye 'alhua Acaya so le'enaxat Galión, nache na judiopi maye lma' ye Corinto, huaxaỹa't da qanpa'aguena so Pablo. Nache qaỹaconeua'a somaye da qaỹauegueua'a aca lo'onataxanaxaqui so nta'a da yaqto' qanmit.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Salmos 69:8

sheeta'am ca chegaqauec da salectaigui na ỹaqaỹañicpi, sheeta'am ca ỹaqa'a ca chegaqa'ague, da salectaigui na llalaqpi aso ỹate'e.

Da na'aqtaguec so Job 6:15

Qalaxaye na ỹaqaỹañicpi aỹem ỹatenachet, 'eeta'am da la'añaxac ca la'auaxac, qataq 'eeta'am aca lacheugue da ipaxaalec qataq 'em,

Juan 7:5

Qaq la'aqta'c de'era soomaye, cha'aye nataqa'en saishet da huotaique da ỹa'amaqte'n So Jesús.

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Isaías 31:4

Ñim Nataxala' aỹem 'enapega, 'eeta': «Qaq 'eeta'am ca llon da desoqtalec aca lalaata qagueta, nache saishet da iquichoqchet camaye cam qalota qagueta lo'opi, na'aictaxa da 'enauac camayepi da laỹona't nache ỹa'alaqtalec da huotaique da iquichoqchet, qalaxaye saishet da ñi'i, qaq nache 'eetec qom anac Ñim Nataxala' maye Qaica ca Ỹaqalanapec da iueelec nam lalamaxat nhuo' le'ecpi qom huaña añi qasoxonaxa Sión.

Hechos 16:22

Nache na shiỹaxauapi ỹataqta npa'aguenalo soomaye, nache soua nmi't na nasouaxashet, damaxasoxooleguete da qanqa't naua alogo soomaye, nache qaiuaxa'n, qairota'alo na nhuaxanaxanaxat qo'oipaq.

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 9:5

Ñi 'oonolec qalaq ỹe'enai' ñi maiche lỹa, nache qaica ca ỹa'axattac ca 'eesa. Mashe nlaqchigui da latenataxanaxac cha'aye qauemaicpi qataq saishet da

Salmos 12:3

'Am Nataxala' ỹataqta 'anlaxaañi qome na shepecaiqa naua la'aqtaqa, qataq na na'amqaanaxaiqa naua la'aqtaqa,

Proverbios 23:8

cha'aye da ime, nache ishet da 'auanolec cam qollec, nache deqat na no'on 'ara'aqtacpi nache qaica ca naigui.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»