Jeremías 12:5 - La'aqtaqa Ñim Lo'onatac 'Enauacna 2013

⁵ «Da ỹaguec da 'anasamñi da 'anqomittague' nam petañepi, ¿qaq cam 'eeteco' da 'aushet da 'anqomite' na ỹalleppi maye netalec na caipi? qataq da qonetalec ca 'alhua nalochiguiñi nache 'avi'imaqtac, ¿qaq cam qoneteco' da qoquetangui na nloche ye Jordán?

Jeremías 12:5 Referans Kwoze

1 Pedro 4:12

Qami' ñauochaxau' ỹaqaỹarolqa maye qoquiitague' So Cristo, saishet da qami' ỹe'elaqche't qom qaviyeeguet na lqalaiguesat maye ỹe'eguen da qarpi'iỹaxaqui Ñim Lo'onatac 'Enauacna. Cha'aye damaye saishet da sa qaỹauanapega.

Proverbios 24:10

Da 'auqalvi qom huo'o ca qouaigui, qache saq 'amaqtaq da 'ara'añaxac.

Jeremías 50:44

Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na lma' ye Babilonia, nache so'otec qome da ilo'ogue ca shiỹaxaua maye maiche lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?

Jeremías 49:19

Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na Edóm le'ecpi, qataq so'ot qome da ilo'ogue ñaqa'en cam shiỹaxaua maye lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?

Salmos 42:7

Nam qaỹoqchiguingui tocotpi maye huaña da qaỹa'axaỹa, da l-lamaxa na la'auaxac na 'etaxat maye 'anamaq, nache namaye aỹem quelec.

Proverbios 3:11

'Am ỹalcolec, saishet qome da qaica ca naigui 'anqa'en cam lapaxaguenataxanaxac Ñim Nataxala', qataq saishet da 'aunoỹa'aguet Ñimaye da 'am ntenaxaalec,

Josué 3:15

Qaq cha'aye naxa da huetoigui ye laloqo' da mashe qanqat ana ala na nañiguishec cebada, nache se'eso tala ipaxaalec, qaq se'esoua ntaxaỹaxanaxanaqa co'ollaq inoxooyingui so tala Jordán, nache naua lapia'ate co'ollaq choche piguinguilo so 'etaxat so loigue so tala,

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

Jeremías 26:8

Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!

1 Crónicas 12:15

Qaq somayepi, nacheso som ỹa'axasoxoolec co'ollaxa so tala Jordán som la'auaxanec ca'agoxoic co'ollaq ipaxaalec se'eso tala, nache datauec naqa'en 'enauac som netaña so ca'ameguepi, som pa'aỹa'ague da yo'oxoñi qataq da avit.

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,