Jeremías 12:4 - La'aqtaqa Ñim Lo'onatac 'Enauacna 2013

⁴ ¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Jeremías 12:4 Referans Kwoze

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 4:25

Semeenaxanapiguiñi, nache qaica da huo'otaq 'oonolec ca sela'a ỹale, qataq 'enauac na maỹopi mashe datauec.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Romanos 8:22

Qomi' saỹaanaq da 'enauac na lo'onatacpi Ñimaye huo'o da lachetataic qataq dachotta'am da nqui'ic, 'eeta'am aca 'alo maye mashe huotaique da deco'o.

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Habacuc 3:17

Qaq na'aictaxa qome da saishet da dasovi ana higos, qataq da qaca aca ala ana uva, qataq da qaca aca ala ana olivo, qataq da saq ñaxat nam qoỹaalec na nanaxanaqa'pi, qataq da qui'itchigui ana laỹe' ana qaguetapi, qataq da qui'itchigui ana laỹe' anam huacapi,

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Jeremías 14:2

«Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.

Jeremías 5:13

Na na'aqtaxanaxanecpi qalaq 'eeta'am ca la'at, cha'aye naua la'aqtaqa Ñim Nataxala' saishet da hueto'ot namayepi, qaq namayepi maiche talec qome nam ỹa'axattacpi.

Jeremías 4:28

Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.

Salmos 50:21

Qaq 'ena 'enauac na 'auo'otpi, qalaxaye aỹem she'emaqtom, qaq peta'a 'aupi'itaxaatega da 'am sheeta'am. Qalaxaye nagui ỹataqta 'am seviraxato'ot, nagui saỹamaxaayiñi naua 'arasouaxashe'ete.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Joel 1:18

¡Qaq na qana'atetpi qalaq ỹa'alaqtagui! Qataq choche tata'acra' da nmittaique ca 'auaqpi, qaq ana qaguetapi qalaq mashe ileetac.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Zacarías 1:12

Nache som lamaxashec Ñim Nataxala', 'enapec: «'Am Nataxala' maye Qaica ca 'Auqalanapec, mashe ivi' naua setenta vi'iye da 'aunotega na Jerusalén, qataq ye huaqta'a't nỹecpi maye ỹotta'a't naua nañalo ye Judá. Qaq ¿chaq lcate' vi'iye qome caua inoxoorec, nache 'avi'eguelaxa da 'auchoxoren namayepi?»

Isaías 24:4

Ana 'alhua deqaqa qome qataq nquictañi da la'añaxac, qataq 'enauac na huetalec ana 'alhua deqaqta qataq nquiguiñi da la'añaxac, nache na piguem qataq ana 'alhua nlaqchigui qome da naquicoxo.

Isaías 24:6

Qaq ỹoqo'oye de'era qauem nlaxaañi ana 'alhua, nache nam netalec anamaye nque'etaxangui da nhuaxanaguec. Qaq ỹoqo'oye namayepi, nquiga't ye lcata, nache saq 'amaqtaq na no'onañi shiỹaxauapi.

Jeremías 9:9

¿Qaq peta'a saishet da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.