Jeremías 12:3 - La'aqtaqa Ñim Lo'onatac 'Enauacna 2013

³ ¿Qalaxaye 'am Nataxala', aỹem 'auauatton, qataq aỹem 'aulotagui qataq 'auaỹaten dam iuennataxac da qoneta. ¡Ñaq 'auauec yi'iye shiỹaxauapi, 'eeta'am 'anqa'en aca qaguetapi da qaỹauega ca nalaataqa', 'aua'an qome yaqto' taỹa'a cam na'a'q maye huaigui da qaỹalauat!

Jeremías 12:3 Referans Kwoze

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

Santiago 5:5

Qami' sallaxanecpi maye qoviitaigui da lta'araic lyac, qataq qoviitaigui da lta'araic ño'oxoyec da qoñiitalec ana 'alhua. Qataq qaviyiỹa'a da ỹataqta qami' chaxaraiqa qoñiita'am ca huaca lhuaraic huo'otaq aca huaca, maye mashe lhuotta da qaỹauegueua'a ca nalaataqa'.

Salmos 17:3

Cha'aye 'am 'auaỹateete' naua iuennataxaco, qataq ye pe qalaq aỹem 'auchemaxattac qataq aỹem 'avi'egueetac, qalaxaye saishet da 'auanata ca saỹaỹamaxañi de'era ñachaalataxac. Qataq na aỹap saishet da chegaqaigui ca saỹaỹamaxañi,

Jeremías 50:27

¡Qaualauache 'enauac na nalleppi, nache qauaviqueuga ca nalaataxanqa'! ¡Choxoraxaso' namayepi! ¡Mashe nvita nam na'a'q qataq ye laloqo' da nhuaxanaguec!

Salmos 139:23

'Am Nataxala', aỹem 'auchemaxata qome yaqto' 'auaỹaten da iquiyaqteỹaxac, aỹem 'avi'iguen qome yaqto' 'auaỹaten na iuennataxacpi,

Salmos 26:1

'Am Nataxala', ñaq aỹem 'auo'otec ca ỹaỹamaqchiguiñi lataxac, cha'aye da ñachaalataxac ỹataqta qui'itta. Qataq ỹataqta 'am sepe'etega 'Am Nataxala'.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Jeremías 51:4

Qaq 'enauac qome ye na'alhua na caldeopi, na shiỹaxauapi qalaq huetaiya' qome huetangui na nqa'aicpi,

Jeremías 48:15

Cha'aye mashe nayeetai' nam ilaxachigui qome ye Moab, qataq nam huaqta'a't nỹecpi maye ỹotta'a't na nañalo, qataq na no'on nsoxoppiolec qalaq ileu qome. Qaq 'era da la'aqtac Ñim Nta'a, maye le'enaxat Nataxala' maye Qaica ca Ỹaqalanapec.

Jeremías 20:12

'Am Nataxala' maye Qaica ca 'Auqalanapec, 'Am maye 'auo'onataxana da nalochiguiñi lataxac da huo'o 'anmit, qataq 'am maye 'auaỹaten ye ỹataqta pa'auo lhuennataxac ca shiỹaxaua, ñaq sauaachigui qome 'anqa'en da 'auauo'o ca nhuaxanaguec ne'ena shiỹaxauapi, cha'aye nache 'Am da 'Am sepe'etega.

Salmos 11:5

Ñim Nataxala' nache nauaatac na no'on da lataxac qataq na qauemaicpi, qataq ỹataqta ỹaỹemec na lqopitaxat da nloquiaxac.

Salmos 7:9

'Am maye 'Aro'onatac 'Enauacna maye nalochiguiñi da 'arataxac, maye 'aumeteeta'ape naua nhuennataxaco qataq añi nquiyaqte, ñaq imeuo 'anqa'en da lle'etaxaloxo na qauemaicpi, qalaxaye saishet qome da 'auraxanai' ca no'on da lataxac.

Da na'aqtaguec so Job 23:10

Qalaxaye Ñimaye ỹauattoota 'enauac da iqauaxac, qaq da aỹem ỹe'eguen, nache sheeta'am ca ndotec oro.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

2 Pedro 2:12

Ne'ena ỹalleppi ỹataqta qaica ca ỹaỹaanapec, qataq 'enauac nam ỹo'otpi saishet da ỹoqta ỹaỹateeta, ncotateguelec ca sa ỹaỹaten, qataq 'eeta'am na shiguiỹacpi da ñiguiñi da yaqto' taỹa'a da qaỹaconeua'a da qaỹalauat.

Jeremías 15:15

'Am Nataxala', 'Am maye 'auaỹaten 'enauac de'era, ¡ñaq aỹem 'auennata'a qome nache 'auanac da aỹem 'autauan! ¡Ñaq 'auauo'o qome ca nhuaxanaguec nam aỹem icaatacpi! saishet qome da 'auchoxoreetac namayepi, yaqto' saishet da seleu, ña 'aulogui da souaxat 'am, nache ña'añaxatta'aguet na ñesheunaguecpi.

Jeremías 17:16

Qalaxaye aỹem saishet da 'am sequicto'ot da 'anamaxa namayepi ca qauem, qataq saishet da sayeetaique da 'anamaxa namayepi ca qauem, qaq 'am 'auaỹateeta dam ỹa'aqtac co'ollaxa, cha'aye damaye ñasaxauec co'ollaq 'am satato'ot.