Jeremías 12:16 - La'aqtaqa Ñim Lo'onatac 'Enauacna 2013

¹⁶ Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Jeremías 12:16 Referans Kwoze

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Josué 23:7

Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Jeremías 3:17

Qaq qom ivita que'eca na'a'q, nache ye Jerusalén qaỹamata'ac qome nso'onaxaqui Ñim Nataxala', qaq 'enauac qome nam ỹotta'a't shiỹaxauapi da naỹa yemaye da yaqto' ỹo'oxoren da le'enaxat Ñim Nataxala', qaq huaña nache saishet da ỹe'eguelaxa da quetague' nam qauem maye huetaigui añi lquiyaqte.

Isaías 65:16

Qaq camachaqca ca netalec ne'ena 'alhua, da iỹaxanaique ca nchoxonnataguec, qalaq iỹaxanot Ñim Lo'onatac 'Enauacna maye hueto'ot da 'eesa; qataq camachaqca ca netalec ne'ena 'alhua da ỹan ca la'aqtac qaq ỹanot Ñim Lo'onatac 'Enauacna maye ipacchigui ca la'aqtac. Qaq nam hua'au que'eenaxacpi qalaq qaicoua'ai qome nache saishet qome da qaltaq sela'a.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Isaías 45:23

Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

Romanos 14:11

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ỹataqta 'eesa de'era san ỹa'aqtac, da 'enauac qome na shiỹaxauapi Aỹem ỹa'aroto naua l-llectel, qataq 'enauac qome namayepi Aỹem ỹo'oxoren.»

Cantares 1:8

Da huo'otaq sa 'auaỹaten de'era, 'am, maye ỹataqta 'anapacalec da lyacỹaxac na laỹepi 'alpi, qaq 'am qome, no'on da qoquetegue na lapia' lliguiñi ana nlopi, nache 'aulotague' ana 'arelo quetaqpiole huaña ca naloteuga na lma'pi na laỹe qagueta lo'opi.

Romanos 11:17

Qaq co'ollaq Ñim Lo'onatac 'Enauacna huo'o na imaqa'aguet nam judiopi, nache ỹaconegueta qami' da qanmiñiiguet namayepi, huaña nache qauallicỹoigui na lalamaxatpi Ñimaye qataq qauacoñiiguet da nca'alaxa maye chochaq tatec.

Rut 3:13

Qalaxaye nache 'ena'am ñaq qoua'a ne'ena na pe, nato' qonte' da huo'otaq somaye ipactelec da ỹo'ot de'era, qaq no'on da ỹo'ot, qaq da huo'otaq saishet da ỹo'ot, nache nagui 'am sanem da ỹa'aqtac da 'am selo'ogue qome, hua'aqchigui ñaqa'en Ñim Nataxala'. Qaq nagui, no'on da 'auo'oche, nato' qonte'.

Isaías 42:6

«Aỹem Nataxala', 'am seỹaxana, nache sacoota'a na 'arhuaq, yaqto' 'am so'onataxana da 'am chegoqchigui da nca'alaxa, 'am saỹamaxaañi cha'aye sauotaique da 'am la'anaxat da ñaỹamaxataxac, da ñaỹamaxate' na nhuo' le'ecpi qataq 'am lcoỹaraqte na ỹotta'a't shiỹaxauapi.

Jeremías 5:7

Qaq Ñim Nataxala', 'enapec: «¿Cam 'eeteco' da ishet da 'am sechoxoren souaxat de'era? Ye nam 'aỹa'alaqpi aỹem ca'ai, nache ỹaatacot da la'aqtac nam saishet da atamnaxala'pi. Aỹem sanem co'ollaxa da saqoue da lquia'axac, qalaxaye namayepi Aỹem saỹalaxaguet, nache imauec da nañaneguet da natameetacot na ỹaqa'a atamnaxala'pi.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Jeremías 18:8

Qalaxaye que'eca ỹotta'a't shiỹaxauapi da ca'ai na qauem, nache saishet da ñamaxa ca nhuaxanaguec maye mashe seqataxaatai'.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.