Jeremías 12:15 - La'aqtaqa Ñim Lo'onatac 'Enauacna 2013

¹⁵ Qalaxaye qom mashe ime da ñeqateua'a namayepi, nache qaltaq she'eguelaxa da sechoxoren, nache she'eguelaxata qome nam lalamaxatpi lma'pi qataq na na'alhua.

Jeremías 12:15 Referans Kwoze

Jeremías 49:6

Qalaxaye qom ime de'era, nache ñaralaxat da na'achecỹaxac na amoniitapi. Qaq 'era da ỹa'aqtac, Aỹem Nataxala'.»

Jeremías 48:47

Qalaxaye qom ime de'era nache Aỹem ñaralaxat qome da na'achecỹaxac ye Moab. Qaq 'era da ỹa'aqtac Aỹem Nataxala'.» Qaq 'ena nam tachiguiña da lhuaxanaxanaxac Ñim nataxala' maye talec ye Moab.

Jeremías 49:39

Qalaxaye caua pa'atrec na'axa'te, nache ñaralaxat qome da na'achecỹaxac ye Elam. Qaq 'era da ỹa'aqtac Aỹem Nataxala'.»

Amós 9:14

Huaña nache ñe'eguelaxaala't qome nam ỹalamaxat nhuo' Israel le'ecpi maye noxonecpi co'ollaxa. Nache namayepi qaltaq no'oxoosheguem qome na huaqta'a't nỹecpi maye mashe nlaguiñipi, nache qaltaq naigui qome nache qaltaq ỹo'ot nam lanaxanaqa'pi da ỹaañi ana uvapi, nache nỹomtapigui na maiche lo'onatac lataxa, qataq ỹaañi ana lañiguishepi qo'oipaqpi nache maiche chectac ana ala anamaye.

Deuteronómio 30:3

nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.

Deuteronómio 3:20

Qaq nache qaica qome ca ñe'eguelaq da ñaq saxanaxa da nalec yi'iye 'alhua na qarqaỹaipi, da yaqto' machiguiñi, 'eeta'ama qami', qom nalec yi'iye 'alhua maye pa'aỹa'atague da le'ego ye tala Jordán, maye ỹanem qome Ñim Lo'onatac 'Enauacna.»

Números 32:18

Qataq saishet qome da ñe'eguelaxasaxalo naua qarma'te ivitta'a da 'enauac na Israel le'ecpi nalec na na'alhuapi.

Hechos 15:16

Qom ime de'era, nache Aỹem ñe'eguelaq, da yaqto' qaltaq ñauaxaỹaxaasheguem ñi lauo' so David maye mashe nlaguiñi; nache qaltaq ño'oxoosheguem cam ñaq huo'o,

Jeremías 3:12

Qojec nagui 'aigue da sheu', nache 'aua'axatec qome de'era ỹa'aqtac, qoneta': ‹Ñim Nataxala', 'enapec: ¡Aỹem 'añe'eguelaxa 'am qauemai Israel! Cha'aye saishet qome da 'am saseyacnapec da 'am saconeguet, qataq saishet da nache queta da 'am senotega, cha'aye Aỹem choxonnataxanaxaic. Qaq 'era da ỹa'aqtac, Aỹem Nataxala'.

Jeremías 3:17

Qaq qom ivita que'eca na'a'q, nache ye Jerusalén qaỹamata'ac qome nso'onaxaqui Ñim Nataxala', qaq 'enauac qome nam ỹotta'a't shiỹaxauapi da naỹa yemaye da yaqto' ỹo'oxoren da le'enaxat Ñim Nataxala', qaq huaña nache saishet da ỹe'eguelaxa da quetague' nam qauem maye huetaigui añi lquiyaqte.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Daniel 11:4

Qalaxaye qom mashe ỹaỹamaxañi ca lo'onataxanaxac camaye, nache ca lo'onataxanaxac colaxagui qome cuatro caua lpa'axaco. Qaq da la'añaxac que'eca nta'a, saishet qome da talec ca llalaqpi, qataq nataqa'en que'eca no'onataxanaxac qaica qome ca la'añaxac, saishet da 'eeta'am cam hua'auchiguiñi, cha'aye mashe colaxagui, nache anac qome ca laỹepi nta'alpi da talec que'eca no'onataxanaxac.

Jeremías 16:15

nacherata qome da qoỹeeta': ‹Ñim Nataxala' nca'altauec, ñim nqateeguesop co'ollaxa na Israel le'ecpi ye 'alhua maye pa'aigue da sheu' qataq 'enauac na laỹepi 'alhuapi maye ilagaxaalec co'ollaxa namayepi.› Cha'aye Aỹem qami' she'eguelaxatalo qome ye qana'alhuai yem 'alhua maye sanem co'ollaxa so hua'au qarta'ailpi. Qaq 'era da ỹa'aqtac Aỹem Nataxala'.