Jeremías 12:14 - La'aqtaqa Ñim Lo'onatac 'Enauacna 2013

¹⁴ Ñim Nataxala' 'eeta' da la'aqtac: «'Enauac na qauemaicpi lauoreuapi na Israel le'ecpi maye ilaxachigui nam 'alhua maye Ñim Nataxala' ỹanem da lalamaxat na nhuo' Israel le'ecpi, Aỹem ñeqateeguesop qome namayepi na netalec 'alhuapi, qataq ñeqateeguesop namayepi nam chegoxoguet so Judá.

Jeremías 12:14 Referans Kwoze

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Jeremías 3:18

Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.

Jeremías 49:7

Da la'aqtac Ñim Nataxala' maye Qaica ca Ỹaqalanapec, da ỹa'axata'a dam talec ye Edóm, 'eeta': «¿Mashe qaica ca naỹaanec ye Temán? ¿mashe saỹaỹaten ca 'eetec nam ỹaanataxanaxaicpi? ¿Mashe deqat so laỹaanec?

Jeremías 2:3

Qaq na Israel ỹataqta aỹem nañanot co'ollaxa, nachena na ỹataqta la'auaxanec ala na ỹañiguishec. Qaq naxa da huo'o na ỹo'otec da qauem namayepi, nache aỹem sauo'o da nhuaxanaguec, ñamaxa na qauem. Qaq 'era da ỹa'aqtac, Aỹem Nataxala'.

Salmos 106:47

'Am Nataxala' maye 'Am Qanatamnaxala', ñaq qomi' 'anca'alaxatrec qome, qataq qomi' 'anqateua'alo da salegaqta'aguet na ỹotta'a't shiỹaxauapi na souaqta'alo, yaqto' sanaqot da qana'achecỹaxac da qui'itta 'are'enaxat, qataq so'otaq da qayo'oxonnataxanaxac.

Deuteronómio 30:3

nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.

Zacarías 1:15

Qaq ỹoqo'oye da ỹalemataic, 'eroigui da talec nam ỹotta'a't shiỹaxauapi maye qaica ca lhuogoxo, cha'aye co'ollaq ñaq saq 'amaqtaq da ỹayeloxo, nache namayepi nquigaxatec dam lle'etaxaloxo.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Ezequiel 37:21

Ime, nache qoneta': Da la'aqtac Ñim Nataxala', 'eeta': Aỹem ñeqateeguesop qome na Israel le'ecpi nam ỹotta'a't shiỹaxauapi maye taỹa co'ollaxa, nache sachegoxotteugalo qome da llaỹona't, nache ỹe'eguelaxa ñaqa'en ye maiche na'alhua.

Ezequiel 36:24

Aỹem qami' ñeqateeguesopa qome 'enauac ne'ena ỹotta'a't shiỹaxauapi, qataq nam 'alhuapi, nache qami' llaỹona't qome, nache qami' she'eguelaxatalo yem maiche qana'alhuai.

Ezequiel 28:25

Qaq Aỹem Nataxala', shenapec: Llaỹona't qome na nhuo' Israel le'ecpi, sachegoxotelec nam ỹotta'a't shiỹaxauapi maye ỹalectaigui, nache sachaxana da qui'itta ỹataxac ỹauaachigui ñaqa'en na ỹotta'a't shiỹaxauapi. Nache na Israel le'ecpi nalec qome ye maiche na'alhua, yem 'alhua maye sanem co'ollaxa som ỹamaxashec Jacob.

Jeremías 48:1

Da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi da ỹa'axata'a da 'eetec qome ye Moab, 'eeta': «¡Qaq choxoraxaso' yem huaqta'a't nỹecpi ye Nebo, ỹataqta nlachiguiñi qome! ¡Qaq ye Quiriatayin qalaq qanhuo' qome nache qaica ca la'amaqchec qanqa'en Qataq nam lpaqtaxatpi qalaq qailaxachigui qome!

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Salmos 105:15

«Saishet da qaupocheeua'a na lleca'aguishecpi, qataq saishet da qauo'ochec ca qauem na ỹa'aqtaxanaxanecpi.»

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Jeremías 48:47

Qalaxaye qom ime de'era nache Aỹem ñaralaxat qome da na'achecỹaxac ye Moab. Qaq 'era da ỹa'aqtac Aỹem Nataxala'.» Qaq 'ena nam tachiguiña da lhuaxanaxanaxac Ñim nataxala' maye talec ye Moab.

Jeremías 49:1

Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Ezequiel 28:26

Qaq nache hueta'a qome yemaye qaica ca iraxaatapigui' qataq qaica ca ndaqtaique, qataq no'oxoosheguem qome ca lma'pi, qataq ỹaañi aca lañiguishepi uvapi. Qaq Aỹem sacoolec qome da ñimit na nhuoreuapi maye ỹe'eetac na nhuo' Israel le'ecpi. Qaq huaña qome nache qaỹaỹaten da Aỹem nachaỹem Nataxala', maye Aỹem Natamnaxala' na Israel le'ecpi.»

Ezequiel 36:5

Da la'aqtac Ñim Nataxala', 'eeta': Naua ỹa'aqtaqa 'ettaiguilo souaxat da ỹayeloxo da sataỹa'aguet na laỹepi shiỹaxauapi, qalaxaye ỹactec da salamaqchigui 'enauac ye Edom, cha'aye yemayepi lta'araic co'ollaxa da ntonaxac co'ollaq ỹauo'o lalamaxat ye ña'alhua, qataq lta'araic da le'enaxanaxac co'ollaq deuotaxanec ye no'onaxapi maye hueta'a yemaye.