Jeremías 12:12 - La'aqtaqa Ñim Lo'onatac 'Enauacna 2013

¹² Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Jeremías 12:12 Referans Kwoze

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

Jeremías 47:6

¡'Agai, 'am maye 'am lainec Ñim Nataxala'! ¿chaq laguio' qaq 'anmatec? ¡Ñaq 'avi'eguelaxaigui na 'araỹe', ñaq 'anañaxaañi qataq 'añe'emaxat!

Ezequiel 14:17

Qaq da ñamaxa ca alaataxac que'eca 'alhua, qataq da samaxasoxoolec da qaỹalauat na shiỹaxauapi qataq na shiguiỹacpi,

Isaías 34:6

Qaq so lainec Ñim Nataxala' huagui qome na ntago'q qataq na lcheta, 'eeta'am da 'eetec naxa da qaỹalauat na qagueta llalaqpi, qataq ana quetaqpi da nachetaqtaxanaqte qaỹavigaxatta. Cha'aye Ñim Nataxala' ỹo'ot qome ca ỹavigaxatta lachetaqtaxanaxat huaña naqa'en ye Bosra, qataq cam ỹataqta lta'araic lalaataxanaxac huaña ye Edom.

Apocalipsis 6:4

Nache nnoxonec so lỹa caaỹo togaxaraic. Qaq Ñim Lo'onatac 'Enauacna ỹanem se'eso netalec somaye da la'añaxac, da yaqto' nlaxaañi da nlagaxayec ana 'alhua, qataq da yaqto' ỹo'otec da ñi 'oonolec shiỹaxaua ỹalauat ca lỹa. Qataq ỹanem so lta'araic lainec somaye.

Sofonías 2:12

¡Nataqa'en qami' maye qarmaye na Etiopía, qami' ique'emaqche't qome ca lainec Ñim Nataxala'!

Ezequiel 5:2

Qaq qom ime da qailoquiaxaatac ye huaqta'a't nỹecpi, nache 'auavigaxat aca 'oonole que'ecaua tres 'aqtal cam 'araue, vichiguingui 'anqa'en na laiñi ye huaqta'a't nỹecpi, qaq da ime nache qaltaq 'auacona ca ỹeelonec, nache 'auchiigui aca lỹa que'ecaua tres 'aqtal, nache 'auconnaxaasop na loiguepi ye huaqta'a't nỹecpi, qaq aca no'onañi nache 'auasaxasheguem da yaqto' ỹache na la'at. Qaq Aỹem secanapec qome na shiỹaxauapi ne'ena huaqta'a't nỹecpi, ñasoqta'a ca ỹainec.

Jeremías 48:2

Da llo'oxoyec ye Moab qalaq mashe imeuo. Ye Esbón maye mpa'aguenaxauapi yemaye, qalaq mashe lapaxañi nam lhuennataxacpi da yaqto' ye Moab imeuo na hueta'a shiỹaxauapi. Qaq 'am Madmena nataqa'en 'am dolachigui qome, cha'aye ca alaataxac saishet da 'am ỹaxaatac qome.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Jeremías 15:2

Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Jeremías 3:2

Ñaq 'aumeten ana lcomaraxalatepi maye qaica ca ñaxaalec, ¿qaq hua'ague co'ollaxa ca huaña da 'am sanauañe'? 'anso'ootañi qoneto'ot na loigue ca nqa'aic, qoneta'am ca árabe maye netalec ca toolec 'alhua da 'auattaique 'ancachaxauapi. Nache ỹataqta 'anshepaxanaqchet ne'ena 'alhua souaxat da 'arquisheguetaxac qataq na qauem maye 'auo'ottacpi.

Isaías 57:21

Nam qauemaicpi saishet da hueto'ot ca nlagaxayec.» Qaq 'era da la'aqtac Ñim Nataxala'.

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Deuteronómio 32:42

Aca ichecnapi qalaq huagui qome ñaqa'en na ltago'q ca que'emaxaicpi qataq ca noxonecpi, qataq ca ỹainec nmichiguiñi naqa'en namayepi, ¡qataq ca lataxala'pi na qampa'aguenaxauapi!»

Jeremías 3:21

Huo'o da qaỹa'aqtega na'alaxac chemaqtapeguelec aye lcomaraxalatepi maye qaica ca ñaxaalec. ¡Qaq nachena nam Israel le'ecpi, maye nỹeetagui qataq iỹaxaataique da qaichoxoren! cha'aye ca'ai som ỹaỹamaqchiguiñi nqa'aic, qataq aỹem icoua'ai Aỹem Nataxala' qataq Natamnaxala'.

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Jeremías 16:5

Ñim Nataxala', nataqa'en aỹem 'enapega, 'eeta': «Saishet qome da 'aupa'aigui ca nỹec maye hueta'a da naquicoxo souaxat da huo'o ca ileu, qataq saishet da 'anỹen qome qataq saishet da 'auachaxan da huo'o da 'anqui'ic souaxat camaye, cha'aye ne'ena nhuo' le'ecpi ñeqateeguesop da nlagaxayec maye sanem co'ollaxa, qataq da ỹauotaxanaqtaic qataq da ichoxonnataxanaxa. Qaq 'era da ỹa'aqtac Aỹem Nataxala'.

Jeremías 25:11

Qaq 'enauac qome ne'ena 'alhua da ỹataqta nlachiguiñi qataq logosheguem qome. Qaq ivittrec qome caua setenta vi'iye da ne'ena ỹotta'a't shiỹaxauapi do'onataxaatacot ñi nta'a ye Babilonia.

Jeremías 30:5

Ñim Nataxala', 'eeta': «¡Qaỹa'aqtega da na'alaxac maye huo'o da lchec, ncolanaxa qataq qaica ca nlagaxayec!

Jeremías 46:10

Qaq que'eca na'a'q nacheca ca lalamaxat Ñim Nataxala' maye Qaica ca Ỹaqalanapec, que'eca na'a'q nache huaigui da ỹe'eguelaxateguet nam mpa'aguenaxauapi. Ca ỹeelonec qalaq qalota qome ca ỹalauat nache ivitta'a da nlaqtegue na ntago'q. Cha'aye Ñim Nataxala' maye Qaica ca Ỹaqalanapec ỹauo'o qome ca lta'araic lalaataxanaxac da huaña ye 'alhua maye pa'aigue da sheu' maye hueto'ot na loigue so tala Éufrates

Lamentaciones 3:17

Nache aỹem ca'ai da nlagaxayec, qataq secoua'ai dam ỹaỹamaqchiguiñi.

Ezequiel 21:4

Aja', ñeqatsheguem qome na ỹainec, nache salauat 'enauac no'on da lataxac qataq na qauem da lataxac, chegoqchiguiña ye sheu' nache ivitta'a da taguiñi.

Ezequiel 21:28

'Am shiỹaxaua, 'auachegoxotchigui da ỹe'enaxat da 'aua'aqtaxanem da ỹa'aqtac na Amón le'ecpi maye isheueetac naxa na Israel le'ecpi, da ca ỹeelonec mashe qanqateeguesop ca laỹe': mashe lhuotta da qaỹalaataxana, qataq qashelecteguiñi da yaqto' chegaqaigui ca nqashelgaxa, nache ilaxachigui nam huo'o.

Jeremías 8:15

Seuataqtaique ca qal-lagaxayec, qalaxaye qaica ca no'on da qomi' nviralo. Qataq seuataqtaique ca qaraỹamaxa, qalaxaye nachaqrata da qarcolanaxa.

Ezequiel 21:8

Ñim Nataxala' qaltaq aỹem 'enapega, 'eeta':

Ezequiel 21:9

«'Am shiỹaxaua, 'auachegoxotchigui da ỹe'enaxat da 'aua'aqtaxan, nache 'aua'axat da Aỹem Nataxala' 'am samaxalec de'era maye 'eeta': ¡Ca ỹeelonec, ca ỹeelonec! Camaye mashe qaiqueuocta, qataq mashe qaiỹo.