Jeremías 12:1 - La'aqtaqa Ñim Lo'onatac 'Enauacna 2013

¹ 'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Jeremías 12:1 Referans Kwoze

Malaquías 3:15

Qomi' sauanaqchigui, da nam ño'oxonnaxaicpi ỹataqta matapiguiñi, qataq na 'etaxaloxoicpi ỹataqta nquictauec nam hueto'otpi, qataq ỹe'eguen naxa Ñim Lo'onatac 'Enauacna, qalaq saishet da talec ca nhuaxanaguec.

Salmos 92:7

Qaq na'aictoxo' da 'eeta'am na 'auaqpi da ñaxat na qauemaicpi, qataq da ñaxatec 'enauac na 'etaxaloxoicpi, qalaxaye namayepi taỹa'a da qailaxachigui.

Salmos 37:1

Saishet qome da 'aualemata souaxat na qauemaicpi, qataq saishet da 'anquiỹatega na ỹo'ottac na qauempi,

Daniel 9:7

'Am Nataxala', ỹataqta no'on da 'arataxac, qalaxaye qomi' judiopi, nagui ỹataqta huo'o da qara'agaxa, nam hueta'a ye Jerusalén qataq na laỹepi Israel le'ecpi, nam saqaỹapeque, qataq na qaỹoqta maye hueta'a nam ỹotta'a't 'alhuapi maye 'auamaxa co'ollaxa, souaxat da 'am saỹalaxaguet.

Da na'aqtaguec so Job 12:6

Qaq na cachaxaicpi qalaq lactapiguiñi hueta'alo naua lma'ate, qataq na inogoqchettac Ñim Lo'onatac 'Enauacna, qalaq qaica ca machaqca, cha'aye ipi'itaxaatega da mashe huetaigui naqa'en na lhuaq lauel Ñimaye.

Habacuc 1:4

Cha'aye sa qaipaguelec na nqataxacpi, qataq da huo'o na qanmit, qalaq sa qaipaguelec da 'eesa lataxac, nam qauemaicpi qalaq ỹataqta sa iren nam no'on da lataxac, qataq qaỹashaxanec dam ỹataqta nalochiguiñi lataxac.

Salmos 51:4

Qaq nachaq 'amta da 'am hueto'ot na ỹasouaxashetpi, aja', nachaq 'amta, cha'aye so'ot co'ollaxa na qauemsat, nam sa 'auaỹamaxaren da qaỹo'ot. Qaq ỹoqo'oye naua 'arhuaxanaxanaxaco ỹataqta nalochiyiñi, ỹataqta 'am saqaimaqpec da huo'o ca 'anmit.

Salmos 37:35

Aỹem sauaachigui so qauemaic maye ỹataqta ño'oxonnaxaic, da nquictauec 'eeta'am ana qo'oipaq, da qalochiguiñi ana lcouepi,

Sofonías 3:5

Qalaxaye Ñim Nataxala' hueta'a ne'ena huaqta'a't nỹecpi; Ñimaye ỹo'ot da no'on, qaq saishet da ỹo'ot ca qauem. Qataq nacheye ye nte'eta naua na'axa'te da ỹachaxan nam huotaique da ỹo'ot, Qalaxaye cam qauemaic qalaq ỹataqta saishet da ỹauatton cam na'agaxa.

Jeremías 11:20

Qalaxaye 'am Nataxala' maye Qaica ca 'auqalanapec 'am maye no'on da 'aro'onataxanaxac da huo'o ca 'anmit, 'Am 'auauatton da lquiyaqteỹaxac qataq cam 'eetapeguec ca shiỹaxaua. Ñaq sauaachigui 'anqa'en ca 'eetec qom 'auaxan yi'iye shiỹaxauapi, cha'aye aỹem huo'o da ipi'iỹaxac 'Am.

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Jeremías 5:11

¡Na Israel qataq na Judá ỹataqta saỹalaq! Qaq 'era da la'aqtac, Ñim Nataxala'.»

Da na'aqtaguec so Job 13:3

Qalaxaye aỹem sauotaique da ỹoqta setaxaỹapegue' Ñim Qaica ca Ỹaqalanapec, qataq ñeshetaique da ñecotaỹapegue' Ñim Lo'onatac 'Enauacna.

Esdras 9:15

Qaq 'am Nataxala', qataq Natamnaxala' na Israel le'ecpi, 'am maye ỹataqta sa na'aigue da 'icỹaxac. 'Am maye chegoqchigui da qalota da shenaqta na nca'altauec. Qalaxaye qomi' ỹataqta ñanomaqta da 'am hueta'asop na qarasouaxashetpi, qaq ỹoqo'oye saq taiguet da 'am souaqto'ot.»

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Isaías 48:8

'Am saishet co'ollaxa da 'aua'aqteguelec namayepi da qaỹa'axattac, qataq saishet da 'auauatton, cha'aye nache 'eetai' naxa da saishet da 'aua'aqa. Qaq Aỹem mashe saỹateetac da saishet da 'aualaq, cha'aye nache chegoqta'a co'ollaq 'auañiguiñi da 'am qailonec da saishet da 'aualaq.

Isaías 41:21

Ñim Nataxala', maye Lta'a so Jacob, 'eeta': Ña qauanaqui qami' atamnaxala'pi qauachaxañi ca qara'añaxaqui da qanvicheela't, ña qauanaqui da qanpaxacheelec cam qoñeetapeguec.

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Salmos 145:17

Ñim Nataxala' nalochiguiñi da nqa'aicỹaxac, da lchoxonnataxanaxa huetalec 'enauac na lo'onatacpi.

Salmos 119:137

'Am Nataxala', ỹataqta nalochiguiñi da 'arataxac, qataq no'oiteguelo naua 'alapaxayiñi lataxaco.

Salmos 119:75

'Am Nataxala', aỹem saỹaten da naua no'oñi 'arhuennataxaco ỹataqta ỹaỹamaqchiyiñi, qaq ỹoqo'oye 'itchiguiñi da 'auo'ot da ñeque'eenaxac.

Deuteronómio 32:4

Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Nehemías 9:33

Qalaxaye saishet da saỹaỹamaxañi de'era qomi' 'auo'oteque qanhuaxanaguec, cha'aye no'oitegue da lataxac da huo'o ca 'auo'ot, qomi' qalaxaye 'itchiguiñi da qomi' 'etaxaloxoiqa.

Salmos 116:5

Ñim Nataxala' ỹataqta no'on da lataxac qataq hualaxaunaxaic, Ñim Qanatamnaxala' ỹataqta choxonnataxanaxaic.

Eclesiastés 8:14

Qataq huo'o dam qaica ca naigui maye qaỹo'ottac ana'ana 'alhua, cha'aye nam shiỹaxauapi maye no'on da lataxac, qalaq 'eeta'am qanqa'en da qauemaicpi, qaq nam qauemaicpi qalaq 'eeta'am qanqa'en da no'on da lataxac. ¡Qaq aỹem shenapec da nataqa'en de'era qaica ca naigui!

Jeremías 3:7

Qaq Aỹem iuennataxac co'ollaxa da ime 'enauac ne'ena ỹo'ottacpi, nache aỹem ñe'eguelaxa, qalaxaye saishet da ỹo'ot de'era. Qaq añim lqaỹa Judá maye saỹalaq, ỹauaachigui de'era,

Jeremías 3:20

Qalaxaye 'eeta'am aca 'alo da sa ỹalaxaguet ca lhua, qaq nache 'eeteque qami' da saq aỹem qaualaqaiguet. Qaq 'era da ỹa'aqtac Aỹem Nataxala'.

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 32:16

Qaq co'ollaq ime da sanem so Baruc som llalec so Nerías, aso lmalate da qanmenaxac, nache aỹem ñatamnot Ñim Nataxala', sheeta':

Lamentaciones 1:18

Qaq Ñim Nataxala', ỹaỹamaqchiguiñi dam ỹo'ot, cha'aye aỹem sataỹa'agueta naua lamaxasoxonaxaco. ¡Ñaq qana'axaỹaxañi nagui 'enauac qami' nhuo' le'ecpi, qataq qaumichiñi da ñequi'ic! ¡Som ỹalamaxat nsoxoppi, qataq som qa'ampi qaỹauega yem ỹaqa'a 'alhua!

Ezequiel 18:25

Qami', qoñiỹapec qome da saishet da so'onataxaatega da nalochiguiñi lataxac; qalaxaye ña qana'axaỹaxañi qami' nhuo' Israel le'ecpi, ¿qaupicheetega peta'a da saỹaỹamaxañi da so'ottac? ¿Qaq saishet peta'a da nache qami' maye qauo'ocheetac nam qauem?

Da na'aqtaguec so Job 8:17

qaq na lpa'a'pi anamaye ỹataqta nañaxattaigui ana coma'pi, qataq no'oxona'aguet na coma' laỹepi.

Da na'aqtaguec so Job 24:12

Qataq ỹataqta qaỹoqta na huaqta'a't nỹecpi, qalaxaye qaỹa'aqtega da la'alaxac na ileetapigui'pi maye netaigui, qataq ỹataqta na'alaqtapiguiñi da nỹeetac na que'emaxaicpi, qalaxaye Ñim Lo'onatac 'Enauacna saishet da hua'axaỹa da natamnaxac.

Da na'aqtaguec so Job 24:23

Ñim Lo'onatac 'Enauacna hua'aqta'a namayepi da qaica ca ivittaique, qalaxaye ỹataqta naua'n naua lqauaxaqui'.

Salmos 51:6

Qataq saỹateeta da 'auauotec, da lquiyaqteỹaxac ca no'on ỹale, ỹoqo'oye saqcha'a 'anqa'en da aỹem 'aỹa'anem da ỹaỹaanec.

Daniel 9:14

Qaq ỹoqo'oye 'Am Nataxala', 'auqataxanai' co'ollaxa de'era qauem, nache qomi' 'anamaxalo da qomi' taleguete, cha'aye 'am Nataxala' maye 'am Qanatamnaxala', ỹataqta nalochiguiñi 'enauac nam 'auo'otpi, qalaxaye qomi' saishet co'ollaxa da 'am ña'axaỹaxanaxa.

Malaquías 2:17

Qaq Ñim Nataxala', mashe qami' nasamiisopa da qami' na'axaỹaxaategalo; qalaq ñaq 'eetalec da qanataxañeetac, qoñeeta': «¿Negue't cam huo'omshe qomi' nasamiisopa?» Cha'aye qami' qoñiỹapec naxa, da Ñim Nataxala' ỹaỹamaxareeta nam ỹo'ottac na qauem, qataq machiguiñi Ñimaye souaxat namayepi. ¡Qami' sa qaua'amaqcheñi da Ñimaye, ỹataqta nalochiguiñi da lataxac!